ന്യൂഡൽഹി : ലഖിംപുർ ഖേരി വിഷയം മുന്‍നിര്‍ത്തി കോണ്‍ഗ്രസിനെ കുറ്റപ്പെടുത്തിയ തെരഞ്ഞെടുപ്പ് തന്ത്രജ്ഞൻ പ്രശാന്ത് കിഷോറിനെ വിമർശിച്ച് പാർട്ടി നേതൃത്വം. ഇത്തരം ഗുരുതരമായ വിഷയങ്ങളിൽ ലാഭനഷ്‌ടം കണ്ടെത്തുന്ന പ്രവണത കുറ്റകരമാണെന്ന് കോൺഗ്രസ് ജനറൽ സെക്രട്ടറി രൺദീപ് സുർജേവാല പ്രതികരിച്ചു.
ലഖിംപുർ ഖേരി അക്രമത്തിന്‍റെ പശ്ചാത്തലത്തിൽ മുത്തശ്ശിപ്പാർട്ടിയുടെ പുനരുത്ഥാനം പ്രതീക്ഷിക്കുന്ന വ്യക്തികൾക്ക് വലിയ നിരാശയാകും ഉണ്ടാവുകയെന്നായിരുന്നു പ്രശാന്ത് കിഷോറിന്‍റെ ട്വീറ്റ്. ദൗർഭാഗ്യവശാൽ പാർട്ടിയുടെ വേരുറച്ചുപോയ പ്രശ്നങ്ങൾക്കും ഘടനാപരമായ ബലഹീനതയ്ക്കും ദ്രുത പരിഹാരങ്ങളില്ലെന്നും അദ്ദേഹം ട്വിറ്ററിൽ കുറിച്ചു.
ലഖിംപുർ ഖേരി അക്രമത്തിൽ കൊല്ലപ്പെട്ട കർഷകരുടെ കുടുംബാംഗങ്ങളെ രാഹുൽ ഗാന്ധിയും പ്രിയങ്ക ഗന്ധിയുമുൾപ്പെട്ട കോൺഗ്രസ് നേതാക്കൾ സന്ദർശിച്ചതിനുപിന്നാലെയായിരുന്നു കിഷോറിന്‍റെ ട്വീറ്റ്.
-
People looking for a quick, spontaneous revival of GOP led opposition based on #LakhimpurKheri incident are setting themselves up for a big disappoinment.
— Prashant Kishor (@PrashantKishor) October 8, 2021 " class="align-text-top noRightClick twitterSection" data="
Unfortunately there are no quick fix solutions to the deep-rooted problems and structural weakness of GOP.
">People looking for a quick, spontaneous revival of GOP led opposition based on #LakhimpurKheri incident are setting themselves up for a big disappoinment.
— Prashant Kishor (@PrashantKishor) October 8, 2021
Unfortunately there are no quick fix solutions to the deep-rooted problems and structural weakness of GOP.People looking for a quick, spontaneous revival of GOP led opposition based on #LakhimpurKheri incident are setting themselves up for a big disappoinment.
— Prashant Kishor (@PrashantKishor) October 8, 2021
Unfortunately there are no quick fix solutions to the deep-rooted problems and structural weakness of GOP.
ALSO READ: 2023ലെ നിയമസഭ തെരഞ്ഞെടുപ്പിൽ ബിജെപിയെ താന്‍ നയിക്കുമെന്ന് മുഖ്യമന്ത്രി ബസവരാജ് ബൊമ്മൈ
ഒരു രാഷ്‌ട്രീയോപദേശകൻ നടത്തിയ അഭിപ്രായ പ്രകടനത്തോട് പ്രതികരിക്കാനില്ലെന്ന് രൺദീപ് സുർജേവാല പറഞ്ഞു. ലഖിംപുർ സംഭവത്തെ രാഷ്ട്രീയവത്കരിക്കുകയും ഇത്തരം സാഹചര്യങ്ങളിൽ ലാഭനഷ്‌ടം അന്വേഷിക്കുകയും ചെയ്യുന്നത് തികഞ്ഞ കുറ്റകൃത്യമാണെന്ന് അദ്ദേഹം കൂട്ടിച്ചേർത്തു.
അതേസമയം കർഷകരുടെ മരണത്തിന് കാരണക്കാരായ അച്ഛനെയും മകനെയും ബിജെപി സർക്കാർ സംരക്ഷിക്കുകയാണെന്നും സുർജേവാല ആരോപിച്ചു. കേന്ദ്രമന്ത്രിയായ അജയ് മിശ്ര ഒരു കൊലക്കേസ് പ്രതിയാണ്. അദ്ദേഹത്തിന്‍റെ കേസ് 2004 മുതൽ അലഹബാദ് ഹൈക്കോടതിയുടെ പരിഗണനയിലാണ്. അജയ് മിശ്രയെ മന്ത്രി സ്ഥാനത്ത് നിന്ന് ഒഴിവാക്കണമെന്നും അദ്ദേഹം ആവശ്യപ്പെട്ടു.
