ന്യൂഡൽഹി: ക്യാബിനറ്റ് സെക്രട്ടറി രാജീവ് ഗൗബ കൊവിഡ് കണക്കുകളിൽ വർധനവ് കാണിക്കുന്ന സംസ്ഥാനങ്ങളിലെ പ്രതിനിധികളുമായി വെള്ളിയാഴ്ച ചർച്ച നടത്തും. ഇന്ത്യയിൽ കഴിഞ്ഞ 24 മണിക്കൂറിനിടെ 81,466 പുതിയ കൊവിഡ് കേസുകളാണ് റിപ്പോർട്ട് ചെയ്തിതിക്കുന്നത്. ഇതോടെ മൊത്തം രോഗികൾ 1,23,03,131 ആയി ഉയർന്നെന്ന് ആരോഗ്യ വിദഗ്‌ദർ പറഞ്ഞു.
മഹാരാഷ്ട്ര, ഛത്തിസ്ഖഡ്, കർണാടക, തമിഴ്‌നാട്, ഗുജറാത്ത്, മധ്യപ്രദേശ് എന്നീ സംസ്ഥാനങ്ങളിൽ ദിനംപ്രതി കൊവിഡ് കേസുകൾ കൂടുകയാണ്. രാജ്യത്തെ കൊവിഡ് വ്യാപനം മോശമായ അവസ്ഥയിലേക്കാണ് പോകുന്നതെന്നും വൈറസ് ഇപ്പോഴും വളരെ സജീവമാണെന്നും നിതി ആയോഗ് അംഗമായ വി.കെ. പോൾ അടുത്തിടെ പറയുകയുണ്ടായി.
