ദിസ്‌പൂര്‍: കന്നുകാലികളെ മോഷ്‌ടിച്ച് വില്‍ക്കുന്നെന്ന് ആരോപിച്ച് അസമില്‍ യുവാവിനെ തല്ലിക്കൊന്നു. നൽബാരി ജില്ലയിലെ തിഹുവിലാണ് സംഭവം. മ്രിഗൻ കാലിത എന്നയാളെയാണ് നാട്ടുകാര്‍ തല്ലിക്കൊന്നത്. ഇയാൾക്കെതിരെ കന്നുകാലി മോഷണത്തിന് നാട്ടുകാര്‍ പൊലീസില്‍ പരാതി നല്‍കിയിരുന്നു. എന്നാല്‍ പൊലീസ് നടപടി സ്വീകരിച്ചില്ല. കഴിഞ്ഞ ദിവസം ഇയാൾ പന്നിയെ മോഷ്‌ടിക്കാൻ ശ്രമിക്കുമ്പോൾ നാട്ടുകാര്‍ ചേര്‍ന്ന് പിടികൂടി മര്‍ദിക്കുകയായിരുന്നു. തിഹു പൊലീസ് സംഭവത്തില്‍ ഇടപ്പെട്ട് ഇയാളെ ആശുപത്രിയിലേക്ക് എത്തിച്ചെങ്കിലും മരണം സംഭവിച്ചു.
ആസാമിൽ യുവാവിനെ തല്ലിക്കൊന്നു
