ഹൈദരാബാദ്: എഐ‌ഐ‌എമ്മിന്‍റെ അക്ബറുദ്ദീൻ, അസദുദ്ദീൻ ഒവൈസി സഹോദരങ്ങൾ ഓൾഡ് ഹൈദരാബാദിനെ വികസപ്പിക്കാൻ അനുവദിക്കുന്നില്ലെന്ന് ബിജെപി എംപി തേജസ്വി സൂര്യ.
അക്ബറുദ്ദീനും അസദുദ്ദീൻ ഒവൈസിയും വികസനത്തെക്കുറിച്ച് സംസാരിക്കുന്നു. പഴയ ഹൈദരാബാദിനുള്ളിൽ വികസനത്തിനും പുതിയ അടിസ്ഥാന സൗകര്യ പദ്ധതികൾക്കും ഒവൈസി സഹോദരങ്ങൾ അനുവദിക്കുന്നില്ല. റോഹിംഗ്യൻ മുസ്‌ലിംകളെ സ്വീകരിക്കണമെന്ന് അവർ പറയുന്നു. ഒവൈസിയിലേക്കുള്ള ഓരോ വോട്ടും ഇന്ത്യയ്‌ക്കെതിരായ വോട്ടാണെന്നും അദ്ദേഹം പറഞ്ഞു.
മുഹമ്മദ് അലി ജിന്ന സംസാരിച്ചിരുന്ന തീവ്ര ഇസ്ലാമിസം, വിഘടനവാദം, തീവ്രവാദം എന്നിവയുടെ ഭാഷയാണ് ഒവൈസി സംസാരിക്കുന്നത്. ഒവൈസി സഹോദരന്മാരുടെ ഭിന്നിപ്പും സാമുദായിക രാഷ്ട്രീയത്തിനുമെത്തിരെ ഓരോ ഇന്ത്യക്കാരനും നിലകൊള്ളണമെന്ന്, അദ്ദേഹം കൂട്ടിച്ചേർത്തു. ഗ്രേറ്റർ ഹൈദരാബാദ് മുനിസിപ്പൽ കോർപറേഷനിലേക്കുള്ള തെരഞ്ഞെടുപ്പിന് മുന്നോടിയായി ഹൈദരാബാദിൽ എത്തിയതായിരുന്നു തേജസ്വി സൂര്യ.
