ഭോപ്പാൽ: മധ്യപ്രദേശിലെ ഭോപ്പാലിൽ 12 വയസുകാരിയെ അയൽക്കാരൻ ബലാത്സംഗം ചെയ്തു. തിങ്കളാഴ്ച രാത്രിയാണ് സംഭവം. മൂന്ന് വയസുകാരിയുടെ പിതാവായ മനോജ് പ്രജാപതി(37) എന്നയാളാണ് പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്തത്. വീടിന് പുറത്ത് കളിക്കുന്നതിനിടെ ചോക്ലേറ്റ് കാണിച്ച് കുട്ടിയെ അടുത്ത് വിളിക്കുകയായിരുന്നെന്ന് അശോക ഗാർഡൻ പൊലീസ് സ്റ്റേഷനിലെ ഇൻസ്പെക്ടർ സുദേഷ് തിവാരി പറഞ്ഞു
സംഭവം നടക്കുമ്പോൾ പീഡനത്തിനിരയായ പെൺകുട്ടിയുടെ അച്ഛൻ വീട്ടിലുണ്ടായിരുന്നില്ലെന്നും അമ്മ വീടിനുള്ളിലായിരുന്നെന്നും പൊലീസ് പറയുന്നു. പ്രതിയുടെ വീട്ടിൽ കൊണ്ടുപോയാണ് പെൺകുട്ടിയെ പീഡനത്തിനിരയാക്കിയതെന്നും അന്വേഷണ സംഘം പറഞ്ഞു. പ്രതിക്കെതിരെ ഇന്ത്യൻ ശിക്ഷാ നിയമത്തിലെ സെക്ഷൻ 376 (ബലാത്സംഗം), പോക്സോ നിയമം എന്നിവ പ്രകാരം കേസ് രജിസ്റ്റർ ചെയ്തു.