വേനല്‍ചൂടിനിടെ ആശ്വാസ വാര്‍ത്തയുമായി കാലാവസ്ഥാകേന്ദ്രം. കനത്ത വേനല്‍ചൂടിനിടെ ഇത്തവണത്തെ മണ്‍സൂണ്‍ വൈകില്ലെന്നും സാധാരണ പോലെ ആയിരിക്കുമെന്നുമാണ് പുതിയ റിപ്പോര്‍ട്ട്. കാലാവസ്ഥാ വകുപ്പിന്‍റെ കാലവര്‍ഷത്തെകുറിച്ചുളള ആദ്യ റിപ്പോര്‍ട്ടാണിത്. ഇത് കേരളത്തിനും ആശ്വാസകരമാണ്.
പസഫിക്ക് സമുദ്രത്തില്‍ രൂപപ്പെടുന്ന എല്‍നിനോ പ്രതിഭാസത്തിന് ശക്തികുറവായിരിക്കും. എന്നാല്‍ എല്‍നിനോ ശക്തിപ്പെട്ടാല്‍ വരള്‍ച്ച കൂടാനിടയുണ്ട്. എങ്കിലും കേരളത്തെ ഇത് ബാധിക്കില്ലെന്നാണ് വിലയിരുത്തല്‍. ജൂണില്‍ എല്‍നിനോയെകുറിച്ചുള്ള കൂടുതല്‍ വിവരങ്ങള്‍ പുറത്തുവിടുമെന്ന് കാലാവസ്ഥാ വകുപ്പ് വ്യക്തമാക്കി.
കാലവര്‍ഷം തുടങ്ങുന്ന തീയതി മെയ് 15ന് പ്രഖ്യാപിക്കും. 96% മഴയാണ് പ്രതീക്ഷിക്കുന്നത്. അതിനാല്‍ കര്‍ഷകര്‍ക്ക് ഈ വാര്‍ത്ത പൊതുവെ ആശ്വാസകരമാണ്.
