ഇറ്റാനഗർ:അരുണാചൽ പ്രദേശിലെ നംസായിയിൽ വാഹനാപകടത്തിൽ പത്ത് മാസം പ്രായമായ കുട്ടി ഉൾപ്പടെ ആറ് പേർ മരിച്ചു. നിർത്തിയിട്ടിരുന്ന ട്രക്കിലേക്ക് കാർ ഇടിച്ചു കയറിയായിരുന്നു അപകടം. കാറിൽ സഞ്ചരിച്ച ഒമ്പത് പേരിൽ ആറ് പേരാണ് മരിച്ചത്. മൂന്ന് പേരെ ഗുരുതര പരിക്കുകളോടെ സമീപത്തെ ആശുപത്രിയിൽ പ്രവേശിപ്പിച്ചു. നിസാര പരിക്കുകളോടെ രക്ഷപ്പെട്ട ഡ്രൈവർ ബാബുൽ മുണ്ട ഒളിവിലാണ്.
മംഗള ഖരിയ, റീന ഖരിയ, ജപ്പാൻ ഖരിയ, തുണ്ടുനി മുണ്ട, ബബിത മുണ്ട, പത്തുമാസം പ്രായമായ ജുനാലി ഖരിയ എന്നിവരാണ് അപകടത്തിൽ മരിച്ചത്. നംസായിയിലെ ചെംഗപഥറിൽ നടന്ന വിവാഹ ചടങ്ങിൽ പങ്കെടുത്ത് മടങ്ങവെയാണ് അപകടം സംഭവിച്ചതെന്നാണ് റിപ്പോർട്ടുകൾ.
