നാഗ്‌പൂരിലെ ഫാക്‌ടറിയിൽ ബോയിലർ പൊട്ടിത്തെറിച്ച് അഞ്ച് തൊഴിലാളികൾ മരിച്ചു

മനസ് അഗ്രോ ഇൻഡസ്ട്രീസ് ആൻഡ് ഇൻഫ്രാസ്ട്രക്ചർ ലിമിറ്റഡിലാണ് ബോയിലർ പൊട്ടിത്തെറിച്ച് അപകടമുണ്ടായത്.

മുംബൈ: നാഗ്‌പൂരിലെ മനസ് അഗ്രോ ഇൻഡസ്ട്രീസ് ആൻഡ് ഇൻഫ്രാസ്ട്രക്ചർ ലിമിറ്റഡിൽ ബോയിലർ പൊട്ടിത്തെറിച്ച് അഞ്ച് തൊഴിലാളികൾ മരിച്ചു. നിരവധി തൊഴിലാളികൾക്ക് പരിക്കേറ്റു. ബേല ഗ്രാമത്തിലെ ബയോഗ്യാസ് പ്ലാന്‍റിന് സമീപമുള്ള ഫാക്‌ടറിയിലാണ് അപകടം സംഭവിച്ചത്. മംഗേഷ് പ്രഭാകർ നൗക്കർക്കർ, ലിലധർ വാമൻ‌റാവു ഷെൻഡെ, വാസുദിയോ ലാഡി, സച്ചിൻ പ്രകാശ് വാഗ്മറെ, പ്രഫുൽ പാണ്ഡുരംഗ് മൂൺ എന്നിവരാണ് അപകടത്തിൽ കൊല്ലപ്പെട്ടത്. തൊഴിലാളികൾ സംഭവ സ്ഥലത്ത് വെച്ച് തന്നെ മരിച്ചെന്ന് പൊലീസ് സൂപ്രണ്ട് രാകേഷ്‌ ഒല പറഞ്ഞു. സ്ഫോടനത്തെത്തുടർന്ന് പ്ലാന്‍റിൽ നിന്ന് കട്ടിയുള്ള പുക പുറത്തേക്ക് ഒഴുകിയിരുന്നു.