ലക്‌നൗ: യുപിയില്‍ 1,441 പേര്‍ക്ക് കൂടി കൊവിഡ് സ്ഥിരീകരിച്ചു. ഇതോടെ സംസ്ഥാനത്തെ കൊവിഡ് ബാധിതരുടെ ആകെ എണ്ണം 5,65,556 ആയി. 16 മരണങ്ങളും റിപ്പോര്‍ട്ട് ചെയ്‌തു. സംസ്ഥാനത്ത് ഇതുവരെ 8,072 പേരാണ് കൊവിഡ് ബാധിച്ച് മരിച്ചത്. ഇന്ന് രോഗം സ്ഥിരീകരിച്ചവരില്‍ 209 പേരും സംസ്ഥാന തലസ്ഥാനമായ ലക്‌നൗവില്‍ നിന്നാണ്.
കഴിഞ്ഞ 24 മണിക്കൂറിനിടെ 1,770 പേര്‍ രോഗമുക്തരായി. ഇതോടെ സംസ്ഥാനത്ത് രോഗമുക്തരായവരുടെ എണ്ണം 5,37,755 ആയി. സംസ്ഥാനത്ത് നിലവില്‍ 19,729 പേരാണ് ചികിത്സയിലുള്ളത്. 2.14 കോടിയിലേറെ സാമ്പിളുകള്‍ പരിശോധിച്ചതായും ആരോഗ്യ വിഭാഗം അറിയിച്ചു.
