മഹാരാഷ്‌ട്ര: കാട് വിട്ട് നാട്ടിലിറങ്ങിയ കടുവ ഹൈവേ മുറിച്ച് കടക്കാനാവാതെ കുടുങ്ങി. മഹാരാഷ്‌ട്രയിലെ ചന്ദ്രപൂരിലെ നാഗ്‌ഭിദ് - ബ്രഹ്മപുരി ഹൈവേയിലെ സൈഗതയില്‍ കഴിഞ്ഞ ദിവസമാണ് സംഭവം. റോഡ് മുറിച്ച് കടക്കാന്‍ കടുവ കുറെ സമയം ശ്രമം നടത്തിയെങ്കിലും ഹൈവേയിലെ വാഹന തിരക്ക് കാരണം റോഡരികില്‍ തന്നെ നിന്നു.
മഹാരാഷ്‌ട്രയില്‍ റോഡിലിറങ്ങിയ കടുവ കുടുങ്ങി
വിവരമറിഞ്ഞ് സ്ഥലത്ത് എത്തിയ വനപാലകര്‍ വാഹനങ്ങള്‍ തടഞ്ഞ് കടുവയ്‌ക്ക്‌ പോകാന്‍ വഴിയൊരുക്കി. റോഡില്‍ വാഹനങ്ങള്‍ നിലച്ചതോടെ കടുവ വേഗത്തില്‍ ഹൈവേ മുറിച്ച് കടന്ന് മറുവശത്ത് കൂടെ കാട്ടിലേക്ക് കയറി.
