ಶಿವಮೊಗ್ಗ : ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯ ಮೇಲೆ ಕರಡಿಯೊಂದು ಏಕಾಏಕಿ ದಾಳಿ ನಡೆಸಿ ಗಾಯಗೊಳಿಸಿರುವ ಘಟನೆ ಭದ್ರಾವತಿಯಲ್ಲಿ ನಡೆದಿದೆ. ಭದ್ರಾವತಿ ತಾಲೂಕು ಬಿಸಿಲು ಮನೆ ಗ್ರಾಮದ ಬಳಿ ಕೆ.ಹೆಚ್.ನಗರದ ನಿವಾಸಿ ದೇವೇಂದ್ರಪ್ಪ ಇಂದು ಮಧ್ಯಾಹ್ನ ನಡೆದುಕೊಂಡು ಬರುವಾಗ ಕರಡಿ ದಿಢೀರ್ ದಾಳಿ ಮಾಡಿದೆ.
ಕರಡಿಯು ಏಕಾಏಕಿ ದಾಳಿ ನಡೆಸುವ ಜೊತೆಗೆ ದೇವೆಂದ್ರಪ್ಪನವರ ತಲೆ, ಮೈ ಮತ್ತು ಕೈಯನ್ನು ಪರಚಿ ಹಾಕಿದೆ. ಕರಡಿ ಪರಚಿದ ಪರಿಣಾಮ ದೇವೆಂದ್ರಪ್ಪನ ತಲೆ ಮುಖ, ಹೊಟ್ಟೆ ಭಾಗದಲ್ಲಿ ತೀವ್ರ ರಕ್ತಸ್ರಾವವಾಗಿದೆ. ತಕ್ಷಣ ಸ್ಥಳೀಯರು ದೇವೆಂದ್ರಪ್ಪ ಅವರನ್ನು ಭದ್ರಾವತಿಯ ಸರ್ಕಾರಿ ಆಸ್ಪತ್ರಗೆ ಕರೆದುಕೊಂಡು ಬಂದು ಪ್ರಾಥಮಿಕ ಚಿಕಿತ್ಸೆಯನ್ನು ಕೊಡಿಸಿದ್ದಾರೆ. ಗ್ರಾಮಸ್ಥರು ಅರಣ್ಯಾಧಿಕಾರಿಗಳ ಮೇಲೆ ಆಕ್ರೋಶಗೊಂಡಿದ್ದು, ಕರಡಿಯನ್ನು ತಕ್ಷಣ ಹಿಡಿಯುವಂತೆ ಒತ್ತಾಯಿಸಿದ್ದಾರೆ.
ಇದನ್ನೂ ಓದಿ: ಶಿವಮೊಗ್ಗದ 'ರಾಣಿ' ದೇಶದ ಅತ್ಯಂತ ಹಿರಿಯ ಕರಡಿ - OLDEST BEAR IN SHIVAMOGGA
