Whatsapp Mentions Feature: ಹೊಸ ಫೀಚರ್ಗಳೊಂದಿಗೆ ಬಳಕೆದಾರರನ್ನು ಸೆಳೆಯುತ್ತಿರುವ ಜನಪ್ರಿಯ ಮೆಸೇಜಿಂಗ್ ಆಪ್ ವಾಟ್ಸ್ಆ್ಯಪ್ನಲ್ಲಿ ಮತ್ತೊಂದು ಸೌಲಭ್ಯ ಬಂದಿದೆ. ಕಳೆದ ಕೆಲವು ದಿನಗಳಿಂದ WhatsApp ಕೂಡ 'ಮೆನ್ಷನ್' ವೈಶಿಷ್ಟ್ಯವನ್ನು ಸೇರಿಸಲು ನೋಡುತ್ತಿದೆ. ಇತ್ತೀಚೆಗೆ ಇದನ್ನು ಎಲ್ಲ ಬಳಕೆದಾರರಿಗೆ ಲಭ್ಯವಾಗುವಂತೆ ಮಾಡಲಾಗಿದೆ. ಇದನ್ನು ಬಳಸುವುದು ಹೇಗೆ ಎಂಬುದನ್ನು ತಿಳಿಯೋಣ ಬನ್ನಿ..
ಸಾಮಾನ್ಯವಾಗಿ ಇನ್ಸ್ಟಾಗ್ರಾಮ್ನಲ್ಲಿ ಸ್ಟೋರಿಯನ್ನು ಅಪ್ಲೋಡ್ ಮಾಡುವಾಗ ನಾವು ಇಷ್ಟಪಡುವ ಜನರನ್ನು '@' ಸಹಾಯದಿಂದ ಟ್ಯಾಗ್ ಮಾಡುತ್ತೇವೆ. ಅಂದರೆ ನಾವು ಸ್ಟೋರಿಯನ್ನು ಪೋಸ್ಟ್ ಮಾಡಿದ್ದೇವೆ ಎಂದು ಆ ವ್ಯಕ್ತಿಗೆ ನೋಟಿಫಿಕೇಶನ್ ಹೋಗುತ್ತದೆ. ಆಗ ಅವರು ನಮ್ಮ ಸ್ಟೋರಿಯನ್ನು ನೋಡುತ್ತಾರೆ. ಈಗ ವಾಟ್ಸ್ಆ್ಯಪ್ ಅಂತಹ ಸೌಲಭ್ಯವನ್ನು ಸೇರಿಸಿದೆ. ಇದರೊಂದಿಗೆ ವಾಟ್ಸ್ಆ್ಯಪ್ನಲ್ಲಿ ಸ್ಟೇಟಸ್ ಸೇರಿಸುವಾಗ ಸಂಪರ್ಕದಲ್ಲಿರುವ ನೀವು ಇಷ್ಟಪಡುವ ಜನರಿಗೆ ಟ್ಯಾಗ್ ಮಾಡಬಹುದು.
ವಾಟ್ಸ್ಆ್ಯಪ್ನಲ್ಲಿ ಸ್ಟೇಟಸ್ ಅಪ್ಲೋಡ್ ಮಾಡುವಾಗ, 'ಆ್ಯಡ್ ಕ್ಯಾಪ್ಶನ್' ಬಾರ್‌ನ ಬಲಭಾಗದಲ್ಲಿ '@' ಐಕಾನ್ ಕಾಣಿಸಿಕೊಳ್ಳುತ್ತದೆ. ಅದರ ಮೇಲೆ ಕ್ಲಿಕ್ ಮಾಡಿದಾಗ ನಿಮ್ಮ ಎಲ್ಲಾ ವಾಟ್ಸ್ಆ್ಯಪ್ ಕಾಂಟ್ಯಾಕ್ಟ್ ಕಾಣಿಸುತ್ತದೆ. ಅವುಗಳಲ್ಲಿ ನೀವು ಇಷ್ಟಪಡುವ ಜನರಿಗೆ ಟ್ಯಾಗ್ ಮಾಡಬಹುದಾಗಿದೆ.
ಸ್ಟೇಟಸ್ ಅಪ್‌ಡೇಟ್‌ನಲ್ಲಿ ಉಲ್ಲೇಖಿಸಲಾದ ವ್ಯಕ್ತಿಯು ಅದರ ಬಗ್ಗೆ ನೋಟಿಫಿಕೇಶನ್ ಸ್ವೀಕರಿಸುತ್ತಾರೆ. ಆದರೆ ಟ್ಯಾಗ್ ಮಾಡಲಾದ ವ್ಯಕ್ತಿಯ ಹೆಸರು Insta ನಂತೆ ಎಲ್ಲರಿಗೂ ಗೋಚರಿಸುವುದಿಲ್ಲ ಎಂದು ಮೆಸೇಜಿಂಗ್ ಅಪ್ಲಿಕೇಶನ್ ಈಗಾಗಲೇ ಘೋಷಿಸಿದೆ. ಬಳಕೆದಾರರ ಗೌಪ್ಯತೆಯನ್ನು ರಕ್ಷಿಸಲು ಈ ವೈಶಿಷ್ಟ್ಯವನ್ನು ವಿನ್ಯಾಸಗೊಳಿಸಲಾಗಿದೆ. 'ಮೆನ್ಷನ್' ವೈಶಿಷ್ಟ್ಯವು ಬಹುತೇಕ ಎಲ್ಲಾ ಬಳಕೆದಾರರಿಗೆ ಈಗಾಗಲೇ ಲಭ್ಯವಿದೆ.
ಓದಿ: ಹೊಸ ಲಿಸ್ಟ್ಸ್ ಎಂಬ ವೈಶಿಷ್ಟ್ಯ ಪರಿಚಯಿಸಿದ ವಾಟ್ಸ್ಆ್ಯಪ್ , ಏನಿದರ ವಿಶೇಷತೆ?
