ನವದೆಹಲಿ: ಹಲವು ಜನಪ್ರಿಯ ಡಿಜಿಟಲ್ ಫ್ಲಾಟ್ಫಾರ್ಮ್ಗಳಿಗೆ ಸವಾಲು ಹಾಕುವ ರೀತಿ ತಮ್ಮ 'ಎಕ್ಸ್' ಬಳಕೆದಾರರಿಗೆ ಹೊಸ ಹೊಸ ವೈಶಿಷ್ಟ್ಯವನ್ನು ಟೆಕ್ ಬಿಲಿಯನೇರ್ ಎಲೋನ್ ಮಸ್ಕ್ ಪರಿಚಯಿಸುತ್ತಲೇ ಇದ್ದಾರೆ. ಇತ್ತೀಚಿಗಷ್ಟೆ ಯೂಟ್ಯೂಬ್ ರೀತಿ ವಿಡಿಯೋ ಸ್ಟ್ರಿಮಿಂಗ್ಗೆ ಅವಕಾಶ ನೀಡುವ ಕುರಿತು ಘೋಷಿಸಿದ್ದರು. ಈಗ ಇದನ್ನು ಕಾರ್ಯರೂಪಕ್ಕೆ ತಂದಿರುವ ಅವರು ತಮ್ಮ ಫ್ಲಾಟ್ಫಾರ್ಮ್ ಅನ್ನು ಯಾವುದೇ ಮನರಂಜನೆ ವೇದಿಕೆಗಿಂತ ಕಡಿಮೆ ಇಲ್ಲ ಎಂದು ಸಾರಲು ಸಜ್ಜಾಗಿದ್ದಾರೆ.
ಇನ್ನು ಮುಂದೆ ಎಕ್ಸ್ ಚಂದಾದಾರರು ದೀರ್ಘಾವಧಿಯ ಸಂಪೂರ್ಣ ಸಿನಿಮಾವನ್ನೇ ಪೋಸ್ಟ್ ಮಾಡಬಹುದು. ಅಷ್ಟೇ ಅಲ್ಲ, ಈ ರೀತಿ ಸಿನಿಮಾ ಪೋಸ್ಟ್ ಮಾಡುವ ಮೂಲಕ ಹಣವನ್ನು ಗಳಿಸಬಹುದಾಗಿದೆ ಎಂದು ಟೆಸ್ಲಾ ಸಂಸ್ಥಾಪಕ ಮಸ್ಕ್ ಘೋಷಿಸಿದ್ದಾರೆ.
'ಎಕ್ಸ್ನಲ್ಲಿ ಚಂದಾದಾರಿಕೆ ಪಡೆಯುವ ಮೂಲಕ ನೀವು ನಿಮ್ಮ ಸಿನಿಮಾ, ಟಿವಿ ಸೀರಿಸ್ ಅಥವಾ ಪೋಡಕಾಸ್ಟ್ಗಳನ್ನು ನಮ್ಮ ಫ್ಲಾಟ್ಫಾರ್ಮ್ನಲ್ಲಿ ಹಂಚಿಕೊಂಡು ಹಣ ಗಳಿಸಬಹುದು' ಎಂದು ಮಸ್ಕ್ ಎಕ್ಸ್ ಪೋಸ್ಟ್ ಮಾಡಿದ್ದಾರೆ.
ಮಸ್ಕ್ ಅವರ ಈ ಹೊಸ ಪ್ರಯತ್ನಕ್ಕೆ ಬಳಕೆದಾರರಿಂದ ಕೂಡ ಮೆಚ್ಚುಗೆ ವ್ಯಕ್ತವಾಗಿದ್ದಾರೆ. ಎಕ್ಸ್ ಚಂದದಾರರು ಪೋಸ್ಟ್ ಮಾಡಿದ ಸಿನಿಮಾದಿಂದ ಇತರೆ ಬಳಕೆದಾರರು, ಸಬ್ಸ್ಕೈಬ್ ಮಾಡದೆಯೇ ಚಲನಚಿತ್ರವನ್ನು ಖರೀದಿಸಬಹುದು. ಎಕ್ಸ್ ನಿಜವಾದ ಚಲನಚಿತ್ರ ವೇದಿಕೆಯಾಗುತ್ತದೆ ಎಂದಿದ್ದಾರೆ.
ಮಸ್ಕ್ ಸಹೋದರಿ ಮತ್ತು ಫಾಷನ್ ಫ್ಲಿಕ್ಸ್ ಪ್ರಸಾರ ಸೇವೆಯ ಸಹ ಸಂಸ್ಥಾಪಕಿಯಾಗಿರುವ ಟೊಸ್ಕಾ ಮಸ್ಕ್, ಎಕ್ಸ್ನಲ್ಲಿ ಸಂಪೂರ್ಣ ಸಿನಿಮಾವನ್ನು ಪೋಸ್ಟ್ ಮಾಡಬಹುದು. ಜನರು ಎಕ್ಸ್ನಲ್ಲಿ ನನ್ನ ಸಿನಿಮಾ ನೋಡುವುದು ಖುಷಿ ತರಲಿದೆ ಎಂದು ಪೋಸ್ಟ್ ಮಾಡಿದ್ದಾರೆ.
ಈ ಹಿಂದೆ ಈ ಕುರಿತು ಮಾತನಾಡಿದ್ದ ಮಸ್ಕ್, ಸಣ್ಣ ಪರದೆಯಿಂದ ದೊಡ್ಡ ಪರದೆಗೆ. ಎಕ್ಸ್ ಎಲ್ಲವನ್ನೂ ಬದಲಾಯಿಸುತ್ತಿದೆ. ಶೀಘ್ರದಲ್ಲೇ ನಿಮ್ಮ ನೈಜ ಸಮಯದಲ್ಲಿ ನಿಮ್ಮನ್ನು ಮಗ್ನಗೊಳಿಸುವ ವಿಷಯವನ್ನು ಹೊತ್ತು ಎಕ್ಸ್ ಟಿವಿ ಆ್ಯಪ್ ಜೊತೆಗೆ ಬರಲಿದ್ದೇವೆ. ಉತ್ತಮ ಗುಣಮಟ್ಟ, ಅದ್ಭುತ ಮನರಂಜನೆಯ ಅನುಭವವನ್ನು ದೊಡ್ಡ ಪರದೆಯಲ್ಲಿ ಪಡೆಯಬಹುದು ಎಂದು ಮಾಹಿತಿ ನೀಡಿದ್ದಾರೆ.
ವಿಡಿಯೋ ಪ್ರಸಾರದ ಹೊರತಾಗಿ ಮಸ್ಕ್ ಎಐ ಅಡಿಯನ್ಸ್ ವೈಶಿಷ್ಟ್ಯ ಶೀಘ್ರದಲ್ಲೇ ಬರುವುದಾಗಿ ಕೂಡ ತಮ್ಮ ಬೆಂಬಲಿಗರಿಗೆ ತಿಳಿಸಿದ್ದಾರೆ. ನಿಮ್ಮ ಜಾಹೀರಾತು ಮತ್ತು ನಮ್ಮ ಎಐ ವ್ಯವಸ್ಥೆ ನಮ್ಮ ಎಕ್ಸ್ ಬಳಕೆದಾರರನ್ನು ಗುರಿಯಾಗಿಸಿಕೊಂಡು ಪೂಲ್ ರಚಿಸಲಿದೆ ಎಂದು ಚಿಕ್ಕದಾಗಿ ವಿವರಿಸಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: AI ತಂತ್ರಜ್ಞಾನದೊಂದಿಗೆ ಗೂಗಲ್ ಪಿಕ್ಸೆಲ್ 8A ಫೋನ್ ಭಾರತದಲ್ಲಿ ಬಿಡುಗಡೆ; ಬೆಲೆ ಎಷ್ಟು, ವೈಶಿಷ್ಠ್ಯಗಳೇನೇನು?
