Royal Enfield Flying Flea C6: ದೇಶದಲ್ಲಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಇವುಗಳಿಗೆ ಮಾರುಕಟ್ಟೆಯಲ್ಲಿ ದಿನದಿಂದ ದಿನಕ್ಕೆ ಡಿಮ್ಯಾಂಡ್ ಹೆಚ್ಚುತ್ತಿದೆ. ಹೀಗಾಗಿ ಹಲವಾರು ಕಂಪನಿಗಳು ಹೊಸ ಫೀಚರ್ಗಳೊಂದಿಗೆ ತಮ್ಮ ಬೈಕ್ಗಳನ್ನು ರಿಲೀಸ್ ಮಾಡಲು ಮುಂದಾಗುತ್ತಿದ್ದಾರೆ. ಈ ಕ್ರಮದಲ್ಲಿ ಈಗಾಗಲೇ ಹಲವು ಕಂಪನಿಗಳು ಈ ವಿಭಾಗದಲ್ಲಿ ಬೈಕ್ಗಳನ್ನು ಲಾಂಚ್ ಮಾಡಿವೆ. ಈಗ ಚೆನ್ನೈಗೆ ಸೇರಿರುವ ಪ್ರಮುಖ ಮೋಟಾರ್ ಸೈಕಲ್ ತಯಾರಿ ಸಂಸ್ಥೆ ರಾಯಲ್ ಎನ್ಫೀಲ್ಡ್ ಸಹ ಇವಿ ಸೆಗ್ಮೆಂಟ್‌ಗೆ ಕಾಲಿಟ್ಟಿದೆ.
ದೇಶದಲ್ಲಿ 250-750ಸಿಸಿ ಮೋಟಾರ್ಸೈಕಲ್ ವಿಭಾಗದಲ್ಲಿ ನಂಬರ್ ಒನ್ ಆಗಿರುವ ರಾಯಲ್ ಎನ್ಫೀಲ್ಡ್ ತನ್ನ ಮೊದಲ ಎಲೆಕ್ಟ್ರಿಕ್ ಬೈಕ್ ಅನ್ನು ಆವಿಷ್ಕರಿಸಿದೆ. ಫ್ಲೈಯಿಂಗ್ ಫ್ಲಿ ಸಿ6 ಹೆಸರಿನ ಮೂಲಕ ಇದನ್ನು ಪರಿಚಯಿಸಿದೆ. ಇದು ರೆಟ್ರೋ ಫ್ಯೂಚರಿಸ್ಟಿಕ್ ಮೋಟಾರ್ಸೈಕಲ್. ಇನ್ಮುಂದೆ ಮಾರ್ಕೆಟ್ನಲ್ಲಿ ಪರಿಚಯಿಸುವ ಎಲ್ಲ ಎಲೆಕ್ಟ್ರಿಕ್ ಬೈಕ್ಗಳನ್ನು ‘ಫ್ಲೈಯಿಂಗ್ ಫ್ಲಿ’ ಎಂಬ ಹೆಸರಿನಿಂದ ಪರಿಚಯಿಸಲಾಗುವುದು ಎಂದು ಎನ್ಫೀಲ್ಡ್ ಪ್ರಕಟಿಸಿದೆ.
ಫ್ಲೈಯಿಂಗ್ ಫ್ಲಿ ಸಿ6 ಫೀಚರ್ಗಳು:
- ಈ ಬೈಕ್ ರೌಂಡ್ ಎಲ್ಇಡಿ ಹೆಡ್ಲೈಟ್, ಮುಂದಿನ ಭಾಗದಲ್ಲಿ ಗಿರ್ಡರ್ ಫೋರ್ಕ್ ಜೊತೆ ಬರಲಿದೆ.
- ಎಬಿಎಸ್, ಟ್ರಾಕ್ಷನ್ ಕಂಟ್ರೋಲ್ ಒಳಗೊಂಡಂತಿದೆ.
- ಎರಡು ಸೀಟ್ಗಳ ವರ್ಷನ್ ಎಲೆಕ್ಟ್ರಿಕ್ ಮೋಟಾರ್ಸೈಕಲ್ ಬರಬಹುದೆಂದು ಅಂದಾಜು ಮಾಡಲಾಗಿದೆ.
- ಬೈಕ್ ಟಿಎಫ್ಟಿ ಡಿಸ್ಪ್ಲೇ ಒಳಗೊಂಡಂತಿದೆ.
- ಸಿಂಗಲ್ ಚಾರ್ಜಿಂಗ್ನಲ್ಲೇ 100-150 ಕಿಲೋ ಮೀಟರ್ ಮೈಲೇಜ್ ಕೊಡುವ ನಿರೀಕ್ಷೆ ಇದೆ.
- ಬೈಕ್ ಲುಕ್ ಅನ್ನು ರಿವಿಲ್ ಮಾಡಿರುವ ರಾಯಲ್ ಎನ್ಫೀಲ್ಡ್ ಇದರ ಬೆಲೆ ಮತ್ತು ಫೀಚರ್ಗಳ ಕುರಿತು ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ.
- ಕಂಪನಿ 2026ರ ವೇಳೆಗೆ ಇದನ್ನು ಮಾರುಕಟ್ಟೆಗೆ ತರಲು ಕಸರತ್ತು ನಡೆಸುತ್ತಿದೆ.
ರಾಯಲ್ ಎನ್ಫೀಲ್ಡ್ ಇವಿ ಟೀಸರ್: ರಾಯಲ್ ಎನ್ಫೀಲ್ಡ್ ತನ್ನ ಮೊದಲ ಎಲೆಕ್ಟ್ರಿಕ್ ಬೈಕ್ ಟೀಸರ್ ರಿಲೀಸ್ ಮಾಡಿದೆ. ತನ್ನ ಸೋಶಿಯಲ್ ಮೀಡಿಯಾ ಹ್ಯಾಂಡಲ್ನಲ್ಲಿ ಕಂಪನಿ ಇದರ ಮೊದಲ ಟೀಸರ್ ಅನ್ನು ಅಧಿಕೃತವಾಗಿ ರಿಲೀಸ್ ಮಾಡಿದೆ. ಟೀಸರ್ನಲ್ಲಿ ಪ್ಯಾರಾಚೂಟ್ ಸಹಾಯದಿಂದ ಬೈಕ್ ಬಾಹ್ಯಾಕಾಶದಿಂದ ಭೂಮಿಗೆ ಬರುತ್ತಿರುವಂತೆ ತೋರಿಸಿದ್ದಾರೆ.
ಇದನ್ನೂ ಓದಿ: ಬಾಹ್ಯಾಕಾಶದಿಂದಲೇ ಮತ ಚಲಾಯಿಸಲಿರುವ ಸುನಿತಾ ವಿಲಿಯಮ್ಸ್; ಇದು ಹೇಗೆ ಸಾಧ್ಯ?
