Youtube New Feature For Teenage Safety: ಜನಪ್ರಿಯ ವಿಡಿಯೋ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಯೂಟ್ಯೂಬ್ ಇದೀಗ ಹೊಸ ವೈಶಿಷ್ಟ್ಯವನ್ನು ಪ್ರಾರಂಭಿಸಿದೆ. ಮಕ್ಕಳ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು, ಮಕ್ಕಳ ಯೂಟ್ಯೂಬ್ ನಿಯಂತ್ರಣವನ್ನು ಅವರ ಪೋಷಕರಿಗೆ ನೀಡಲು YouTube ನಿರ್ಧರಿಸಿದೆ. ಈ ಹಿನ್ನೆಲೆಯಲ್ಲಿ 'ಯೂಟ್ಯೂಬ್ ಫ್ಯಾಮಿಲಿ ಸೆಂಟರ್' ಎಂಬ ಈ ಹೊಸ ಫೀಚರ್ ತರಲಾಗಿದೆ.
YouTubeನ ಹೊಸ ವೈಶಿಷ್ಟ್ಯದ ಪ್ರಯೋಜನಗಳೇನು?:
- ಯೂಟ್ಯೂಬ್ ಫ್ಯಾಮಿಲಿ ಸೆಂಟರ್ ವೈಶಿಷ್ಟ್ಯದ ಸಹಾಯದಿಂದ ಮಗುವಿನ YouTube ಖಾತೆಯನ್ನು ಪೋಷಕರ ಖಾತೆಗೆ ಲಿಂಕ್ ಮಾಡಬೇಕು.
- ಅಂದರೆ, ಖಾತೆಯ ಬಳಕೆದಾರರು ಮಗುವಾಗಿದ್ದರೂ ಅದರ ಸಂಪೂರ್ಣ ಮಾಹಿತಿ ಪೋಷಕರ ಬಳಿ ಇರುತ್ತದೆ.
- ಹೊಸ ವೈಶಿಷ್ಟ್ಯದೊಂದಿಗೆ ವಿಡಿಯೋ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ ಅಪ್‌ಲೋಡ್ ಮಾಡಿದ ವಿಡಿಯೋಗಳು, ಚಂದಾದಾರರಾಗಿರುವ ಚಾನಲ್‌ಗಳು, ಪೋಸ್ಟ್‌ಗಳು ಮತ್ತು ಕಾಮೆಂಟ್‌ಗಳು ಮುಂತಾದ ಮಕ್ಕಳು ಮಾಡುತ್ತಿರುವ ಎಲ್ಲ ಚಟುವಟಿಕೆಗಳ ಬಗ್ಗೆ ಪೋಷಕರು ತಕ್ಷಣವೇ ತಿಳಿದುಕೊಳ್ಳುವರು.
- ಯಾವುದೇ ವಿಡಿಯೋವನ್ನು ಅಪ್‌ಲೋಡ್ ಮಾಡಿದರೆ ಅಥವಾ ಲೈವ್ ಸ್ಟ್ರೀಮ್ ಅನ್ನು ಪ್ರಾರಂಭಿಸಿದರೆ, ತಕ್ಷಣವೇ ಪೋಷಕರಿಗೆ ಇಮೇಲ್ ಮೂಲಕ ಸಂದೇಶ ಬರುತ್ತದೆ.
- ಇದರರ್ಥ ಮಗುವಿನ ಖಾತೆಯು ಪೋಷಕರ ಮೇಲ್ವಿಚಾರಣೆಯಲ್ಲಿರುತ್ತದೆ.
- YouTube ಈಗಾಗಲೇ ಮಕ್ಕಳಿಗಾಗಿ ಹಲವು ನಿಯಮಗಳನ್ನು ಹೊಂದಿದೆ.
- ಇತ್ತೀಚೆಗೆ ಮಕ್ಕಳಿಗಾಗಿ ಈ ರೀತಿಯ ಸೌಲಭ್ಯವನ್ನು ಪ್ರಾರಂಭಿಸಲಾಗಿದೆ.
- ಯುವಕರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಯೂಟ್ಯೂಬ್ ಈಗಾಗಲೇ ಹಲವು ನಿಯಮಗಳನ್ನು ತಂದಿದೆ.
- ಇದರ ಭಾಗವಾಗಿ, YouTube ಪುನರಾವರ್ತಿತ ವೀಕ್ಷಣೆಗೆ ಹಾನಿಕಾರಕವೆಂದು ಭಾವಿಸುವ ವಿಡಿಯೋಗಳನ್ನು ಶಿಫಾರಸು ಮಾಡುವುದನ್ನು ನಿಲ್ಲಿಸಿದೆ.
- ಆದರೆ ಅದೇ ಸಮಯದಲ್ಲಿ ಮಕ್ಕಳ ಸೃಜನಶೀಲತೆ ಮತ್ತು ಸ್ವಾತಂತ್ರ್ಯವನ್ನು ಹತ್ತಿಕ್ಕದೆ ಅವರಿಗೆ ರಕ್ಷಣೆ ನೀಡಲು ಈ ಸೌಲಭ್ಯಗಳನ್ನು ಪರಿಚಯಿಸಲಾಗಿದೆ ಎಂದು ಕಂಪನಿ ಹೇಳಿದೆ.
ಈ ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸುವುದು ಹೇಗೆ?:
- ಪೋಷಕರು ತಮ್ಮ YouTube ಅಪ್ಲಿಕೇಶನ್‌ನಲ್ಲಿ ಸೆಟ್ಟಿಂಗ್‌ಗಳಿಗೆ ಹೋಗಿ ಮತ್ತು ಯೂಟ್ಯೂಬ್ ಫ್ಯಾಮಿಲಿ ಸೆಂಟರ್ ಪೇಜ್ ಅನ್ನು ಆಯ್ಕೆ ಮಾಡುವ ಮೂಲಕ ಈ ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸಬಹುದು.
- Android ಮತ್ತು iPhone ಬಳಕೆದಾರರು ಈ ಸೇವೆಗಳನ್ನು ಬಳಸಬಹುದು.
- ಫ್ಯಾಮಿಲಿ ಸೆಂಟರ್ ಹಬ್‌ನ ಭಾಗವಾಗಿ ತಂದಿರುವ ಈ ವೈಶಿಷ್ಟ್ಯವನ್ನು ಶೀಘ್ರದಲ್ಲೇ ವಿಸ್ತರಿಸಲಾಗುವುದು ಎಂದು YouTube ಘೋಷಿಸಿದೆ.
ಇದನ್ನೂ ಓದಿ: Jio ಗ್ರಾಹಕರಿಗೆ ಸೂಪರ್ ಅಪ್‌ಡೇಟ್: ಮನೆಯಲ್ಲೇ ಕುಳಿತು SIM ಆ್ಯಕ್ಟಿವೇಟ್ ಮಾಡಿ! - JIO iActivate Service
