AI Powered Smart Glasses for Visually Impaired: ಒಂದಾನೊಂದು ಕಾಲದಲ್ಲಿ ಅಂಧರು ಸಾಮಾನ್ಯವಾಗಿ ಬೆತ್ತ ಅಥವಾ ಕೈ ಕೋಲು ಸಹಾಯವಿಲ್ಲದೇ ಮುಂದೆ ಸಾಗಲು ಸಾಧ್ಯವಾಗುತ್ತಿರಲಿಲ್ಲ. ಈಗ ಕಾಲ ಬದಲಾಗಿದೆ. ಕಾಲಕ್ಕೆ ತಕ್ಕಂತೆ ತಂತ್ರಜ್ಞಾನ ಅಭಿವೃದ್ಧಿಗೊಳ್ಳುತ್ತಿದೆ. ತಂತ್ರಜ್ಞಾನ ಬೆಳವಣಿಗೆಯಿಂದಾಗಿ ಅಂಧರಿಗೆ ವಿವಿಧ ರೀತಿಯ ಉಪಕರಣಗಳು ಬಳಕೆಗೆ ಬರುತ್ತಿವೆ. ಸ್ಮಾರ್ಟ್ಫೋನ್‌ಗಳಲ್ಲಿ ವಿಶೇಷ ಅಪ್ಲಿಕೇಶನ್‌ಗಳ ಸಹಾಯದಿಂದ ಅವರು ಓದುತ್ತಿದ್ದಾರೆ. ಈಗ ಅವರು ಯಾರ ಸಹಾಯವಿಲ್ಲದೇ ಹೊರಗೆ ಹೋಗಿ ಜೀವಿಸಲು ಸಮರ್ಥರಾಗಿದ್ದಾರೆ. ಇತ್ತೀಚೆಗೆ ಕೃತಕ ಬುದ್ಧಿಮತ್ತೆ ಆಧಾರಿತ ಸ್ಮಾರ್ಟ್ ಗ್ಲಾಸ್ಗಳು ಅವರಿಗಾಗಿ ತರಲಾಗಿದೆ. ಅಂಧರು ಇವುಗಳನ್ನು ಧರಿಸಿದರೆ ಕೇವಲ ಕೋಲುಗಳ ಸಹಾಯ ಅಲ್ಲ.. ಇತರರ ಸಹಾಯವಿಲ್ಲದೆಯೇ ತಮ್ಮ ಕೆಲಸಗಳನ್ನು ತಾವೇ ಮಾಡಿಕೊಳ್ಳಬಹುದಾಗಿದೆ.
ಹೌದು ಈ ಎಐ ಸ್ಮಾರ್ಟ್ ಗ್ಲಾಸ್ಗಳು ಮನೆಯಿಂದ ಹೊರಗೆ ಹೋಗುವುದಕ್ಕೆ ಸಹಾಯ ಮಾಡುತ್ತವೆ. ಟೆಕ್ಸ್ಟ್ ಟು ಸ್ಪೀಚ್ ಸಹಾಯದಿಂದ ಪುಸ್ತಕದ ಅಕ್ಷರಗಳನ್ನು ಈ ಸ್ಮಾರ್ಟ್ ಗ್ಲಾಸ್ ಓದಿ ಅವರಿಗೆ ಹೇಳುತ್ತದೆ. ಡಿಆರ್‌ಡಿಒ ಸಂಶೋಧನಾ ಕೇಂದ್ರದ ಕಿಮ್ಸ್ ಫೌಂಡೇಶನ್‌ನ ಮಾಜಿ ವಿಜ್ಞಾನಿ ಡಾ.ವಿ.ಭುಜಂಗರಾವ್ ಅವರ ಮಾರ್ಗದರ್ಶನದಲ್ಲಿ ಈ ಎಐ ಸ್ಮಾರ್ಟ್ ಗ್ಲಾಸ್ವಿ ನ್ಯಾಸಗೊಳಿಸಿದ್ದಾರೆ. ಇತ್ತೀಚೆಗೆ ತೆಲಂಗಾಣ ರಾಜ್ಯಪಾಲ ಜಿಷ್ಣುದೇವ್ ವರ್ಮಾ, ಕಿಮ್ಸ್ ಆಸ್ಪತ್ರೆಯ ಸಿಎಂಡಿ ಡಾ. ಬೊಳ್ಳಿನೇನಿ ಭಾಸ್ಕರ ರಾವ್, ಎಲ್ವಿ ಪ್ರಸಾದ್ ನೇತ್ರಾಲಯದ ಸಂಸ್ಥಾಪಕ ಅಧ್ಯಕ್ಷ ಮತ್ತು ಖ್ಯಾತ ನೇತ್ರ ತಜ್ಞ ಡಾ. ಜಿಎನ್ ರಾವ್ ಅವರು ಎಐ ಗ್ಲಾಸ್‌ಗಳನ್ನು ಪರಿಚಯಿಸಿದ್ದಾರೆ.
ಹೆಚ್ಚಿನ ತಂತ್ರಜ್ಞಾನದಿಂದ ಅಭಿವೃದ್ಧಿಯಾಗಲಿ ಈ ಗ್ಲಾಸ್: ಈ ಸ್ಮಾರ್ಟ್ ಗ್ಲಾಸ್ ಅನ್ನು ಮೊದಲ ಹಂತದಲ್ಲಿ 100 ಅಂಧ ವಿದ್ಯಾರ್ಥಿಗಳಿಗೆ ವಿತರಿಸಲಾಗಿದೆ. ಪ್ರಯೋಗಾತ್ಮಕ ವೀಕ್ಷಣೆಯಲ್ಲಿ ಅವುಗಳನ್ನು ಬಳಸಿದ ನಂತರ ಹೆಚ್ಚಿನ ತಂತ್ರಜ್ಞಾನದೊಂದಿಗೆ ಅಭಿವೃದ್ಧಿಪಡಿಸಲಾಗುವುದು ಎಂದು ಡಾ.ವಿ.ಭುಜಂಗರಾವ್ ಈಟಿವಿ ಭಾರತಗೆ ತಿಳಿಸಿದ್ದಾರೆ. ಇದನ್ನು ತಯಾರಿಸುವುದಕ್ಕೆ ಪ್ರತಿ ಜೋಡಿಗೆ 10 ಸಾವಿರದವರೆಗೂ ವೆಚ್ಚವಾಗಲಿದೆ. ಆರಂಭದಲ್ಲಿ ಯಾವುದೇ ಲಾಭದ ಉದ್ದೇಶವಿಲ್ಲದೆ ಈ ಕನ್ನಡಕಗಳನ್ನು ನೀಡಲಾಗುತ್ತಿದೆ ಎಂದು ವಿವರಿಸಲಾಗಿದೆ. ಇವುಗಳ ತೂಕ 45 ಗ್ರಾಂ ಇರಲಿದೆ ಎನ್ನಲಾಗಿದೆ. ತಂತ್ರಜ್ಞಾನ ಅಭಿವೃದ್ಧಿಯಾದಂತೆ ಬೆಲೆ ಕಡಿಮೆಯಾಗುವುದಲ್ಲದೇ ತೂಕದಲ್ಲಿಯೂ ಹಗುರವಾಗುತ್ತದೆ ಎಂದು ಡಾ.ವಿ.ಭುಜಂಗರಾವ್ ತಿಳಿಸಿದರು.
ಗ್ಲಾಸ್‌ಗಳಲ್ಲಿ USB ಮತ್ತು ಬ್ಯಾಟರಿ: ಎಐ ಆಧಾರಿತ ಸ್ಮಾರ್ಟ್ ಗ್ಲಾಸ್ಗಳು ಅತ್ಯಾಧುನಿಕ ಕಂಪ್ಯೂಟರ್ ವಿಸನ್ ಮತ್ತು ಯಂತ್ರ ಕಲಿಕೆ ಅಲ್ಗಾರಿದಮ್‌ಗಳ ತಂತ್ರಜ್ಞಾನವನ್ನು ಬಳಸುತ್ತವೆ. ಅವು ಅಂಧರಿಗೆ ಅಸಾಧಾರಣ ಸೇವೆಗಳನ್ನು ಒದಗಿಸುತ್ತವೆ. ಸ್ಮಾರ್ಟ್ ಗ್ಲಾಸ್ USB ಮತ್ತು ಬ್ಯಾಟರಿಯನ್ನು ಹೊಂದಿದೆ. ಇವುಗಳನ್ನು ಬಳಸಲು, ನೀವು ವಿಶೇಷ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕು ಮತ್ತು ಅದನ್ನು ಸೆಲ್ ಫೋನ್‌ನಂತೆ ಚಾರ್ಜ್ ಮಾಡಬೇಕು.
ಹೆಸರುಗಳು ಸಂಗ್ರಹ: ಅದರಲ್ಲಿರುವ ಚಿಪ್ ಮೂಲಕ ಜನರ ಮುಖ, ಮನೆ ವಿಳಾಸ, ಪ್ರಮುಖ ಸ್ಥಳಗಳನ್ನು ನೀವು ಸೇವ್ ಮಾಡಬಹುದು. ಯುಎಸ್‌ಬಿ ಮೆಮೊರಿಯಲ್ಲಿ 400 ಜನರ ಮುಖಗಳನ್ನು ಹೆಸರುಗಳೊಂದಿಗೆ ಸೇವ್ ಮಾಡಬಹುದಾಗಿದೆ. ಕುಟುಂಬದ ಸದಸ್ಯರು, ಸ್ನೇಹಿತರು, ಸಂಬಂಧಿಕರು ಇತ್ಯಾದಿಗಳನ್ನು ಅದರಲ್ಲಿ ಶೇಖರಣೆ ಮಾಡಬಹುದಾಗಿದೆ. ಇದರಿಂದ ಅವರು ಅಂಧರ ಮುಂದೆ ಬಂದಾಗ ಅವರ ಹೆಸರಿನೊಂದಿಗೆ ಅವರನ್ನು ಗುರುತನ್ನು ಈ ಸ್ಮಾರ್ಟ್ ಗ್ಲಾಸ್ ಹೇಳುತ್ತದೆ.
- ಸ್ಮಾರ್ಟ್ ಗ್ಲಾಸ್ನಲ್ಲಿರುವ ಅಪ್ಲಿಕೇಶನ್‌ನಲ್ಲಿ ಟೆಕ್ಸ್ಟು ಟು ಸ್ಪೀಚ್ನಲ್ಲಿ ರೀಡಿಂಗ್ ಅಸಿಸ್ಟಂಟ್ ಇರುವುದರಿಂದ ಪುಸ್ತಕದಲ್ಲಿನ ಟೆಕ್ಸ್ಟ್ ಅನ್ನು ಓದುತ್ತದೆ. ಹೊಸ ಪ್ರದೇಶಗಳಿಗೆ ಪ್ರಯಾಣಿಸುವಾಗ ಬೋರ್ಡ್‌ಗಳನ್ನು ಓದಲು, ಪುಸ್ತಕಗಳನ್ನು ಓದಲು ಮತ್ತು ಇತರರೊಂದಿಗೆ ಸಂವಹನ ನಡೆಸಲು ಇದು ಸಹಾಯ ಮಾಡುತ್ತದೆ.
- ನೀವು ಇದರಲ್ಲಿ ಮನೆ, ಕಚೇರಿ ಮತ್ತು ಅಧ್ಯಯನ ಕಾಲೇಜು ಮುಂತಾದ ಸ್ಥಳಗಳ ಮಾಹಿತಿಯನ್ನು ಸಂಗ್ರಹಿಸಿರುವುದರಿಂದ ಇದು ನೀವು ಯಾವ ಸ್ಥಳಗಳಿಗೆ ಹೋಗಬೇಕು ಎಂದು ಹೇಳಿದರೆ ಆ ಸ್ಥಳಕ್ಕೆ ಇದು ಮಾರ್ಗ ಸೂಚಿಸುತ್ತದೆ. ಇದು ಅಂಧರಿಗೆ ಇತರ ಗಮ್ಯಸ್ಥಾನವನ್ನು ಸುಲಭವಾಗಿ ತಲುಪಲು ಸಾಕಷ್ಟು ಸಹಾಯ ಮಾಡುತ್ತವೆ.
- ನಡೆಯುವಾಗ ಎದುರಿಗೆ ಏನಾದರೂ ಅಡಚಣೆಯಾದರೆ ಎಚ್ಚರಿಸುವುದಲ್ಲದೇ ಸರಿಯಾದ ದಾರಿಯನ್ನು ಪತ್ತೆ ಹಚ್ಚಿ ಮಾಹಿತಿ ನೀಡುತ್ತದೆ.
ಓದಿ: ಆದಷ್ಟು ಬೇಗ ಭಾರತಕ್ಕೆ ಕಾಲಿಡಲಿದೆ ರೆಡ್ಮಿ ನೋಟ್ 14 ಸೀರಿಸ್: ಏನೆಲ್ಲಾ ವಿಶೇಷತೆಗಳಿವೆ ಗೊತ್ತಾ?
