ಮಹಾರಾಷ್ಟ್ರ: ಇಲ್ಲಿನ ಛತ್ರಪತಿ ಸಂಭಾಜಿನಗರ್ ಟೌನ್ನಲ್ಲಿ ಇತ್ತೀಚೆಗೆ ಕಟ್ಟಡಕ್ಕೆ ಬೆಂಕಿ ತಗುಲಿ ಒಂದೇ ಕುಟುಂಬದ ಏಳು ಮಂದಿ ಸಾವನ್ನಪ್ಪಿದ್ದರು. ಇದಕ್ಕೆ ಕಾರಣವೇನು ಗೊತ್ತೇ?. ಈ ಮನೆಯ ಮುಂದೆ ಇ-ವಾಹನವನ್ನು ನಿಲ್ಲಿಸಿ ಜಾರ್ಜಿಂಗ್ಗೆ ಹಾಕಲಾಗಿತ್ತು. ವಾಹನದ ಚಾರ್ಜರ್ ಪಾಯಿಂಟ್ ಅಂಗಡಿಯೊಳಗಿತ್ತು. ಈ ಚಾರ್ಜರ್ ಸ್ಫೋಟಗೊಂಡು, ಬೆಂಕಿ ಹೊತ್ತಿಕೊಂಡಿದೆ. ಇಂಥ ಘಟನೆ ಇ-ವಾಹನಗಳ ಸುರಕ್ಷತಾ ನಿರ್ವಹಣೆಯ ವಿಚಾರವನ್ನು ಮತ್ತೆ ಮುನ್ನೆಲೆಗೆ ತಂದಿದೆ.
ಪ್ರಸ್ತುತ ಮಾರುಕಟ್ಟೆಯಲ್ಲಿ ದೊಡ್ಡ ಸಂಖ್ಯೆಯಲ್ಲಿ ಇ-ವಾಹನಗಳು ಲಭ್ಯವಿದೆ. ದಿನ ಕಳೆದಂತೆ ಜನರು ಕೂಡ ಇ-ವಾಹನಗಳನ್ನು ಕೊಳ್ಳುವತ್ತ ಹೆಚ್ಚು ಆಸಕ್ತಿ ತೋರಿಸುತ್ತಿದ್ದಾರೆ. ಇದಕ್ಕೆ ಮತ್ತೊಂದು ಕಾರಣ ಹೆಚ್ಚುತ್ತಿರುವ ಇಂಧನ ದರ. ಇದರೊಂದಿಗೆ ಸರ್ಕಾರ ಕೂಡ ಇ ವಾಹನಕ್ಕೆ ಉತ್ತೇಜನ ನೀಡುತ್ತಿದೆ. ದಿನದಿಂದ ದಿನಕ್ಕೆ ಇ-ವಾಹನ ಮಾರಾಟವೂ ಏರಿಕೆ ಕಾಣುತ್ತಿದೆ. ಆದರೆ ಖರೀದಿಗೆ ಮುನ್ನ ಜನರಲ್ಲಿ ಜಾಗೃತಿ ಅವಶ್ಯಕ.
ಈ ವಾಹನ ಚಾಲಕರು ವಾಹನವನ್ನು ಹೇಗೆ ನಿರ್ವಹಣೆ ಮಾಡಬೇಕು ಎಂಬ ಅರಿವು ಹೊಂದಿರಬೇಕಿದೆ. ಇ-ವಾಹನವು ವೇಗ ಮಿತಿ ಹೊಂದಿದೆ. ಆದರೆ ಕೆಲವು ಇ-ದ್ವಿಚಕ್ರವಾಹನಗಳಲ್ಲಿ ಅಕ್ರಮವಾಗಿ ಮಾರ್ಪಾಡುಗಳನ್ನು ಮಾಡುವ ಮೂಲಕ ವೇಗ ಹೆಚ್ಚಿಸಲು ಮುಂದಾಗುತ್ತಾರೆ. 2022ರಲ್ಲಿ ಪರೀಕ್ಷೆ ನಡೆಸಿದಾಗ ವಾಹನ ತಯಾರಕರು ಮತ್ತು ವಿತರಕರು ಈ ರೀತಿ ಅಕ್ರಮ ಬದಲಾವಣೆ ಮಾಡುತ್ತಿರುವುದು ಬೆಳಕಿಗೆ ಬಂದಿತ್ತು. ನಂತರ ನಡೆದ ಬೆಳವಣಿಗೆಯಲ್ಲಿ ಅಕ್ರಮ ಮಾರ್ಪಾಡು ಮಾಡಿದ್ದ ಅನೇಕ ಇ-ವಾಹನಗಳನ್ನು ಪೊಲೀಸರು ಜಪ್ತಿ ಮಾಡಿದ್ದರು.
ಚಾರ್ಜಿಂಗ್ ಸುರಕ್ಷತೆ ಹೇಗೆ? ತಜ್ಞರ ಮಾತು: ಎಲೆಕ್ಟ್ರಿಕ್ ವಾಹನದ ಬ್ಯಾಟರಿ ಕುರಿತು ಮಾತನಾಡಿರುವ ಯೋಗ್ಟೆಕ್ ಕಂಪನಿಯ ನಿರ್ದೇಶಕ ಚಿನ್ಮೊಯ್ ಗೊರೆ, "ಎಲೆಕ್ಟ್ರಿಕ್ ಬ್ಯಾಟರಿಗಳನ್ನು ಚಾರ್ಜ್ ಮಾಡುವಾಗ ಸಾಕಷ್ಟು ಜಾಗೃತೆಯಿಂದಿರಬೇಕು. ಬ್ಯಾಟರಿ ಜಾರ್ಜಿಂಗ್ ವೇಳೆ ಇವು ಸರ್ಕಾರದಿಂದ ಅನುಮೋದನೆ ಪಡೆದ ಸರಿಯಾದ ರೇಟಿಂಗ್ ಹೊಂದಿರುವ ಬ್ಯಾಟರಿಯೇ ಎಂಬುದನ್ನು ಖಾತರಿಪಡಿಸಿಕೊಳ್ಳಬೇಕು. ಈ ಬ್ಯಾಟರಿಗಳು ಎಎಸ್ಐ 156 ಅಡಿಯಲ್ಲಿ ಅನುಮೋದಿತವಾಗಿರುವುದು ಅವಶ್ಯಕ. ಬ್ಯಾಟರಿ ಜಾರ್ಜಿಂಗ್ ಆಗುತ್ತಿರುವಾಗ ಬೇರೆ ಬ್ಯಾಟರಿಯನ್ನು ವಾಹನಕ್ಕೆ ಬಳಸಬೇಡಿ. ಮತ್ತೊಂದು ಪ್ರಮುಖ ಅಂಶವೆಂದರೆ, ಅದೇ ಕಂಪನಿಯ ಬ್ಯಾಟರಿಯನ್ನು ಜಾರ್ಜ್ ಮಾಡಬೇಕು. ಬ್ಯಾಟರಿಯಲ್ಲಿ ಬಳಕೆ ಮಾಡುವ ಲಿಥಿಯಂ ಐಯಾನ್ ಸುಡುವ ಲೋಹ. ಇದು ಶಾಖದ ಸೂಕ್ಷ್ಮತೆ ಹೊಂದಿದ್ದು, ಸ್ಪೋಟಗೊಳ್ಳದಂತೆ ನೋಡಿಕೊಳ್ಳಬೇಕು. ಇದನ್ನು ಸರಿಯಾಗಿ ನಿರ್ವಹಣೆ ಮಾಡದೇ ಹೋದಲ್ಲಿ ಹಾನಿಯಾಗುತ್ತದೆ ಎಂದು ಅವರು ಹೇಳುತ್ತಾರೆ.
ಬ್ಯಾಟರಿ ಜಾರ್ಜಿಂಗ್ಗೆ ನಿರ್ದಿಷ್ಟ ಸಮಯ ನಿಗದಿಪಡಿಸಲಾಗುತ್ತದೆ. ಬ್ಯಾಟರಿ ಜಾರ್ಜ್ ಆದ ಬಳಿಕ ಅದು ಓವರ್ಜಾರ್ಜ್ ಆಗದು. ಆದಾಗ್ಯೂ ಈ ಬಗ್ಗೆ ಕಾಳಜಿ ಇರಲಿ. ಅತೀ ಹೆಚ್ಚು ಜಾರ್ಜ್ ಮಾಡುವುದು ಕೂಡ ಅನಾಹುತಕ್ಕೆ ಕಾರಣವಾಗುತ್ತದೆ. ಅನೇಕ ಬಾರಿ ಇಂಥ ಹಾನಿಗೆ ಕಾರಣ ತಪ್ಪು ನಿರ್ವಹಣೆಯೇ ಆಗಿರುತ್ತದೆ. ಬ್ಯಾಟರಿಗಳನ್ನು ಸರಿಯಾಗಿ ಜಾರ್ಜ್ ಮಾಡುವ ಜತೆಗೆ ಅದರ ಬಗ್ಗೆ ಎಚ್ಚರಿಕೆಯನ್ನು ಹೊಂದಿರಬೇಕು.
ಮುನ್ನೆಚ್ಚರಿಕೆ ಕ್ರಮಗಳು:
- ವಾಹನ ಚಾರ್ಜಿಂಗ್ ವೇಳೆ ತಯಾರಕರು ನೀಡಿರುವ ವೈರ್ ಮತ್ತು ಅಡಾಪ್ಟರ್ ಬಳಸಿ.
- ರಾತ್ರಿಯೆಲ್ಲಾ ಬೈಕ್ ಜಾರ್ಜ್ ಮಾಡುವುದರಿಂದ ಚಾರ್ಜರ್ ಸ್ಪೋಟಗೊಳ್ಳುವ ಅಪಾಯವನ್ನು ತಳ್ಳಿಹಾಕಲಾಗದು. ಇದು ಬ್ಯಾಟರಿ ಸಾಮರ್ಥ್ಯದ ಮೇಲೂ ಪರಿಣಾಮ ಬೀರುತ್ತದೆ.
- ಬೈಕ್ಗಳನ್ನು ಸ್ವಿಚ್ಗಳಿಂದ ನೇರವಾಗಿ ಜಾರ್ಜ್ ಮಾಡಬೇಡಿ. ಇದಕ್ಕೆ ಎಕ್ಸ್ಟೆನ್ಷನ್ ಬಳಕೆ ಬೇಡ.
- ಸಾಧ್ಯವಾದಲ್ಲಿ ಸ್ಮೋಕ್ ಪತ್ತೆ ಅಳವಡಿಸಿ.
- ಹಳೆಯ ಲಿಥಿಯಂ ಅಯನ್ ಬ್ಯಾಟರಿಯನ್ನು ಸುಮ್ಮನೆ ಮನೆಯಲ್ಲಿರಿಸಬೇಡಿ.
- ಸಾರ್ವಜನಿಕ ಸ್ಥಳದಲ್ಲಿ ಅನುಮೋದಿತ ಚಾರ್ಜಿಂಗ್ ಸ್ಟೇಷನ್‌ನಲ್ಲಿ ಜಾರ್ಜ್ ಮಾಡಿ.
- ಇ-ವಾಹನ ಬ್ಯಾಟರಿಗಳನ್ನು ಶೇ.40ಕ್ಕಿಂತ ಕಡಿಮೆ ಮತ್ತು ಶೇ.80ಕ್ಕಿಂತ ಹೆಚ್ಚು ಜಾರ್ಜ್ ಮಾಡಬೇಡಿ.
- ಬ್ಯಾಟರಿಯನ್ನು ನಿಧಾನ ಚಾರ್ಜಿಂಗ್ ಚಾರ್ಜರ್ನಿಂದ ಜಾರ್ಜ್ ಮಾಡಿ.
- ಬೇಗ ಜಾರ್ಜ್ ಮಾಡುವ ಜಾರ್ಜರ್ ಬಳಕೆ ಬೇಡ.
- ಬ್ಯಾಟರಿ ಚಾರ್ಜ್ ಆದ ಬಳಿಕ ಅದರ ಸ್ವಿಚ್ ಅನ್ನು ಸರಿಯಾಗಿ ಆಫ್ ಮಾಡಿ.
ಇದೀಗ ಅನೇಕ ಇ-ಕಾರ್ಗಳು ಮಾರುಕಟ್ಟೆಯಲ್ಲಿವೆ. ಇವುಗಳನ್ನು ಶೇ.80ಕ್ಕಿಂತ ಹೆಚ್ಚು ಚಾರ್ಜ್ ಮಾಡಿದರೆ, ಎಚ್ಚರಿಕೆ ಗಂಟೆ ಸದ್ದು ಮಾಡುತ್ತದೆ. ಶೇ.90ರಷ್ಟು ಜಾರ್ಜ್ ಆಗುತ್ತಿದ್ದಂತೆ ಅದುವೇ ಚಾರ್ಜಿಂಗ್ ನಿಲ್ಲಿಸುವ ಸೌಲಭ್ಯ ಹೊಂದಿದೆ.
ಇದನ್ನೂ ಓದಿ: ಇವಿ ಉತ್ಪಾದನಾ ಘಟಕ ಸ್ಥಾಪನೆ: ಸ್ಥಳ ಪರಿಶೀಲನೆಗಾಗಿ ಭಾರತಕ್ಕೆ ಆಗಮಿಸಲಿದೆ ಟೆಸ್ಲಾ ತಂಡ
