ನವದೆಹಲಿ/ ಗುರುಗ್ರಾಮ್ (ಹರಿಯಾಣ) : ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನ (ಇವಿ) ಚಾರ್ಜಿಂಗ್ ಮತ್ತು ಕ್ರಿಟಿಕಲ್ ಪವರ್ ಸಾಧನಗಳನ್ನು ಒದಗಿಸುವ ಪ್ರಮುಖ ಕಂಪನಿ ಎಕ್ಸಿಕಾಮ್ ಇಂದು ಎಲೆಕ್ಟ್ರಿಕ್ ವಾಹನಗಳನ್ನು ಚಾರ್ಜ್ ಮಾಡುವ 400 ಕಿಲೋವ್ಯಾಟ್ ವರೆಗಿನ ಸಾಮರ್ಥ್ಯದ ಭಾರತದ ಅತಿ ವೇಗದ ಡಿಸಿ ಚಾರ್ಜರ್ಗಳನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.
ಹೊಸದಾಗಿ ಬಿಡುಗಡೆಯಾದ ಹಾರ್ಮನಿ ಜೆನ್ 1.5 ಡಿಸಿ ಫಾಸ್ಟ್ ಚಾರ್ಜರ್ಗಳು ಸುಧಾರಿತ ಎಐ - ಚಾಲಿತ ರಿಮೋಟ್ ಮ್ಯಾನೇಜ್ ಮೆಂಟ್ ಸಿಸ್ಟಮ್, ಹೆಚ್ಚುವರಿ ಕಾರ್ಯಾಚರಣೆಯ ದಕ್ಷತೆ, ಇಂಟಿಗ್ರೇಟೆಡ್ ಆಂಬಿಯೆಂಟ್ ಲೈಟಿಂಗ್ ಮತ್ತು ಗ್ರಾಹಕರ ಚಾರ್ಜಿಂಗ್ ಅನುಭವವನ್ನು ಸುಧಾರಿಸುವತ್ತ ಗಮನ ಹರಿಸುವ ಅನೇಕ ಅಂಶಗಳು ಸೇರಿದಂತೆ ಹಲವಾರು ಸುಧಾರಿತ ವೈಶಿಷ್ಟ್ಯಗಳನ್ನು ಹೊಂದಿದೆ. ಹಾರ್ಮನಿ ಜಿ 1.5 ಮೂರು ಫ್ರೇಮ್ ಗಾತ್ರಗಳಲ್ಲಿ ಲಭ್ಯವಿದೆ ಮತ್ತು ಅದರ ಮಾಡ್ಯುಲರ್ ನಿರ್ಮಾಣವು 60 ಕಿಲೋವ್ಯಾಟ್ ನಿಂದ 400 ಕಿಲೋವ್ಯಾಟ್ವರೆಗೆ ವಿದ್ಯುತ್ ಔಟ್ಪುಟ್ ಅನ್ನು ನೀಡುತ್ತದೆ.
ಬಳಕೆದಾರ - ಕೇಂದ್ರಿತ ವಿನ್ಯಾಸ ಮತ್ತು ಕಾರ್ಯಕ್ಷಮತೆಯ ಮೇಲೆ ಗಮನ ಕೇಂದ್ರೀಕರಿಸಿ, ಬಳಕೆದಾರರ ಅನುಭವಕ್ಕೆ ಒತ್ತು ನೀಡುವ ಮೂಲಕ ಎಕ್ಸಿಕಾಮ್ ತನ್ನ ಹೊಸ ಡಿಸಿ ಚಾರ್ಜರ್ಗಳನ್ನು ತಯಾರಿಸಿದೆ. ಇದರಲ್ಲಿನ ಕೇಬಲ್ ನಿರ್ವಹಣಾ ವ್ಯವಸ್ಥೆಯು ಭಾರೀ ಚಾರ್ಜಿಂಗ್ ಗನ್ ಗಳನ್ನು ನಿರ್ವಹಿಸುವುದನ್ನು ಸುಲಭಗೊಳಿಸುತ್ತದೆ. ಹಾರ್ಮನಿ ಜಿ 1.5 ಚಾರ್ಜರ್ ಗಳನ್ನು ಪಿಎಎಸ್ ಮಾನದಂಡಗಳಿಗೆ ಅನುಸಾರವಾಗಿ ವಿನ್ಯಾಸಗೊಳಿಸಲಾಗಿದೆ. ಇದು ದೈಹಿಕವಾಗಿ ಅಂಗವಿಕಲ ವ್ಯಕ್ತಿಗಳಿಗೆ ಚಾರ್ಜರ್ಗಳನ್ನು ಸುಲಭವಾಗಿ ಬಳಸಲು ಮತ್ತು ನಿರ್ವಹಿಸಲು ಅನುವು ಮಾಡಿಕೊಡುತ್ತದೆ.
ಈ ಹಿಂದಿನ ಮಾದರಿಯ ಚಾರ್ಜರ್ಗಳಂತೆ ಹಾರ್ಮನಿ ಜೆನ್ 1.5 ಡಿಸಿ ಫಾಸ್ಟ್ ಚಾರ್ಜರ್ ಗಳನ್ನು ಭಾರತದ ಕಠಿಣ ಹವಾಮಾನ ಮತ್ತು ವಿದ್ಯುತ್ ಪರಿಸ್ಥಿತಿಗಳಿಗಾಗಿ ನಿರ್ದಿಷ್ಟವಾಗಿ ವಿನ್ಯಾಸಗೊಳಿಸಲಾಗಿದೆ. ಇದು ಬಿಸಿ, ಶೀತ ತಾಪಮಾನ ಮತ್ತು ಸಾಮಾನ್ಯವಾಗಿ ಸಂಭವಿಸುವ ಗ್ರಿಡ್ ಏರಿಳಿತಗಳಿಗೆ ಹೊಂದಿಕೊಳ್ಳುತ್ತದೆ.
ಹಾರ್ಮನಿ ಜೆನ್ 1.5 ಡಿಸಿ ಫಾಸ್ಟ್ ಚಾರ್ಜರ್ಸ್ ನ ದಕ್ಷತೆ ಶೇ 95 ಕ್ಕಿಂತ ಹೆಚ್ಚಾಗಿದೆ ಮತ್ತು ಹಗುರವಾದ ಕಾರುಗಳಿಂದ ಹೆವಿ-ಡ್ಯೂಟಿ ಬಸ್ ಗಳವರೆಗೆ ವ್ಯಾಪಕ ಶ್ರೇಣಿಯ ವಾಹನಗಳಿಗೆ ಸಮರ್ಥವಾಗಿ ಚಾರ್ಜಿಂಗ್ ಮಾಡುತ್ತದೆ. ಹೆಚ್ಚುವರಿಯಾಗಿ, ಹಾರ್ಮನಿ ಜೆನ್ 1.5 ಡಿಸಿ ಫಾಸ್ಟ್ ಚಾರ್ಜರ್ ನಿರ್ದಿಷ್ಟವಾಗಿ ವಿನ್ಯಾಸಗೊಳಿಸಲಾದ ಮಾಡೆಲ್ಗಳನ್ನು ಒಳಗೊಂಡಿದೆ. ಮಾಲ್ ಗಳು, ನಗರ ಮೂಲಸೌಕರ್ಯ ಮತ್ತು ಕಚೇರಿ ಸಂಕೀರ್ಣಗಳಂತಹ ವಿಭಿನ್ನ ಸ್ಥಳಗಳಲ್ಲಿ ಇದನ್ನು ಸುಲಭವಾಗಿ ಸ್ಥಾಪಿಸಬಹುದು.
ಇದನ್ನೂ ಓದಿ : ಹೀಲಿಯಂ ಸೋರಿಕೆ: ಬೋಯಿಂಗ್ ಸ್ಟಾರ್ಲೈನರ್ನ ಮಾನವಸಹಿತ ಉಡಾವಣೆ ಮತ್ತೆ ಮುಂದಕ್ಕೆ - Boeing Starliner
