ಹೈದರಾಬಾದ್: ಸೈಬರ್ ವಂಚನೆ ಮತ್ತು ಡಿಜಿಟಲ್ ಬಂಧನ ಪ್ರಕರಣಗಳು ಹೆಚ್ಚುತ್ತಲೇ ಇವೆ. ಈ ಬಗ್ಗೆ ಪ್ರತಿಯೊಬ್ಬರೂ ಎಚ್ಚರದಿಂದ ಇರುವುದು ಉಚಿತ. ಸೈಬರ್ ಕ್ರೈಂ ಪೊಲೀಸರು ಅಪರಿಚಿತರಿಂದ ಬರುವ ಫೋನ್ ಕರೆಗಳ ಬಗ್ಗೆ ಎಚ್ಚರದಿಂದ ಇರುವಂತೆ ಸಲಹೆ ನೀಡಿದ್ದಾರೆ. ಈ ಕುರಿತು ಇತ್ತೀಚಿಗಷ್ಟೇ ಹೇಳಿಕೆ ಬಿಡುಗಡೆ ಮಾಡಲಾಗಿದೆ. ಅದರಲ್ಲೂ +37052529259, +56322553736, +255901130460, +94777455913, +37127913091 ಮುಂತಾದ ಸಂಖ್ಯೆಗಳ ಫೋನ್ ಬಂದರೆ ಅದನ್ನು ತೆಗೆದುಕೊಳ್ಳಬಾರದು ಎಂದು ಸೈಬರ್ ಕ್ರೈಂ ಪೊಲೀಸರು ಸಲಹೆ ಹಾಗೂ ಎಚ್ಚರಿಕೆ ನೀಡಿದ್ದಾರೆ.
ಇದನ್ನು ಓದಿ: 2 ಗಂಟೆಗಳ ಕಾಲ ಡಿಜಿಟಲ್ ಅರೆಸ್ಟ್ ಆದ ಮಾಜಿ ಫೆಮಿನಾ ಮಿಸ್ ಇಂಡಿಯಾ: 99,000 ರೂ. ಸೈಬರ್ ವಂಚನೆ
ಪ್ರಾಥಮಿಕವಾಗಿ, (+371) (ಲಾಟ್ವಿಯಾ), +381 (ಸರ್ಬಿಯಾ), +370 (ಲಿಥುವೇನಿಯಾ), +255 (ಟಾಂಜಾನಿಯಾ), +375 (ಬೆಲಾರಸ್), +563 (ಲೋವಾ) ನಂತಹ ಕೋಡ್‌ಗಳೊಂದಿಗೆ ಪ್ರಾರಂಭವಾಗುವ ಸಂಖ್ಯೆಗಳಿಂದ ಬರುವ ಕರೆಗಳನ್ನು ಸ್ವೀಕರಿಸಿದರೆ ತಕ್ಷಣ ನಿಮ್ಮ ಫೋನ್ಗಳು ಹ್ಯಾಂಗ್ ಆಗುತ್ತವೆ ಎಂದು ವಿವರಿಸಲಾಗಿದೆ.
ಫೋನ್ ಎತ್ತಿದರೆ ಸಾಕು ನಿಮ್ಮ ಎಲ್ಲ ಮಾಹಿತಿ ಅವರಿಗೆ ರವಾನೆ: ನಿಮ್ಮ ಮೊಬೈಲ್ಗೆ ಈ ಮೇಲಿನ ನಂಬರ್ಗಳಿಂದ ಕರೆ ಬಂದು ಮಿಸ್ಡ್ ಕಾಲ್ ಆಗಿದೆ ಎಂದು ಮತ್ತೆ ಕರೆ ಮಾಡಿದರೆ ಕೇವಲ 3 ಸೆಕೆಂಡ್‌ಗಳಲ್ಲಿ ನಮ್ಮ ಫೋನ್‌ನ ಕಾಂಟ್ಯಾಕ್ಟ್ ಲಿಸ್ಟ್ ಜೊತೆಗೆ ಬ್ಯಾಂಕ್, ಕ್ರೆಡಿಟ್ ಕಾರ್ಡ್ ಮತ್ತು ಇತರ ವಿವರಗಳನ್ನು ನಕಲು ಮಾಡುವ ಅಪಾಯವಿದೆ ಎಂದು ಎಚ್ಚರಿಸಲಾಗಿದೆ. ನೀವು ಹಾಗೆ ಮಾಡಿದರೆ, ಅವರು ನಿಮ್ಮ ಸಿಮ್ ಕಾರ್ಡ್ ಅನ್ನು ಪ್ರವೇಶಿಸಲು, ನಿಮ್ಮ ವೆಚ್ಚದಲ್ಲಿ ಕರೆಗಳನ್ನು ಮಾಡಲು ಮತ್ತು ನಿಮ್ಮನ್ನು ಅಪರಾಧಿಯನ್ನಾಗಿ ಮಾಡಲು ಪಿತೂರಿ ಮಾಡುತ್ತಿದ್ದಾರೆ ಎಂದು ಅವರು ಹೇಳುತ್ತಾರೆ.
