ಓಹೋ! ಆ್ಯಂಡ್ರಾಯ್ಡ್‌​ಗೂ ಬಂತು ಆ್ಯಪಲ್​ ಟಿವಿ ಪ್ಲಸ್​: ಫಸ್ಟ್​ಟೈಂ​ ಯೂಸರ್​ಗೆ ಬಂಪರ್​ ಆಫರ್

Apple TV Plus: ಆ್ಯಂಡ್ರಾಯ್ಡ್ ಬಳಕೆದಾರರಿಗಾಗಿ Apple TV+ ಆ್ಯಪ್​ ಅನ್ನು ಕಂಪೆನಿ ಪರಿಚಯಿಸಿದೆ. ಇದು ಸ್ಟ್ರೀಮಿಂಗ್ ಸೇವೆಯಾಗಿದ್ದು, ಒರಿಜಿನಲ್​ ವೆಬ್​ಸೀರೀಸ್​, ಚಲನಚಿತ್ರಗಳು ಮತ್ತು ಟಿವಿ ಕಾರ್ಯಕ್ರಮಗಳನ್ನು ನೋಡಬಹುದು.

Apple TV Plus: ಆ್ಯಂಡ್ರಾಯ್ಡ್​ ಬಳಕೆದಾರರಿಗೆ ಆ್ಯಪಲ್​ ಕಂಪೆನಿ ಸಿಹಿ ಸುದ್ದಿ ನೀಡಿದೆ. ಆ್ಯಪಲ್​ ಈಗ ಆ್ಯಂಡ್ರಾಯ್ಡ್​ ಬಳಕೆದಾರರಿಗೂ ತನ್ನ ಆ್ಯಪಲ್ ಟಿವಿ ಪ್ಲಸ್​ ಆ್ಯಪ್ ಪರಿಚಯಿಸಿದೆ. ಈಗ ಆ್ಯಂಡ್ರಾಯ್ಡ್ ಬಳಕೆದಾರರು ತಮ್ಮ ಸಾಧನಗಳಲ್ಲಿ ಆ್ಯಪಲ್ ಟಿವಿಯನ್ನು ವೀಕ್ಷಿಸಬಹುದು. Apple TV+ ಪ್ರಾರಂಭಿಸಿದ ಸುಮಾರು 5 ವರ್ಷಗಳ ನಂತರ ಆ್ಯಂಡ್ರಾಯ್ಡ್​ ಸ್ಮಾರ್ಟ್‌ಫೋನ್‌ಗಳು, ಟ್ಯಾಬ್ಲೆಟ್‌ಗಳು ಮತ್ತು ಫೋಲ್ಡಬಲ್​ ಡಿವೈಸ್​ಗಳಿಗಾಗಿ ಆ್ಯಪಲ್​ ತನ್ನ ಟಿವಿ ಅಪ್ಲಿಕೇಶನ್ ಪರಿಚಯಿಸಿರುವುದು ಗಮನಾರ್ಹ.

Apple TV ಸ್ಟ್ರೀಮಿಂಗ್ ವೇದಿಕೆ. ಸಾಮಾನ್ಯವಾಗಿ ಆ್ಯಂಡ್ರಾಯ್ಡ್‌​ಗಾಗಿ ಆ್ಯಪಲ್​ ತನ್ನ ಅಪ್ಲಿಕೇಶನ್‌ಗಳನ್ನು ಪ್ರಾರಂಭಿಸುವುದಿಲ್ಲ. ಕಂಪೆನಿ ಐಒಎಸ್ ಮತ್ತು ಮ್ಯಾಕೋಸ್ ಮೇಲೆ ಮಾತ್ರ ಗಮನಹರಿಸುತ್ತದೆ. ಈ ಬಾರಿ ಆ್ಯಂಡ್ರಾಯ್ಡ್‌ಗಾಗಿ ಆ್ಯಪಲ್ ಟಿವಿ ಬಿಡುಗಡೆ ಮಾಡುವ ಮೂಲಕ ಅಚ್ಚರಿಗೊಳಿಸಿದೆ.

ಆ್ಯಪಲ್​ ಪ್ರಕಾರ, Apple TV ಅಪ್ಲಿಕೇಶನ್ ಈಗ ಪ್ರಪಂಚದಾದ್ಯಂತ ಆ್ಯಂಡ್ರಾಯ್ಡ್​ ಯೂಸರ್ಸ್​ಗೆ ಲಭ್ಯವಿದೆ. ಈ ಆ್ಯಪ್​ ಸಹಾಯದಿಂದ ನೀವು ಆ್ಯಂಡ್ರಾಯ್ಡ್​ ಪ್ಲಾಟ್‌ಫಾರ್ಮ್‌ನಲ್ಲಿ Apple TV+ನಲ್ಲಿ ಲಭ್ಯವಿರುವ ವಿಶೇಷ ವಿಷಯವನ್ನೂ ಸಹ ವೀಕ್ಷಿಸಬಹುದು. ಇದಕ್ಕಾಗಿ ಆ್ಯಪಲ್ ಟಿವಿಯ ಚಂದಾದಾರಿಕೆಯನ್ನು ಪಡೆಯಬೇಕಾಗುತ್ತದೆ.

ಒಂದು ವಾರ ಉಚಿತ: ಆ್ಯಪಲ್ ಅನೇಕ ಹಾಲಿವುಡ್ ನಟರೊಂದಿಗೆ ಪಾಲುದಾರಿಕೆ ಹೊಂದಿದೆ. ಹೀಗಾಗಿ ಇದು ಉಚಿತ ಸೇವೆಯಲ್ಲ. ಕೇವಲ ಅಪ್ಲಿಕೇಶನ್ ಅನ್ನು ಉಚಿತವಾಗಿ ಡೌನ್‌ಲೋಡ್ ಮಾಡಬಹುದಷ್ಟೇ. ಕಂಟೆಂಟ್​ ವೀಕ್ಷಿಸಲು ಪ್ರತಿ ತಿಂಗಳು ಇಂತಿಷ್ಟು ಹಣ ಪಾವತಿಸಬೇಕಾಗುತ್ತದೆ.

ಬೆಲೆಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ. 99 ರೂಪಾಯಿ ಮಾಸಿಕ ಸಬ್ಸ್​ಕ್ರಿಪ್ಷನ್ ಪಡೆಯುವುದರ ಮೂಲಕ ಇದನ್ನು ನೀವು ಸ್ಟ್ರೀಮ್ ಮಾಡಬಹುದು ಮತ್ತು ಹೊಸ ಬಳಕೆದಾರರು ಒಂದು ವಾರದ ಉಚಿತ ಟ್ರಯಲ್​ ಪಡೆಯುತ್ತಿದ್ದಾರೆ.

ಈ ಚಂದಾದಾರಿಕೆಯಲ್ಲಿ ಬಳಕೆದಾರರಿಗೆ ಜಾಹೀರಾತುರಹಿತವಾಗಿ ಕಂಟೆಂಟ್​ ವೀಕ್ಷಿಸಬಹುದು. ಅಪ್ಲಿಕೇಶನ್‌ನಲ್ಲಿ ಆಫ್‌ಲೈನ್ ಡೌನ್‌ಲೋಡ್, ವಾಚ್‌​ ಲಿಸ್ಟ್​, ಕಂಟಿನ್ಯೂ ವಾಚಿಂಗ್​ನಂತಹ ಅನೇಕ ವೈಶಿಷ್ಟ್ಯಗಳನ್ನು ಪಡೆಯುತ್ತಾರೆ. ಆದರೂ ಆಂಡ್ರಾಯ್ಡ್​ ಬಳಕೆದಾರರು ಗೂಗಲ್​ ಕಾಸ್ಟ್​ ಸಪೋರ್ಟ್​ಗಾಗಿ ಸ್ವಲ್ಪ ಸಮಯ ಕಾಯಬೇಕಾಗುತ್ತದೆ.

ಇದು 50GB ಕ್ಲೌಡ್, TV+ ಸಬ್ಸ್​ಕ್ರಿಪ್ಷನ್, ಮ್ಯೂಸಿಕ್​ ಮತ್ತು ಆರ್ಕೇಡ್‌ನೊಂದಿಗೆ ಬರುತ್ತದೆ. ಇತ್ತೀಚೆಗೆ ಆ್ಯಪಲ್ ತನ್ನ ಮ್ಯಾಪ್​ ವೆಬ್ ವರ್ಷನ್​ ಬಿಡುಗಡೆ ಮಾಡಿತ್ತು. ಇದು ಆ್ಯಂಡ್ರಾಯ್ಡ್​ ಬಳಕೆದಾರರಿಗೆ ಅಲ್ಲದಿದ್ದರೂ, ಕ್ರಮೇಣ ಕಂಪೆನಿ ಆಂಡ್ರಾಯ್ಡ್​ಗಾಗಿ ಕೆಲವು ಅಪ್ಲಿಕೇಶನ್‌ಗಳನ್ನು ಪರಿಚಯಿಸುತ್ತಿದೆ.

Apple TV+ is now available on Android.

Stream Severance, Ted Lasso, Silo, Pachinko and more.#Severance #TedLasso #Silo #Pachinko pic.twitter.com/JYVZ6U8RQN

— Apple TV (@AppleTV) February 12, 2025

Apple TV+ ಆ್ಯಂಡ್ರಾಯ್ಡ್‌ಗೆ ಲಗ್ಗೆಯಿಟ್ಟ ಬಳಿಕ ಇತರ ಒಟಿಟಿ ಪ್ಲಾಟ್‌ಫಾರ್ಮ್‌ಗಳು ಈಗ ಸ್ಪರ್ಧಿಸಬಹುದು. ಏಕೆಂದರೆ Apple TV+ನಲ್ಲಿ ಸಾಕಷ್ಟು ಒರಿಜಿನಲ್​ ಕಂಟೆಂಟ್‌ಗಳಿವೆ. ಕಂಪೆನಿಯು ಸಬ್ಸ್​ಕ್ರಿಪ್ಷನ್ ಶುಲ್ಕವನ್ನು ಸ್ಪರ್ಧಾತ್ಮಕವಾಗಿ ಇರಿಸಿರುವುದು ಗಮನಿಸಬೇಕಾದ ಮತ್ತೊಂದು ಅಂಶ.

ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಲೈವ್: ಇಂದಿನಿಂದ ಆ್ಯಂಡ್ರಾಯ್ಡ್ ಬಳಕೆದಾರರು ತಮ್ಮ ಸಾಧನಗಳಲ್ಲಿ Apple TV ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಲು ಸಾಧ್ಯವಾಗುತ್ತದೆ. ಇದು ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಲೈವ್ ಆಗಿದೆ. ಕಳೆದ ವರ್ಷ ಆ್ಯಪಲ್ ಸೂಚಿಸಿತ್ತು. ಆ್ಯಪಲ್ ಈ ದಿಕ್ಕಿನಲ್ಲಿ ದೀರ್ಘಕಾಲದಿಂದ ಕೆಲಸ ಮಾಡುತ್ತಿದೆ. ಕಳೆದ ವರ್ಷ ಮೇ ತಿಂಗಳಲ್ಲಿ ಕಂಪೆನಿಯು ಆಂಡ್ರಾಯ್ಡ್​ಗಾಗಿ Apple TV+ ಅಪ್ಲಿಕೇಶನ್ ತರುವ ಬಗ್ಗೆ ಸುಳಿವು ನೀಡಿತ್ತು. ಈಗ ಅದು ಲಭ್ಯವಾಗಿದೆ.

ಆ್ಯಂಡ್ರಾಯ್ಡ್‌​ನಲ್ಲಿ ಕೇವಲ 5 ಆ್ಯಪ್​ಗಳು ಲಭ್ಯ: ಆ್ಯಂಡ್ರಾಯ್ಡ್‌​ನಲ್ಲಿ ಆ್ಯಪಲ್‌ನ 5 ಅಪ್ಲಿಕೇಶನ್‌ಗಳು ಮಾತ್ರ ಇವೆ. Apple Music, Move to iOS, Apple TV, Beats ಮತ್ತು Apple Music Classical ಅಪ್ಲಿಕೇಶನ್‌ಗಳು ಆಂಡ್ರಾಯ್ಡ್​ನಲ್ಲಿ ಕಾಣಬಹುದು. ಕಂಪೆನಿಯು Apple TV+ ಕುರಿತು ಬಹಳ ಉತ್ಸುಕವಾಗಿದೆ. ಅಷ್ಟೇ ಅಲ್ಲ, ಆಂಡ್ರಾಯ್ಡ್​ನಲ್ಲಿ ಈ ಆಪ್​ ಅನ್ನು ಪ್ರಾರಂಭಿಸುವ ಮೂಲಕ ದೊಡ್ಡ ಮಾರುಕಟ್ಟೆಯನ್ನು ಪೂರೈಸಲು ಬಯಸುತ್ತದೆ.

ಇದನ್ನೂ ಓದಿ: ಐಫೋನ್ SE 4 ಲಾಂಚಿಂಗ್​ ಡೇಟ್​ ಯಾವಾಗ? ಬೆಲೆ, ವಿಶೇಷತೆಗಳಿವು