ಬೆಂಗಳೂರು: ಬಾರ್ನಲ್ಲಿ ಕ್ಷುಲ್ಲಕ ವಿಚಾರವಾಗಿ ಕ್ಯಾತೆ ತೆಗೆದು ತಲ್ವಾರ್ ನಿಂದ ಹಲ್ಲೆಗೆ ಯತ್ನಿಸಿದ್ದ ಮೂವರನ್ನು ಕೆ.ಪಿ. ಅಗ್ರಹಾರ ಪೊಲೀಸರು ಬಂಧಿಸಿದ್ದಾರೆ. ಸೈಯದ್ ಅಮನ್, ರೆಹಮತ್ ಪಾಷಾ, ಸೈಯದ್ ಕಬೀರ್ ಬಂಧಿತರು.
ನಡೆದಿದ್ದೇನು?: ಬಂಧಿತ ಆರೋಪಿಗಳು ಜು.26 ರಂದು ಕೆ.ಪಿ.ಅಗ್ರಹಾರ ಠಾಣಾ ವ್ಯಾಪ್ತಿಯ ಬಾರ್ವೊಂದಕ್ಕೆ ಬಂದಿದ್ದರು. ಈ ವೇಳೆ ಅಪರಿಚಿತ ಯುವಕನೊಬ್ಬ ವಿಡಿಯೋ ಮಾಡಿಕೊಳ್ಳುತ್ತಿರುವುದನ್ನು ಪ್ರಶ್ನಿಸಿ, ಆತನಿಂದ ಮೊಬೈಲ್ ಕಸಿದುಕೊಂಡಿದ್ದರು. ಇದರಿಂದ ಆತಂಕಗೊಂಡ ಯುವಕ ಕಳ್ಳ, ಕಳ್ಳ ಎಂದು ಚೀರಿದ್ದ. ಇದರಿಂದ ಸ್ಥಳದಲ್ಲಿದ್ದವರು ಯುವಕನ ನೆರವಿಗೆ ಧಾವಿಸಿ ಆರೋಪಿಗಳನ್ನು ಓಡಿಸಿದ್ದಾರೆ. ಈ ಪೈಕಿ ಒಬ್ಬನನ್ನು ಸಾರ್ವಜನಿಕರು ಹಿಡಿದುಕೊಂಡಿದ್ದರು. ಇದರಿಂದ ಪರಾರಿಯಾಗಿದ್ದ ಮೂವರು, ಗೆಳೆಯನನ್ನು ಬಿಡಿಸಲು ಮತ್ತೆ ಬಾರ್ಗೆ ಬಂದು ಸಿಕ್ಕಸಿಕ್ಕವರ ಮೇಲೆ ಮನಸೋ ಇಚ್ಛೆ ತಲ್ವಾರ್ ಬೀಸಿದ್ದಾರೆ. ಈ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿವೆ. ಈ ಸಂಬಂಧ ದೂರು ಬಂದ ಮೇರೆಗೆ ಪೊಲೀಸರು ಆರೋಪಿಗಳನ್ನು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ.
ಇದನ್ನೂ ಓದಿ: ಪೊಲೀಸ್ ಕರ್ತವ್ಯಕ್ಕೆ ಅಡ್ಡಿ ಪ್ರಕರಣ: ಪುನೀತ್ ಕೆರೆಹಳ್ಳಿಗೆ ಷರತ್ತುಬದ್ಧ ಜಾಮೀನು ಮಂಜೂರು - Puneeth Kerehalli get bail
