ರಾಯಚೂರು: ಒಂದೇ ಕುಟುಂಬದ 3 ಜನ ಆತ್ಮಹತ್ಯೆಗೆ ಯತ್ನಿಸಿರುವ ಘಟನೆ ನಗರದ ಹೊರವಲಯದ ಯರಮರಸ್ ಬೈಪಾಸ್ ರಸ್ತೆ ಓವರ್ ಬ್ರಿಡ್ಜ್ ಕೆಳಗೆ ನಡೆದಿದೆ. ಆತ್ಮಹತ್ಯೆ ಯತ್ನದಲ್ಲಿ ತಂದೆ - ತಾಯಿ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಮಗಳ ಸ್ಥಿತಿ ಗಂಭೀರವಾಗಿದೆ. ಮೃತರನ್ನು ಮೊಹಮ್ಮದ್ ಸಮೀರ್ ( 45), ಜುಲ್ಲೇಕಾ ಬೇಗಂ (40) ಎಂದು ಗುರುತಿಸಲಾಗಿದೆ. ಗಾಯಾಳುವನ್ನು ನಹಿಮುನ್ನಿಸ್ ಬೇಗಂ ಎಂದು ತಿಳಿದು ಬಂದಿದೆ.
ಏನಿದು ಪ್ರಕರಣ?: ನಗರದ ಜ್ಯೋತಿ ಕಾಲೋನಿಯಲ್ಲಿ ಮೊಹಮ್ಮದ್ ಸಮೀರ್, ಜುಲ್ಲೇಕಾ ಬೇಗಂ ವಾಸಿಸುತ್ತಿದೆ. ಇಂದು ಹಠಾತ್ತನೇ ರೈಲ್ವೆ ಬಿಡ್ಜ್ ಕೆಳಗೆ ಮೊಹಮ್ಮದ್ ಸಮೀರ್ ಮತ್ತು ಜುಲ್ಲೇಕಾ ಬೇಗಂ ತಮ್ಮ ಮಗಳು ನಹಿಮುನ್ನಿಸ್ ಬೇಗಂ ಜೊತೆಗೆ ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ಈ ವೇಳೆ, ಮೊಹಮ್ಮದ್ ಸಮೀರ್, ಜುಲ್ಲೇಕಾ ಬೇಗಂ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಪುತ್ರಿ ನಹಿಮುನ್ನಿಸ್ ಬೇಗಂ ಅವರ ಕೈಮುರಿತ ಗೊಂಡಿದೆ. ಸುದ್ದಿ ತಿಳಿದಾಕ್ಷಣ ರೈಲ್ವೆ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ಮೃತದೇಹಗಳನ್ನು ರಿಮ್ಸ್ ಆಸ್ಪತ್ರೆಯ ಶವಾಗಾರಕ್ಕೆ ರವಾನಿಸಿದರು.
ಅದಕ್ಕೂ ಮುನ್ನ ಕೈಮುರಿದು ಗಾಯಗೊಂಡಿದ್ದ ನಹಿಮುನ್ನಿಸ್ ಬೇಗಂ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ರಾಯಚೂರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ಜರುಗಿದ್ದು, ಈ ಘಟನೆ ಕುರಿತು ಇನ್ನಷ್ಟು ಮಾಹಿತಿ ತಿಳಿದು ಬರಬೇಕಾಗಿದೆ.
ಓದಿ: ಕೇರಳ: ಬಾಡಿಗೆ ಮನೆಯಲ್ಲಿ ಮೂವರು ಮಕ್ಕಳು ಸೇರಿ ಒಂದೇ ಕುಟುಂಬದ ಐವರು ಶವವಾಗಿ ಪತ್ತೆ
