ಮೈಸೂರು: ದಸರಾ ಮಹೋತ್ಸವದಲ್ಲಿ ಕುಸ್ತಿ ಅಂತಿಮ ಹಣಾಹಣಿಯಲ್ಲಿ ಜಯಶಾಲಿಯಾದ ಪಟುಗಳು ಆಯಾ ವಿಭಾಗದಲ್ಲಿ 'ದಸರಾ ಕೇಸರಿ', 'ದಸರಾ ಕಂಠೀರವ', 'ದಸರಾ ಕುಮಾರ', 'ದಸರಾ ಕಿಶೋರ' ಹಾಗೂ 'ದಸರಾ ಕಿಶೋರಿ' ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ.
ಡಿ.ದೇವರಾಜ ಅರಸು ವಿವಿಧೋದ್ದೇಶ ಕ್ರೀಡಾಂಗಣದಲ್ಲಿ ಬುಧವಾರ ರಾತ್ರಿ ಫೈನಲ್ ಪಂದ್ಯಗಳು ನಡೆದವು.
ದಸರಾ ಕೇಸರಿ ಪ್ರಶಸ್ತಿ: ಮುಧೋಳದ ಸದಾಶಿವ ನಳವಡೆ ವಿರುದ್ಧ ದಾವಣಗೆರೆಯ ಬಸವರಾಜ್ ಪಾಟೀಲ್ 8 ಅಂಕಗಳ ಅಂತರದಿಂದ ಜಯ ಸಾಧಿಸಿ ದಸರಾ ಕೇಸರಿ ಪ್ರಶಸ್ತಿಗೆ ಭಾಜನರಾದರು.
ದಸರಾ ಕಂಠೀರವ ಪ್ರಶಸ್ತಿ: ಬಾಪೂರಾವ್ ಶಿಂಧೆ ವಿರುದ್ಧ ಬಾಗಲಕೋಟೆಯ ಶಿವಯ್ಯ ಪೂಜಾರಿ 6 ಆರು ಅಂಕ ಗಳಿಸುವ ಮೂಲಕ ವಿಜಯ ಸಾಧಿಸಿ ದಸರಾ ಕಂಠೀರವ ಪ್ರಶಸ್ತಿ ಪಡೆದರು.
ದಸರಾ ಕುಮಾರ: ಮಂಡ್ಯ ಜಿಲ್ಲೆಯ ಗಿರೀಶ್ ಅವರು ನಿತಿನ್ ವಿರುದ್ಧ 25 ಅಂಕ ಗಳಿಸಿ ದಸರಾ ಕುಮಾರ ಪ್ರಶಸ್ತಿ ಜಯಿಸಿದರು.
ದಸರಾ ಕಿಶೋರ: ದಾವಣಗೆರೆಯ ಕ್ರೀಡಾ ವಿದ್ಯಾರ್ಥಿ ನಿಲಯದ ಕುರುವರ ಸಂಜೀವ ಅವರು ದಾವಣಗೆರೆ ಕ್ರೀಡಾ ವಿದ್ಯಾರ್ಥಿನಿಲಯದ ಮಹೇಶ್ ಪಿ.ಗೌಡ ವಿರುದ್ಧ 6 ಅಂಕಗಳಿಂದ ಜಯ ದಾಖಲಿಸಿ ದಸರಾ ಕಿಶೋರ ಪ್ರಶಸ್ತಿ ಎತ್ತಿಹಿಡಿದರು.
ದಸರಾ ಕಿಶೋರಿ: ಹಳಿಯಾಳದ ಶಾಲಿನಿ ಅವರು ಗಾಯತ್ರಿ ಸುತಾರ್ ವಿರುದ್ಧ 10 ಅಂಕ ಗಳಿಸುವುದರೊಂದಿಗೆ ದಸರಾ ಕಿಶೋರಿ ಪ್ರಶಸ್ತಿ ಮುಡಿಗೇರಿಸಿಕೊಂಡರು.
ಇದನ್ನೂ ಓದಿ: ಯುವ ದಸರಾ: ಮೋಡಿ ಮಾಡಿದ ಎ.ಆರ್.ರಹಮಾನ್, ವಿಜಯ್ ಪ್ರಕಾಶ್ ಜೋಡಿ
