ಹೈದರಾಬಾದ್: ವಿಶ್ವದ ಶ್ರೀಮಂತ ಆಟಗಳಲ್ಲಿ ಗಾಲ್ಫ್ ಕೂಡ ಒಂದಾಗಿದೆ. ಈ ಕ್ರೀಡೆ ಯಾವಾಗ ಆರಂಭವಾಯಿತು ಎಂಬುದರ ಬಗ್ಗೆ ಯಾವುದೇ ದಾಖಲೆಗಳಿಲ್ಲ. ಆದ್ರೆ ಈ ಆಟ ಹುಟ್ಟಿದ್ದು ಸ್ಕಾಟ್ಲೆಂಡಿನಲ್ಲಿ ಎಂದು ಹೇಳಲಾಗುತ್ತದೆ. ಈ ಆಟವು ವಿದೇಶಗಳಲ್ಲಿ ಹೆಚ್ಚು ಪ್ರಸಿದ್ಧಿ ಪಡೆದಿದ್ದು, ಇತ್ತೀಚಿನ ದಿನಗಳಲ್ಲಿ ಭಾರತದಲ್ಲೂ ಪ್ರಸಿದ್ಧಿ ಪಡೆದುಕೊಳ್ಳುತ್ತಿದೆ. ಆದ್ರೆ ಇದರಲ್ಲಿನ ಕೆಲ ವಿಷಯಗಳ ಬಗ್ಗೆ ಹೆಚ್ಚಿನ ಜನರಿಗೆ ತಿಳಿದಿಲ್ಲ. ಅಂಕಗಳಿಗಿರುವ ಹೆಸರುಗಳು ಕೂಡ ಒಂದಾಗಿದೆ. ಹೌದು, ಗಾಲ್ಫ್ನಲ್ಲಿ ಗಳಿಸುವ ಅಂಕಗಳಿಗೆ ವಿವಿಧ ಹೆಸರುಗಳಿಂದ ಕರೆಯಲಾಗುತ್ತದೆ. ಹಾಗಾದ್ರೆ ಈ ಸುದ್ದಿಯಲ್ಲಿ ಅವುಗಳ ಬಗ್ಗೆ ತಿಳಿದುಕೊಳ್ಳೋಣ..
ಗಾಲ್ಫ್ ಅಂಕಗಳನ್ನು ಹೇಗೆ ಅಳೆಯಲಾಗುತ್ತದೆ: ಗಾಲ್ಫ್ ಆಟವು ನಾಲ್ಕು ದಿನಗಳ ಕಾಲ ನಡೆಯುತ್ತದೆ. ದಿನಕ್ಕೆ ಒಂದರಂತೆ ಒಟ್ಟು ನಾಲ್ಕು ಕೋರ್ಸ್ಗಳು ನಡೆಯುತ್ತವೆ. ಒಂದು ಕೋರ್ಸ್ನಲ್ಲಿ 18 ರಂಧ್ರಗಳಿರಲಿದ್ದು 72 ಅವಕಾಶಗಳು ಇರುತ್ತವೆ. ಅಂದರೆ ಒಂದು ರಂಧ್ರವನ್ನು ಪೂರ್ಣಗೊಳಿಸಲು ಆಟಗಾರನಿಗೆ 4 ಅವಕಾಶಗಳು ಇರುತ್ತವೆ. ಕೆಲವೊಮ್ಮೆ ಇದು ಹೆಚ್ಚು ಕೂಡ ಆಗುತ್ತದೆ. ಒಂದು ರಂಧ್ರಕ್ಕೆ ಚೆಂಡನ್ನು ಹಾಕಲು ಎಷ್ಟು ಅವಕಾಶ ತೆಗೆದುಕೊಳ್ಳುತ್ತಾರೋ ಅದರ ಮೇಲೆ ಅಂಕಗಳನ್ನು ಅಳೆಯಲಾಗುತ್ತದೆ.
ಡಬಲ್ ಬೋಗಿ: ಗಾಲ್ಫ್ ಆಟದಲ್ಲಿ ಎರಡು ಸ್ಟ್ರೋಕ್ ಅಥವಾ 4ಕ್ಕಿಂತ ಹೆಚ್ಚಿನ ಅವಕಾಶ ತೆಗೆದುಕೊಂಡರೆ ಅದನ್ನು ಡಬಲ್ ಬೋಗಿ ಎಂದು ಕರೆಯಲಾಗುತ್ತದೆ. ಇದನ್ನು +2 ಅಥವಾ ಅದಕ್ಕಿಂತ ಹೆಚ್ಚು ಎಂದು ಪರಿಗಣಿಸಲಾಗುತ್ತದೆ.
ಬೋಗಿ: ಚೆಂಡನ್ನು ರಂಧ್ರಕ್ಕೆ ಹಾಕಲು 5 ಅವಕಾಶಗಳನ್ನು ಪಡೆದರೆ ಅದನ್ನು ಬೋಗಿ ಎಂದು ಕರೆಯಲಾಗುತ್ತದೆ. ಬೋಗಿ ಅಂದರೆ +1 ಎಂದು ಕರೆಯಲಾಗುತ್ತದೆ.
ಪಾರ್: ಒಂದು ಪಾರ್ ಅಂದರೆ 4 ಅವಕಾಶಗಳಲ್ಲಿ ಚೆಂಡನ್ನು ರಂಧ್ರಕ್ಕೆ ಹಾಕಿದರೆ ಅದನ್ನು ಪಾರ್ ಎಂದು ಕರೆಯುತ್ತಾರೆ. ಇದರರ್ಥ 0 ಎಂದು ಹೇಳಲಾಗುತ್ತದೆ.
ಬರ್ಡಿ: 3 ಅವಕಾಶಗಳಲ್ಲಿ ಚೆಂಡನ್ನು ರಂಧ್ರಕ್ಕೆ ಹಾಕಿದರೆ ಬರ್ಡಿ ಎಂದು ಕರೆಯಲಾಗುತ್ತದೆ. ಇದರರ್ಥ -1 ಅಂಕ ಆಗಿದೆ.
ಈಗಲ್: ಕೇವಲ ಎರಡೇ ಅವಕಾಶಗಳಲ್ಲಿ ಚೆಂಡನ್ನು ರಂಧ್ರಕ್ಕೆ ಹಾಕಿದರೆ ಅದಕ್ಕೆ ಈಗಲ್ ಎನ್ನುತ್ತಾರೆ. ಇದರರ್ಥ -2 ಆಗಿದೆ.
ಡಬಲ್ ಈಗಲ್: ಮೊದಲ ಅವಕಾಶದಲ್ಲೇ ಚೆಂಡನ್ನು ರಂಧ್ರಕ್ಕೆ ಕಳಿಸಿದರೆ, ಅದನ್ನು ಡಬಲ್ ಈಗಲ್ ಎಂದು ಕರೆಯಲಾಗುತ್ತದೆ. ಇದರರ್ಥ -3 ಆಗಿದೆ.
ಕಾಂಡೋರ್: ಕೆಲ ವೇಳೆ ಆಟದಲ್ಲಿನ ಚೆಂಡನ್ನು ಹೋಲ್ಗೆ ಹಾಕಲು 4ಕ್ಕಿಂತ ಹೆಚ್ಚಿನ ಅವಕಾಶಗಳು ನೀಡಲಾಗುತ್ತದೆ. ಈ ವೇಳೆ 4ಕ್ಕಿಂತ ಕಡಿಮೆ ಅವಕಾಶದಲ್ಲಿ ಚೆಂಡನ್ನು ರಂಧ್ರಕ್ಕೆ ಹಾಕಿದರೆ ಅದನ್ನು -4 ಎಂದು ಕರೆಯಲಾಗುತ್ತದೆ. ಇದು ಹೆಚ್ಚಿನ ಅಂಕವಾಗಿದೆ.
ಈ ಪಂದ್ಯದಲ್ಲಿ ಪ್ಲಸ್(+)ಗಿಂತಲೂ ಮೈನಸ್ (-) ಅಂಕಗಳನ್ನು ಗಳಿಸಿದವರೇ ವಿಜೇತರಾಗುತ್ತಾರೆ. ಇದರರ್ಥ ಪ್ಲಸ್ ಎಂದರೆ ಚೆಂಡನ್ನು ರಂಧ್ರಕ್ಕೆ ಹಾಕಲು ಹೆಚ್ಚಿನ ಅವಕಾಶಗಳನ್ನು ತೆಗೆದುಕೊಂಡಿರುವುದಾಗುತ್ತದೆ. ಮೈನಸ್ ಎಂದರೇ ಕಡಿವೆ ಅವಕಾಶದ್ದಾಗಿದೆ.
ಡಬಲ್ ಬೋಗಿ: +2 ಅಥವಾ ಅದಕ್ಕಿಂತ ಹೆಚ್ಚು
ಬೋಗಿ: +1
ಪಾರ್: 0
ಬರ್ಡಿ: -1
ಈಗಲ್: -2
ಡಬಲ್ ಈಗಲ್: -3
ಕಾಂಡೋರ್: -4
