632 ದಿನಗಳ ನಂತರ ಭರ್ಜರಿ ಶತಕ ಸಿಡಿಸಿದ ಪಂತ್​: ಬಾಂಗ್ಲಾ ಬೌಲರ್​​ಗಳ ಮೇಲೆ ರಿಷಭ್​ ಸವಾರಿ​! - Rishab Pant century

ಅಪಘಾತದ ಬಳಿಕ ಟೆಸ್ಟ್​ ಕ್ರಿಕೆಟ್​ಗೆ ಭರ್ಜರಿ ಕಮ್​​ಬ್ಯಾಕ್​ ಮಾಡಿರುವ ಪಂತ್​ ಬಾಂಗ್ಲಾ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​ನಲ್ಲಿ ಶತಕ ಸಿಡಿಸಿದ್ದಾರೆ.

ಚೆನ್ನೈ: ಬಾಂಗ್ಲಾದೇಶದ ವಿರುದ್ಧ ನಡೆಯುತ್ತಿರುವ ಟೆಸ್ಟ್​ ಪಂದ್ಯದಲ್ಲಿ ಭಾರತದ ವಿಕೆಟ್​ ಕೀಪರ್​ ಕಮ್​ ಬ್ಯಾಟರ್​ ರಿಷಭ್​ ಪಂತ್​ ಭರ್ಜರಿ ಶತಕ ಸಿಡಿಸಿದ್ದಾರೆ. ಮೂರನೇ ದಿನಕ್ಕೆ ಕ್ರೀಸ್​ ಕಾಯ್ದುಕೊಂಡ ಪಂತ್​ ಬಿರುಸಿನ ಬ್ಯಾಟಿಂಗ್​ನೊಂದಿಗೆ 124 ಎಸೆತಗಳಲ್ಲಿ ಶತಕ ಪೂರೈಸಿದರು.

632 ದಿನಗಳ ಬಳಿಕ ಶತಕ: ಡಿಸೆಂಬರ್ 30, 2022 ರಂದು ಹೊಸ ವರ್ಷಾಚರಣೆಗೆಂದು ದಿಲ್ಲಿಯಿಂದ ಹುಟ್ಟೂರು ರೂರ್ಕಿಗೆ ಹೋಗುತ್ತಿದ್ದಾಗ ಪಂತ್ ಪ್ರಯಾಣಿಸುತ್ತಿದ್ದ ಕಾರು ಡಿವೈಡರ್‌ಗೆ ಡಿಕ್ಕಿ ಹೊಡೆದು ಪಲ್ಟಿಯಾಗಿ ಹೊತ್ತಿ ಉರಿದಿತ್ತು. ಈ ಘಟನೆಯಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ಪಂತ್​ ಕ್ರಿಕೆಟ್​ನಿಂದ ದೂರ ಉಳಿದಿದ್ದರು. ಗಾಯದಿಂದ ಚೇತರಿಸಿಕೊಳ್ಳಲು ಕ್ರಿಕೆಟ್​ಗೆ ಮರಳಲು ಪಂತ್​ 15 ತಿಂಗಳು ಸಮಯ ತೆಗೆದುಕೊಂಡಿದ್ದರು. ಅಪಘಾತದ ಬಳಿಕ ಅಂದ್ರೆ 638 ದಿನಗಳ ಬಳಿಕ ಪಂತ್​ ಅವರಿಗೆ ಇದು ಮೊದಲ ಟೆಸ್ಟ್​ ಪಂದ್ಯವಾಗಿದೆ.

ಇದರಲ್ಲಿ ಭರ್ಜರಿ ಕಮ್​ಬ್ಯಾಕ್​ ಮಾಡಿರುವ ಪಂತ್​ ಆಕರ್ಷಕ ಬ್ಯಾಟಿಂಗ್ ಮೂಲಕ ಸೆಂಚುರಿ ಸಿಡಿಸಿದ್ದಾರೆ. ಒಟ್ಟು 128 ಎಸೆತಗಳನ್ನು ಎದುರಿಸಿ 4 ಸಿಕ್ಸರ್ ಮತ್ತು 13 ಬೌಂಡರಿ ಸಹಾಯದೊಂದಿಗೆ 109 ರನ್​ ಗಳಿಸಿ ​ಮೆಹದಿ ಹಸನ್​ ಎಸೆತದಲ್ಲಿ ವಿಕೆಟ್​ ಒಪ್ಪಿಸಿ ಪೆವಿಲಿಯನ್​ ಸೇರಿದರು.

PANT IS BACK.

ONE-HANDED SIX IS BACK.

Test cricket is kicking again in India. pic.twitter.com/8QnZxjpGnE

— Johns. (@CricCrazyJohns) September 21, 2024

ಆರಂಭದಲ್ಲಿ ನಿಧಾನಗತಿಯಲ್ಲಿ ಬ್ಯಾಟಿಂಗ್​ ಮಾಡಿದ್ದ ಪಂತ್​ 50 ರನ್​ಗಳನ್ನು ಪೂರೈಸಲು 88 ಎಸೆತಗಳನ್ನು ತೆಗೆದುಕೊಂಡಿದ್ದರು. ನಂತರ ಬ್ಯಾಟಿಂಗ್​ ವೇಗ ಹೆಚ್ಚಿಸಿಕೊಂಡ ​ 36 ಎಸೆತಗಳಲ್ಲಿ ಮತ್ತೇ ಐವತ್ತು ರನ್​ ಪೂರ್ಣಗೊಳಿಸಿದರು.

WELL PLAYED, PANT...!!!!

109 runs from just 128 balls including 13 fours & 4 sixes, A knock to remember forever, Welcome back, Pant. 👊 pic.twitter.com/TZMG400Khg

— Johns. (@CricCrazyJohns) September 21, 2024

ಧೋನಿ ದಾಖಲೆ ಸರಿಗಟ್ಟಿದ ಪಂತ್​: ಭಾರತ ಪರ ಟೆಸ್ಟ್​ನಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ವಿಕೆಟ್​​ ಕೀಪರ್​ ಆಗಿ ಧೋನಿ ಅವರ ದಾಖಲೆಯನ್ನು ಪಂತ್​ ಸರಿಗಟ್ಟಿದ್ದಾರೆ. ಭಾರತದ ಮಾಜಿ ನಾಯಕ ಹಾಗೂ ಲೆಜೆಂಡರಿ ವಿಕೆಟ್​ ಕೀಪರ್​ ಎಮ್​ ಎಸ್​ ಧೋನಿ ಟೆಸ್ಟ್​ನಲ್ಲಿ 6 ಶತಕಗಳನ್ನು ಸಿಡಿಸಿದ್ದಾರೆ, ಇದೀಗ ಪಂತ್​ ಈ ಪಟ್ಟಿಗೆ ಸೇರಿದ್ದಾರೆ.

ಇದನ್ನೂ ಓದಿ: ನಾಟೌಟ್​ ಆಗಿದ್ದರೂ ಪೆವಿಲಿಯನ್​ ಸೇರಿದ ವಿರಾಟ್​ ಕೊಹ್ಲಿ: ಅಸಮಾಧಾನ ಹೊರಹಾಕಿದ ರೋಹಿತ್​! - Virat Kohli