ಮನು ಭಾಕರ್ ಅದ್ಭುತ ಪ್ರದರ್ಶನ: 20 ವರ್ಷಗಳ ನಂತರ ಭಾರತೀಯ ಶೂಟರ್ ಒಲಿಂಪಿಕ್ ಫೈನಲ್​ಗೆ ಲಗ್ಗೆ - Manu Bhaker Enters Final

ಭಾರತದ ಅಗ್ರ ಶೂಟರ್ ಮನು ಭಾಕರ್ ಅದ್ಭುತ ಪ್ರದರ್ಶನ ನೀಡಿ ಪ್ಯಾರಿಸ್ ಒಲಿಂಪಿಕ್ಸ್ 2024ರ 10 ಮೀಟರ್ ಏರ್ ಪಿಸ್ತೂಲ್ ಮಹಿಳೆಯರ ವೈಯಕ್ತಿಕ ಸ್ಪರ್ಧೆಯ ಫೈನಲ್‌ಗೆ ಅರ್ಹತೆ ಗಳಿಸಿದ್ದಾರೆ.

ಪ್ಯಾರಿಸ್ (ಫ್ರಾನ್ಸ್): ಇಲ್ಲಿ ನಡೆಯುತ್ತಿರುವ ಪ್ಯಾರಿಸ್ ಒಲಿಂಪಿಕ್ಸ್ 2024ರ 10 ಮೀಟರ್ ಏರ್ ಪಿಸ್ತೂಲ್ ಮಹಿಳೆಯರ ವೈಯಕ್ತಿಕ ಸ್ಪರ್ಧೆಯಲ್ಲಿ ಉತ್ತಮ ಪ್ರದರ್ಶನ ನೀಡಿದ ಭಾರತದ ಅಗ್ರ ಶೂಟರ್ ಮನು ಭಾಕರ್ ಅವರು ಫೈನಲ್‌ಗೆ ಅರ್ಹತೆ ಪಡೆದಿದ್ದಾರೆ. ಇಂದು (ಶನಿವಾರ) ನಡೆದ ಅರ್ಹತಾ ಸ್ಪರ್ಧೆಯಲ್ಲಿ 580 ಅಂಕಗಳು ಮತ್ತು 27 ಬುಲ್‌ಸೈಸ್‌ಗಳೊಂದಿಗೆ ಮೂರನೇ ಸ್ಥಾನ ಪಡೆದರು.

🇮🇳Update: 10M AIR PISTOL WOMEN'S QUALIFICATION Results 👇🏼

- @realmanubhaker finished 3rd with a score of 580
- @SangwanRhythm finished 15th with a total score of 573

Manu Bhaker qualified for the finals, also shooting the highest number of Perfect Scores (27). pic.twitter.com/OyD3tqeOkQ

— SAI Media (@Media_SAI) July 27, 2024

ಮನು ಭಾಕರ್ ಅವರು ಆರು ಸರಣಿಗಳಲ್ಲಿ 97, 97, 98, 96, 96 ಮತ್ತು 96 ಪಾಯಿಂಟ್​ಗಳನ್ನು ಗಳಿಸಿದರು. ಮೊದಲ ಮೂರು ಸುತ್ತುಗಳಲ್ಲಿನ ಪ್ರದರ್ಶನ ಅವರನ್ನು ಅಗ್ರ ಎರಡು ಸ್ಥಾನಕ್ಕೆ ತೆಗೆದುಕೊಂಡು ಹೋಗಲು ಸಾಧ್ಯವಾಯಿತು. ನಂತರ ಅವರು ಮೂರನೇ ಸ್ಥಾನದಲ್ಲಿ ತಮ್ಮ ಪ್ರದರ್ಶನವನ್ನು ಮುಂದುವರೆಸಿದರು.

ನಡೆಯುತ್ತಿರುವ ಪ್ಯಾರಿಸ್ ಒಲಿಂಪಿಕ್ಸ್ 2024ರಲ್ಲಿ ಮಹಿಳೆಯರ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಯ ಅರ್ಹತಾ ಸುತ್ತಿನಲ್ಲಿ 27 ಬುಲ್‌ಸೈಸ್‌ಗಳನ್ನು ಗಳಿಸಿದರು.

Fact Check: Manu Bhaker is now the 1st Indian female shooter to reach an Olympic Final in an individual event in the last 20 years!

The last time was Suma Shirur, who reached the Final of the 10m Air Rifle event in Athens 2004. https://t.co/qKzl0DS809

— India_AllSports (@India_AllSports) July 27, 2024

ಇತಿಹಾಸ ಸೃಷ್ಟಿಸಿದ ಮನು ಭಾಕರ್: ಕಳೆದ 20 ವರ್ಷಗಳ ನಂತರ, ವೈಯಕ್ತಿಕ ಸ್ಪರ್ಧೆಯಲ್ಲಿ ಒಲಿಂಪಿಕ್ ಫೈನಲ್ ತಲುಪಿದ ಮೊದಲ ಭಾರತೀಯ ಮಹಿಳಾ ಶೂಟರ್ ಎಂಬ ಹೆಗ್ಗಳಿಕೆಗೆ ಮನು ಭಾಕರ್ ಪಾತ್ರರಾಗಿದ್ದಾರೆ. ಕಳೆದ ಬಾರಿ 2004ರಲ್ಲಿ ಅಥೆನ್ಸ್‌ನಲ್ಲಿ ನಡೆದ 10 ಮೀಟರ್ ಏರ್ ರೈಫಲ್ ಸ್ಪರ್ಧೆಯಲ್ಲಿ ಸುಮಾ ಶಿರೂರ್ ಫೈನಲ್ ತಲುಪಿದ್ದರು.

ಸ್ಪರ್ಧೆಯಿಂದ ಹೊರಬಿದ್ದ ರಿತಿಮ್ ಸಂಗ್ವಾನ್: ಮಹಿಳೆಯರ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಯ ಅರ್ಹತಾ ಸುತ್ತಿನಿಂದ ಭಾರತದ ಶೂಟರ್​ ರಿತಿಮ್ ಸಂಗ್ವಾನ್ ಹೊರಬಿದ್ದಿದ್ದಾರೆ. ಸಾಂಗ್ವಾನ್ ಮೊದಲ ಸರಣಿಯಲ್ಲಿ 97 ಅಂಕಗಳನ್ನು ಗಳಿಸುವ ಮೂಲಕ ಉತ್ತಮ ಆರಂಭವನ್ನು ಮಾಡಿದರು. ನಂತರ, ಅವರು ಆ ವೇಗವನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಮತ್ತು ಎರಡನೇ ಸರಣಿಯಲ್ಲಿ ಕೇವಲ 92 ಅಂಕಗಳನ್ನು ಗಳಿಸಿದರು. ಅವರು ಅಂತಿಮವಾಗಿ 573 ಅಂಕಗಳು ಮತ್ತು 14 ಬುಲ್ಸೆಸ್ಗಳೊಂದಿಗೆ 15 ನೇ ಸ್ಥಾನ ಪಡೆದರು. ಅವರು ಎಲ್ಲಾ 6 ಸರಣಿಗಳಲ್ಲಿ 97, 92, 97, 96, 95 ಮತ್ತು 96 ಅಂಕಗಳನ್ನು ಗಳಿಸಿದರು. ಪರಿಣಾಮವಾಗಿ, ಅವರು ಫೈನಲ್‌ಗೆ ಅರ್ಹತೆ ಪಡೆಯುವಲ್ಲಿ ವಿಫಲರಾದರು.

ಈ ಸ್ಪರ್ಧೆಯಲ್ಲಿ ಹಂಗೇರಿಯಾದ ಮೇಜರ್ ವೆರೋನಿಕಾ 582 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದರೇ, ದಕ್ಷಿಣ ಕೊರಿಯಾದ ಓಹ್ ಯೆ ಜಿನ್ ಎರಡನೇ ಸ್ಥಾನ ಪಡೆದರು.

ಫೈನಲ್​ ಸ್ಪರ್ಧೆ: ಮಹಿಳೆಯರ 10 ಮೀಟರ್ ಏರ್ ಪಿಸ್ತೂಲ್ ಫೈನಲ್ ಪಂದ್ಯ ಜುಲೈ 28 (ನಾಳೆ) ಮಧ್ಯಾಹ್ನ 3:30ಕ್ಕೆ ನಡೆಯಲಿದೆ.

ಇದನ್ನೂ ಓದಿ: ಪ್ಯಾರಿಸ್​ ಒಲಿಂಪಿಕ್ಸ್​ 2024: ಶೂಟಿಂಗ್​ನಲ್ಲಿ ಮೊದಲ ಚಿನ್ನ ಗೆದ್ದ ಚೀನಾ; ಭಾರತಕ್ಕೆ ನಿರಾಸೆ - Paris Olympics 2024