ದೀಪ್ತಿ ಶರ್ಮಾ ಆಲ್ರೌಂಡರ್ ಪ್ರದರ್ಶನಕ್ಕೆ ಬೆಚ್ಚಿದ ವಿಂಡೀಸ್​: ಭಾರತಕ್ಕೆ 5 ವಿಕೆಟ್​ಗಳ ಗೆಲುವು, ಸರಣಿ ಕ್ಲೀನ್‌ ಸ್ವೀಪ್

ವೆಸ್ಟ್​ ಇಂಡೀಸ್ ವಿರುದ್ಧ ನಡೆದ 3ನೇ ಏಕದಿನ ಪಂದ್ಯದಲ್ಲಿ ಭಾರತದ ವನಿತೆಯರು 5 ವಿಕೆಟ್​ಗಳಿಂದ ಗೆಲುವು ಸಾಧಿಸಿದ್ದಾರೆ.

IND vs WiI, Women ODI: ಟೀಂ ಇಂಡಿಯಾ ಮಹಿಳಾ ಕ್ರಿಕೆಟ್ ತಂಡವು ವೆಸ್ಟ್ ಇಂಡೀಸ್ ವಿರುದ್ಧ ತವರಿನಲ್ಲಿ ನಡೆದ 3 ಪಂದ್ಯಗಳ ಏಕದಿನ ಸರಣಿಯನ್ನು 3-0ಯ ಅಂತರದಲ್ಲಿ ಕ್ಲೀನ್ ಸ್ವೀಪ್ ಮಾಡಿದೆ.

ಇಂದು (ಶುಕ್ರವಾರ) ನಡೆದ ಅಂತಿಮ ಪಂದ್ಯದಲ್ಲಿ ಭಾರತದ ವನಿತೇಯರು 5 ವಿಕೆಟ್​ಗಳಿಂದ ಭರ್ಜರಿ ಗೆಲುವು ಸಾಧಿಸಿದರು. ವೆಸ್ಟ್ ಇಂಡೀಸ್ ನೀಡಿದ್ದ 163 ರನ್​ಗಳ ಸಾಧಾರಣ ಗುರಿ ಬೆನ್ನತ್ತಿದ ಭಾರತ, 28.2 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ವಿಜಯದ ಕೇಕೆ ಹಾಕಿತು.

𝙒𝙄𝙉𝙉𝙀𝙍𝙎!

Congratulations #TeamIndia on winning the #INDvWI ODI series 3️⃣-0️⃣ 👏👏 🏆@IDFCFIRSTBank pic.twitter.com/ki0aw8Jjks

— BCCI Women (@BCCIWomen) December 27, 2024

ಭಾರತ ಪರ ಹರ್ಮನ್‌ಪ್ರೀತ್ ಕೌರ್ (32), ಜೆಮಿಮಾ ರಾಡ್ರಿಗಸ್ (29), ದೀಪ್ತಿ ಶರ್ಮಾ (39) ರನ್‌ ಗಳಿಸಿ ಮಿಂಚಿದರು. ವೆಸ್ಟ್ ಇಂಡೀಸ್ ಬೌಲರ್‌ಗಳಲ್ಲಿ ಡಾಟಿನ್, ಅಲೆನಿ, ಮ್ಯಾಥ್ಯೂಸ್, ಫ್ಲೆಚರ್, ಕರಿಷ್ಮಾ ತಲಾ 1 ವಿಕೆಟ್ ಉರುಳಿಸಿದರು.

ವಡೋದರದ ಕೌತುಂಬಿ ಮೈದಾನದಲ್ಲಿ ನಡೆದ ಈ ಪಂದ್ಯದಲ್ಲಿ, ಟಾಸ್​ ಗೆದ್ದು ಮೊದಲು ಬ್ಯಾಟ್​ ಮಾಡಿದ ವೆಸ್ಟ್​ ಇಂಡೀಸ್​ ಉತ್ತಮ ಆರಂಭ ಪಡೆಯುವಲ್ಲಿ ವಿಫಲವಾಯಿತು. ದೀಪ್ತಿ ಶರ್ಮಾ ಮತ್ತು ರೇಣುಕಾ ಸಿಂಗ್​ ಮಾರಕ ಬೌಲಿಂಗ್​ ದಾಳಿಗೆ ಸಿಲುಕಿದ ಕೆರಿಬಿಯನ್ನರು, 9 ರನ್​ಗಳಲ್ಲಿ ಪ್ರಮುಖ 3 ವಿಕೆಟ್​ ಕಳೆದುಕೊಂಡರು.

ಆರಂಭಿಕ ಇಬ್ಬರು ಬ್ಯಾಟರ್​ಗಳಾದ ಜೋಸೆಫ್​, ಹೇಲಿ ಮ್ಯಾಥ್ಯೂಸ್​, ರೇಣುಕಾ ಸಿಂಗ್​ ಎಸೆತದಲ್ಲಿ ಡಕ್​ ಔಟ್​ಆಗಿ ಪೆವಿಲಿಯನ್​ ಸೇರಿದರೆ, ಡಿಯೇಂಡ್ರ ಡೆಟ್ಟಿನ್​ 5 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ತಂಡದ ಪರ ಚಿನ್ನಲ್ಲೇ ಹೆನ್ರಿ (64), ಕ್ಯಾಂಪ್​ಬೆಲ್ಲೆ (46), ಅಲ್ಲೇನೆ (21) ಹೊರತುಪಡಿಸಿ ಉಳಿದ ಬ್ಯಾಟರ್​ಗಳು ಎರಡಂಕಿ ಗಳಿಸಲು ಸಾಧ್ಯವಾಗದೇ ಪೆವಿಲಿಯನ್​ ದಾರಿ ಹಿಡಿದರು. ಇದರಿಂದಾಗಿ ವೆಸ್ಟ್​ ಇಂಡೀಸ್​ ಅಲ್ಪಮೊತಕ್ಕೆ ಕುಸಿಯಿತು.

ಭಾರತದ ಪರ ದೀಪ್ತಿ ಶರ್ಮಾ 6 ವಿಕೆಟ್, ರೇಣುಕಾ ಸಿಂಗ್​ 4 ವಿಕೆಟ್​​ ಪಡೆದರು.

𝐑𝐢𝐜𝐡𝐚 𝐆𝐡𝐨𝐬𝐡 𝐟𝐢𝐧𝐢𝐬𝐡𝐞𝐬 𝐢𝐭 𝐨𝐟𝐟 𝐢𝐧 𝐬𝐭𝐲𝐥𝐞 🔥#TeamIndia win the 3rd ODI by 5 wickets & cleansweep the series 3-0 🙌🙌

Scorecard ▶️ https://t.co/3gyGzj5fNU#INDvWI | @IDFCFIRSTBank | @13richaghosh pic.twitter.com/XIAUChwJJ2

— BCCI Women (@BCCIWomen) December 27, 2024

ದೀಪ್ತಿ ಶರ್ಮಾ ಆಲ್ರೌಂಡರ್​ ಪ್ರದರ್ಶನ: ದೀಪ್ತಿ ಶರ್ಮಾ ಆಲ್ರೌಂಡರ್​ ಪ್ರದರ್ಶನ ತೋರಿದರು. ಬೌಲಿಂಗ್​ನಲ್ಲಿ ಕ್ಯಾಂಪ್​ಬೆಲ್ಲೆ, ಝೈದಾ ಜೇಮ್ಸ್​, ಅಲ್ಲೇನೆ, ಫ್ಲೆಚ್ಚರ್​, ಮುನಿಸರ್​ ಅವರ ವಿಕೆಟ್​ ಪಡೆದರು. ಬ್ಯಾಟಿಂಗ್‌ನ​ಲ್ಲೂ ತಂಡಕ್ಕೆ ಆಸರೆಯಾದರು. ಚೇಸಿಂಗ್​ ಆರಂಭಿಸಿದ ಭಾರತ 73 ರನ್​ಗಳಿಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ವೇಳೆ ತಂಡಕ್ಕೆ ನೆರವಾದ ದೀಪ್ತಿ ಅಜೇಯ 39 ರನ್​ ಕಲೆಹಾಕುವ ಮೂಲಕ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಇದರಿಂದಾಗಿ ಭಾರತ ವಿಂಡೀಸ್​ ತಂಡವನ್ನು 3-0 ಅಂತರದಿಂದ ಕ್ಲೀನ್ ಸ್ವೀಪ್ ಮಾಡಿತು. ದೀಪ್ತಿ ಶರ್ಮಾ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಇದನ್ನೂ ಓದಿ: ಕ್ರಿಕೆಟ್​ ಆಡುತ್ತಿರುವಾಗಲೇ ಕುಸಿದು ಬಿದ್ದು ಆಟಗಾರ ಸಾವು: ಶೋಕ ಸಾಗರದಲ್ಲಿ ಕ್ರಿಕೆಟ್​ಲೋಕ!