ಒಂದು ಓವರ್​ನಲ್ಲಿ 6 ಸಿಕ್ಸರ್​, 39 ರನ್! 17 ವರ್ಷದ ವಿಶ್ವದಾಖಲೆ ಪುಡಿ - Samoan Batter Visser World Record

ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಸಮೋವಾ ದೇಶದ ಬ್ಯಾಟರ್‌ವೋರ್ವ​ 6 ಎಸೆತಗಳಲ್ಲಿ 6 ಸಿಕ್ಸರ್​ ಸಿಡಿಸುವ ಮೂಲಕ 17 ವರ್ಷದ ವಿಶ್ವದಾಖಲೆ ಮುರಿದಿದ್ದಾರೆ.

ನವದೆಹಲಿ: ಮೂರು ಲಕ್ಷಕ್ಕಿಂತಲೂ ಕಡಿಮೆ ಜನಸಂಖ್ಯೆ ಹೊಂದಿರುವ ಪುಟ್ಟ ದೇಶ ಸಮೋವಾ. ಇಲ್ಲಿನ 28 ವರ್ಷದ ಬ್ಯಾಟರ್​ ಕ್ರಿಕೆಟ್ ಜಗತ್ತಿನಲ್ಲಿ ಸಂಚಲನ ಮೂಡಿಸಿದ್ದಾರೆ. ಈ ಯುವ ಕ್ರಿಕೆಟಿಗ​ ಭಾರತದ ಮಾಜಿ ಸ್ಫೋಟಕ ಬ್ಯಾಟರ್​ ಯುವರಾಜ್ ಸಿಂಗ್ ಅವರ 17 ವರ್ಷದ ವಿಶ್ವದಾಖಲೆಯನ್ನು ಅಳಿಸಿ ಹಾಕಿದ್ದಾರೆ.

🚨WORLD RECORD CREATED IN MEN’S T20 LEVEL 1 OVER 39 RUNS

Darius Visser scored 39 runs in match between Samoa Vs Vanuatu
(🎥 - ICC)#T20 #T20WorldCup #records #ICC #CricketUpdate #cricketnews pic.twitter.com/sXiyrlxjtE

— SportsOnX (@SportzOnX) August 20, 2024

ಮಂಗಳವಾರ ನಡೆದ ಐಸಿಸಿ ಪುರುಷರ ಟಿ20 ವಿಶ್ವಕಪ್‌ಪೂರ್ವ ಏಷ್ಯಾ-ಪೆಸಿಫಿಕ್ ಕ್ವಾಲಿಫೈಯರ್-ಎ ಪಂದ್ಯದ ವೇಳೆ ಸಮೋವಾ ತಂಡದ ಬ್ಯಾಟ್ಸ್‌ಮನ್ ಡೇರಿಯಸ್ ವಿಸ್ಸರ್ ವನವಾಟು ತಂಡದ ವಿರುದ್ದ ಒಂದೇ ಓವರನಲ್ಲಿ ಮೂರು ನೋಬಾಲ್​ ಒಳಗೊಂಡಂತೆ ಆರು ಸಿಕ್ಸರ್‌ನೊಂದಿಗೆ 39ರನ್​ ಚಚ್ಚಿದರು.

ಬಲಗೈ ಬ್ಯಾಟ್ಸ್‌ಮನ್ ಆಗಿರುವ ಇವರು ಈ ಪಂದ್ಯದಲ್ಲಿ ಒಟ್ಟು 62 ಎಸೆತಗಳನ್ನು ಎದುರಿಸಿ 132 ರನ್ ಸಿಡಿಸಿದ್ದಾರೆ. ರೋಚಕ ಇನಿಂಗ್ಸ್‌ನಲ್ಲಿ 5 ಬೌಂಡರಿ ಮತ್ತು 14 ಸಿಕ್ಸರ್‌ಗಳು ಸೇರಿದ್ದು ಪಂದ್ಯವನ್ನು ಸಮೋವಾ 10 ರನ್​ಗಳಿಂದ ಗೆದ್ದುಕೊಂಡಿತು.

Darius Visser creates history after smashing most runs in an over in Men’s T20Is 💥

Read on ➡️ https://t.co/19hSJuDml5 pic.twitter.com/7ptxoDRxfU

— ICC (@ICC) August 20, 2024

ಹೀಗಿತ್ತು ಪಂದ್ಯ: ಪಂದ್ಯದ 15ನೇ ಓವರ್​ನಲ್ಲಿ ವನವಾಟುವಿನ ನಲಿನ್ ನಿಪಿಕೊ ಅವರು ಬೌಲಿಂಗ್​ ಮಾಡಿದ್ದರು. ಈ ವೇಳೆ ಸ್ಟ್ರೈಕ್​ನಲ್ಲಿದ್ದ ವಿಸ್ಸರ್​, ಮೊದಲ ಮೂರು ಎಸೆತಗಳಲ್ಲಿ ಮೂರು ಸಿಕ್ಸರ್ ಬಾರಿಸಿ 18 ರನ್​ ಕಲೆ ಹಾಕಿದರು. ನಂತರ ನಾಲ್ಕನೇ ಎಸೆತ ನೋ ಬಾಲ್ ಆಗಿತ್ತು. ಫ್ರೀ ಹಿಟ್​ನಲ್ಲಿ ಡೇರಿಯಸ್ ವಿಸ್ಸರ್ 4ನೇ ಸಿಕ್ಸರ್ ಹೊಡೆದರು. ಐದನೇ ಎಸೆತ ಡಾಟ್ ಆಯ್ತು. ಇದರ ನಂತರ ನಿಪಿಕೋ ಮತ್ತೆ ನೋ ಬಾಲ್​ ಎಸೆದರು. ಇದರ ಮುಂದಿನ ಎಸೆತದಲ್ಲಿ ವಿಸ್ಸರ್​ ಮತ್ತೊಮ್ಮೆ ಸಿಕ್ಸರ್ ಸಿಡಿಸಿದರು. ಆದರೆ, ಈ ಬಾಲ್ ಕೂಡ ನೋ ಬಾಲ್ ಆಗಿದ್ದು 7 ರನ್​ಗಳು ಬಂದವು. ಅಂತಿಮ ಎಸೆತದಲ್ಲಿ ವಿಸ್ಸರ್ ಮತ್ತೊಂದು ಸಿಕ್ಸರ್ ಬಾರಿಸಿದರು. ಇದರೊಂದಿಗೆ ಓವರ್‌ ಒಂದರಲ್ಲಿ 6 ಸಿಕ್ಸರ್‌ಗಳು ಚಚ್ಚಿದರು. ನೋಬಾಲ್‌ನಿಂದಾಗಿ ಹೆಚ್ಚುವರಿ ಮೂರು ರನ್​ಗಳು ಬಂದು ಒಟ್ಟು 39 ರನ್‌ಗಳು ಹರಿದುಬಂದವು.

Samoa's Darius Visser breaks Yuvraj Singh's record

📷: BCCI / ICC#dariusvisser #yuvrajsingh pic.twitter.com/fU5YzimQ2j

— SportsTiger (@The_SportsTiger) August 20, 2024

2007ರಲ್ಲಿ ಇಂಗ್ಲೆಂಡ್‌ನ ವೇಗದ ಬೌಲರ್ ಸ್ಟುವರ್ಟ್ ಬ್ರಾಡ್ ವಿರುದ್ಧ ಯುವರಾಜ್ ಸಿಂಗ್ 6 ಎಸೆತಗಳಲ್ಲಿ 6 ಸಿಕ್ಸರ್ ಬಾರಿಸಿ ಒಟ್ಟು 36 ರನ್ ಗಳಿಸಿ ದಾಖಲೆ ನಿರ್ಮಿಸಿದ್ದರು.

ಉಳಿದಂತೆ, ಸಮೋವಾದ ಸ್ಟಾರ್ ಬ್ಯಾಟ್ಸ್‌ಮನ್ ವಿಸ್ಸರ್ 1 ಓವರ್‌ನಲ್ಲಿ 6 ಸಿಕ್ಸರ್ ಬಾರಿಸಿದ ವಿಶ್ವದ ನಾಲ್ಕನೇ ಬ್ಯಾಟ್ಸ್‌ಮನ್ ಕೂಡ ಆಗಿದ್ದಾರೆ. ಇವರಿಗಿಂತ ಮೊದಲು ಯುವರಾಜ್ ಸಿಂಗ್, ಕೀರಾನ್ ಪೊಲಾರ್ಡ್ ಮತ್ತು ನೇಪಾಳದ ದೀಪೇಂದ್ರ ಸಿಂಗ್ ಐರಿ ಈ ಸಾಧನೆ ಮಾಡಿದ್ದರು.

ಇದನ್ನೂ ಓದಿ: ಅತಿ ಹೆಚ್ಚು ರನ್​ಗಳಿಸಿದ ಏಷ್ಯಾದ ಟಾಪ್​ 5 ಬ್ಯಾಟರ್ಸ್‌​ ಯಾರು ಗೊತ್ತಾ? - Top 5 Five Asian Batters