ಮೇಷ: ವಾರದ ಆರಂಭದಲ್ಲಿ ನಿಮ್ಮ ಹಣಕಾಸು, ವೃತ್ತಿ, ಕೆಲಸ ಮತ್ತು ವ್ಯವಹಾರಕ್ಕೆ ಸಂಬಂಧಿಸಿದಂತೆ ಮುಂದೆ ಸಾಗಲು ನಿಮಗೆ ಅದ್ಭುತ ಅವಕಾಶ ಲಭಿಸಲಿದೆ. ನಿಮ್ಮ ಸಮಯ ಮತ್ತು ಶಕ್ತಿಯನ್ನು ಜಾಣ್ಮೆಯಿಂದ ಬಳಸಿದರೆ ನಿಮ್ಮ ಗುರಿಯನ್ನು ಸಾಧಿಸಲಿದ್ದೀರಿ. ನಿಮ್ಮ ಅತ್ಮೀಯ ಗೆಳೆಯರ ಸಹಕಾರದಿಂದ ನಿಮ್ಮ ಎಲ್ಲಾ ಕೆಲಸವನ್ನು ನೀವು ಪೂರ್ಣಗೊಳಿಸಲಿದ್ದೀರಿ. ನೀವು ರಾಜಕೀಯದಲ್ಲಿದ್ದರೆ, ವಾರದ ಕೊನೆಗೆ ನಿಮಗೆ ದೊಡ್ಡ ಸ್ಥಾನ ಅಥವಾ ಹುದ್ದೆ ಲಭಿಸಲಿದೆ. ವಾರದ ದ್ವಿತೀಯಾರ್ಧದಲ್ಲಿ, ವ್ಯಾಪಾರೋದ್ಯಮಿಗಳು ಉತ್ತಮ ಗಳಿಕೆಯನ್ನು ಮಾಡಲಿದ್ದಾರೆ ಹಾಗೂ ತಮ್ಮ ವ್ಯವಹಾರವನ್ನು ಬೆಳೆಸಲು ಅವರಿಗೆ ಅವಕಾಶ ಲಭಿಸಲಿದೆ. ಇದೇ ವೇಳೆ ಉದ್ಯೋಗದಲ್ಲಿರುವ ಜನರಿಗೆ ಹೆಚ್ಚಿನ ಗಳಿಕೆಯನ್ನು ಮಾಡಲು ಅವಕಾಶ ಲಭಿಸಲಿದೆ. ಕಠಿಣ ಪರೀಕ್ಷೆಗಳಿಗಾಗಿ ಅಧ್ಯಯನ ನಡೆಸುತ್ತಿರುವವರಿಗೆ ಶುಭ ಸುದ್ದಿ ದೊರೆಯಲಿದೆ. ಪ್ರೇಮದಲ್ಲಿ ತೀವ್ರತೆ ಇರಲಿದ್ದು, ವೈವಾಹಿಕ ಬದುಕಿನಲ್ಲಿ ಸಾಕಷ್ಟು ಸಂತಸ ನೆಲೆಸಲಿದೆ. ಗೆಳೆಯರೊಂದಿಗೆ ಸಮಯ ಕಳೆದು ಮೋಜು ಅನುಭವಿಸಲು ಅವಕಾಶ ದೊರೆಯಬಹುದು.
ವೃಷಭ: ಈ ವಾರದಲ್ಲಿ ಮನೆಯಲ್ಲಿ ಹಾಗೂ ಹೊರಗಡೆ ಸ್ವಲ್ಪ ಮೋಜು ಅನುಭವಿಸಲು ಇದು ಸಕಾಲ. ಕೆಲಸದಿಂದ ನಿಮ್ಮ ಗಮನವನ್ನು ಬೇರೆಡೆಗೆ ಸೆಳೆಯಲು ಯತ್ನಿಸುತ್ತಿರುವ ನಿಮ್ಮ ಸಹೋದ್ಯೋಗಿಗಳ ಹುನ್ನಾರಕ್ಕೆ ನೀವು ಬಲಿಯಾಗಬಹುದು. ನಿಮಗೆ ಇಷ್ಟವಿಲ್ಲದ ಪ್ರಯಾಣವನ್ನು ನೀವು ಕೈಗೊಳ್ಳಬೇಕಾದ ಅನಿವಾರ್ಯತೆ ನಿಮಗೆ ಎದುರಾಗಬಹುದು. ಇದು ನಿಮ್ಮ ಸಮಯ ಮತ್ತು ಹಣವನ್ನು ಹಾಳು ಮಾಡಬಹುದು. ವಾರದ ನಡುವೆ, ಮನೆಯ ದುರಸ್ತಿಗಾಗಿ ನೀವು ಹೆಚ್ಚಿನ ಹಣವನ್ನು ಖರ್ಚು ಮಾಡಬಹುದು. ಇದರಿಂದಾಗಿ ನಿಮ್ಮ ಹಣಕಾಸಿನ ಲೆಕ್ಕಾಚಾರಕ್ಕೆ ಧಕ್ಕೆ ಉಂಟಾಗಬಹುದು. ವಾರದ ದ್ವಿತೀಯಾರ್ಧದಲ್ಲಿ ನಿಮ್ಮ ಖರ್ಚುವೆಚ್ಚದ ಮೇಲೆ ನೀವು ಗಮನ ನೀಡಬೇಕು. ಪ್ರೇಮ ಸಂಬಂಧಕ್ಕೆ ಕುರಿತಂತೆ ಪರಿಸ್ಥಿತಿಯು ಸ್ವಲ್ಪ ಸವಾಲಿನಿಂದ ಕೂಡಿರಬಹುದು. ಏನಾದರೂ ತಪ್ಪು ಗ್ರಹಿಕೆಯ ಕಾರಣ ನೀವು ಮತ್ತು ನಿಮ್ಮ ಜೀವನ ಸಂಗಾತಿಯ ನಡುವೆ ಭಿನ್ನಾಭಿಪ್ರಾಯ ಕಾಣಿಸಿಕೊಳ್ಳಬಹುದು. ಆದರೆ ಯಾರಾದರೂ ಗೆಳತಿಯ ನೆರವಿನಿಂದ ಇದನ್ನು ನೀವು ಬಗೆಹರಿಸಬಹುದು. ವಾರದ ಕೊನೆಗೆ ನಿಮ್ಮ ಸಂಬಂಧವು ಮತ್ತೆ ಹಳಿಯೇರಲಿದೆ. ನಿಮ್ಮ ಜೀವನ ಸಂಗಾತಿಯ ಯೋಗಕ್ಷೇಮದ ಕುರಿತ ಚಿಂತೆಯು ನಿಮ್ಮನ್ನು ಕಾಡಬಹುದು.
ಮಿಥುನ: ಈ ವಾರವು ಮಿಥುನ ರಾಶಿಯವರಿಗೆ ಸವಾಲಿನಿಂದ ಕೂಡಿರಲಿದೆ. ಹೀಗಾಗಿ ಕೆಲಸದಲ್ಲಿ ಯಶಸ್ಸನ್ನು ಸಾಧಿಸಬೇಕಾದರೆ ಅವರು ಸಾಕಷ್ಟು ಶ್ರಮ ವಹಿಸಬೇಕು. ನಿಮಗೆ ಶೀತ ಅಥವಾ ಬೇರೆ ಯಾವುದಾದರೂ ಗಂಭೀರ ಕಾಯಿಲೆಯು ಕಾಣಿಸಿಕೊಳ್ಳುವ ಸಾಧ್ಯತೆ ಇರುವುದರಿಂದ ನಿಮ್ಮ ಆರೋಗ್ಯಕ್ಕೆ ನೀವು ಗಮನ ನೀಡಬೇಕು. ಉದ್ಯೋಗದಲ್ಲಿರುವವರು, ಹೆಚ್ಚುವರಿ ಕೆಲಸ ಕಾರಣ ಸಾಕಷ್ಟು ದಣಿವನ್ನು ಅನುಭವಿಸಬಹುದು. ವಾರದ ಕೊನೆಗೆ ನಿಮ್ಮ ವೃತ್ತಿ ಅಥವಾ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಏನಾದರೂ ಶುಭ ಸುದ್ದಿ ಬರಲಿದೆ. ಈ ಸಮಯದಲ್ಲಿ ನಿಮ್ಮ ಕುಟುಂಬದ ಸದಸ್ಯರು ಅಥವಾ ಗೆಳೆಯರ ಸಂಪೂರ್ಣ ನೆರವು ನಿಮಗೆ ಲಭಿಸಲಿದೆ. ನೀವು ಪ್ರೇಮ ಸಂಬಂಧದಲ್ಲಿದ್ದರೆ, ವೈವಾಹಿಕ ಜೀವನಕ್ಕೆ ಕಾಲಿಡಲು ನಿಮ್ಮ ಕುಟುಂಬವು ನಿಮಗೆ ಸಹಾಯ ಮಾಡಲಿದೆ. ನಿಮ್ಮ ಮಕ್ಕಳ ಕುರಿತು ನಿಮಗೆ ಏನಾದರೂ ಶುಭ ಸುದ್ದಿ ದೊರೆಯಲಿದೆ. ಇದರಿಂದ ಮನೆಯಲ್ಲಿ ಸಂತಸ ನೆಲೆಸಲಿದೆ. ಆರೋಗ್ಯಕ್ಕೆ ಸಂಬಂಧಿಸಿದಂತೆ ಒಳ್ಳೆಯ ಆಹಾರವನ್ನು ಸೇವಿಸಲು ಯತ್ನಿಸಿ ಹಾಗೂ ದಿನಚರಿಯನ್ನು ಪಾಲಿಸಿ.
ಕರ್ಕಾಟಕ: ವ್ಯವಹಾರಕ್ಕೆ ಸಂಬಂಧಿಸಿದಂತೆ ಈ ವಾರವು ಸವಾಲಿನಿಂದ ಕೂಡಿದೆ. ಅಲ್ಲದೆ ಹಣದ ಚಲಾವಣೆ ಇಲ್ಲದ ಕಾರಣ ನಿಮ್ಮ ಒತ್ತಡವು ಆವರಿಸಬಹುದು. ಉದ್ಯೋಗದಲ್ಲಿರುವ ಜನರು ಕೆಲಸದ ಸ್ಥಳದಲ್ಲಿ ಕೆಲವೊಂದು ಸಮಸ್ಯೆಗಳನ್ನು ಎದುರಿಸಬಹುದು. ನಿಮ್ಮ ಗಳಿಕೆಗೆ ಪ್ರತಿಯಾಗಿ ನೀವು ಎಷ್ಟು ಖರ್ಚು ಮಾಡುತ್ತೀರಿ ಎಂಬುದನ್ನು ನೀವು ಗಮನಿಸಬಹುದು. ನಿಮ್ಮ ಬಗ್ಗೆ ಕಾಳಜಿ ವಹಿಸಿ ಮತ್ತು ವಾಹನ ಚಲಾಯಿಸುವಾಗ ಎಚ್ಚರಿಕೆ ವಹಿಸಿ. ಅನಾರೋಗ್ಯ, ಗಾಯ ಅಥವಾ ಯಾವುದಾದರೂ ಸಮಸ್ಯೆಯನ್ನು ಎದುರಿಸುವ ಸಾಧ್ಯತೆ ಇದೆ. ಹಳೆಯ ಆರೋಗ್ಯ ಸಮಸ್ಯೆಗಳು ಮತ್ತೆ ಕಾಣಿಸಿಕೊಳ್ಳಬಹುದು. ನಿಮ್ಮ ಪ್ರೇಮ ಜೀವನಕ್ಕೆ ಸಂಬಂಧಿಸಿದಂತೆ ಎಚ್ಚರಿಕೆ ವಹಿಸಿ. ನಿಮ್ಮ ಸಂಗಾತಿಯ ಭಾವನೆಗಳನ್ನು ಗೌರವಿಸಿ. ನಿಮ್ಮ ಸಂಬಂಧವನ್ನು ಗಟ್ಟಿಗೊಳಿಸಿ. ಅಥವಾ ನೀವು ಸಾಕಷ್ಟು ಸಮಸ್ಯೆಗಳನ್ನು ಎದುರಿಸಬಹುದು. ಮಕ್ಕಳ ಕುರಿತ ಏನಾದರೂ ವಿಷಯವು ನಿಮ್ಮ ಚಿಂತೆಗೆ ಕಾರಣವೆನಿಸಬಹುದು. ಅದರೆ ಕಠಿಣ ಸಂದರ್ಭದಲ್ಲಿಯೂ ನಿಮ್ಮ ಜೀವನ ಸಂಗಾತಿಯು ನಿಮ್ಮ ನೆರಳಿನಂತೆ ನಿಮ್ಮನ್ನು ಹಿಂಬಾಲಿಸಬಹುದು.
ಸಿಂಹ: ಈ ವಾರದಲ್ಲಿ, ಸಿಂಹ ರಾಶಿಯಲ್ಲಿ ಹುಟ್ಟಿದ ಜನರು ಕೆಲಸದಲ್ಲಿ ಯಶಸ್ಸನ್ನು ಸಾಧಿಸಬೇಕಾದರೆ ಸಾಕಷ್ಟು ಪ್ರಯತ್ನವನ್ನು ಮಾಡಬೇಕು. ಕಚೇರಿಯಲ್ಲಿ ನಿಮ್ಮ ಕೆಲಸದಲ್ಲಿ ಮೂಗು ತೂರಿಸುವ ಎದುರಾಳಿಗಳ ಕುರಿತು ಜಾಗ್ರತೆ ವಹಿಸಿ. ವಾರದ ನಡುವೆ ಕೌಟುಂಬಿಕ ಸಮಸ್ಯೆಗಳು ಎದುರಾಗಬಹುದು. ಹೀಗಾಗಿ ಮಾತುಕತೆಯ ಮೂಲಕ ಸಮಸ್ಯೆಯನ್ನು ಅರಿತುಕೊಂಡು ಬಗೆಹರಿಸಲು ಯತ್ನಿಸಿ. ವಾರದ ಕೊನೆಗೆ ನಿಮ್ಮ ವ್ಯವಹಾರಕ್ಕೆ ಸಂಬಂಧಿಸಿದ ಪ್ರಯಾಣವು ಅದ್ಭುತ ಫಲಿತಾಂಶವನ್ನು ತಂದು ಕೊಡಲಿದೆ. ಅಂದರೆ ಕೆಲವೊಂದು ಲಾಭದಾಯಕ ಅವಕಾಶಗಳು ನಿಮಗೆ ಲಭಿಸಲಿವೆ. ಈ ವಾರದಲ್ಲಿ ನಿಮ್ಮ ಸಂಗಾತಿಯ ಜೊತೆಗೆ ಒಂದಷ್ಟು ಭಿನ್ನಾಭಿಪ್ರಾಯಗಳು ತಲೆದೋರಬಹುದು. ಅದರೆ ವಾದ ಮಾಡುವ ಬದಲಿಗೆ ಪರಸ್ಪರ ಮಾತುಕತೆಯ ಮೂಲಕ ಇದನ್ನು ಬಗೆಹರಿಸಲು ಯತ್ನಿಸಿ. ಇಲ್ಲದಿದ್ದರೆ ನಿಮ್ಮ ಸಂಬಂಧಕ್ಕೆ ಧಕ್ಕೆಯುಂಟಾಗಬಹುದು. ಈ ಸಂಬಂಧವನ್ನು ರೂಪಿಸಲು ನೀವು ಪಟ್ಟ ಶ್ರಮವು ವ್ಯರ್ಥವಾಗಬಹುದು. ನಿಮ್ಮ ಕೌಟುಂಬಿಕ ಜೀವನದಲ್ಲಿ ಸಂತಸವನ್ನು ಕಾಪಾಡಬೇಕಾದರೆ ನಿಮ್ಮ ಜೀವನ ಸಂಗಾತಿಯ ಭಾವನೆಗಳನ್ನು ನಿರ್ಲಕ್ಷಿಸಬೇಡಿ.
ಕನ್ಯಾ: ಈ ವಾರದಲ್ಲಿ ನಿಮ್ಮ ಮನೆ, ಕುಟುಂಬ ಅಥವಾ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಯಾವುದೇ ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳುವಾಗ ಅವಸರ ಮಾಡಬೇಡಿ. ಕೆಲಸಕ್ಕಾಗಿ ನೀವು ಪ್ರಯಾಣಿಸಬೇಕಾದೀತು. ಹೀಗಾಗಿ ನೀವು ಮನೆಯಿಂದ ದೂರವಿರುವಾಗ ನಿಮ್ಮ ಆರೋಗ್ಯ ಮತ್ತು ಆಹಾರದ ಕುರಿತು ಗಮನ ನೀಡುವುದು ಅಗತ್ಯ. ಹಳೆಯ ಆಸ್ತಿಯ ಕುರಿತು ಕೌಟುಂಬಿಕ ಕಲಹ ಉಂಟಾಗಬಹುದು. ಹೀಗಾಗಿ ಪರಿಸ್ಥಿತಿ ಬಿಗಡಾಯಿಸದಂತೆ ನೋಡಿಕೊಳ್ಳಿ. ವ್ಯವಹಾರದಲ್ಲಿ ತೊಡಗಿಸಿಕೊಂಡಿರುವವರಿಗೆ ಈ ವಾರವು ಸವಾಲಿನಿಂದ ಕೂಡಿರಲಿದೆ. ಉದ್ಯೋಗದಲ್ಲಿರುವ ಜನರು ನಿರೀಕ್ಷಿತ ಫಲವನ್ನು ಪಡೆಯಬೇಕಾದರೆ ಕಠಿಣ ಶ್ರಮವನ್ನು ಪಡಬೇಕು. ಗಳಿಕೆಗಿಂತ ಹೆಚ್ಚಿನ ಹಣವನ್ನು ನೀವು ಖರ್ಚು ಮಾಡಲಿದ್ದು, ಇದರಿಂದಾಗಿ ನೀವು ಒತ್ತಡಕ್ಕೆ ಒಳಗಾಗಬಹುದು. ಪ್ರೇಮ ಸಂಬಂಧದಲ್ಲಿ ಮುಕ್ತತೆಯನ್ನು ಕಾಪಾಡಿ ಮತ್ತು ನಿಮ್ಮ ಜೀವನ ಸಂಗಾತಿಯೊಂದಿಗೆ ಜಾಣ್ಮೆಯಿಂದ ವರ್ತಿಸಿ. ಇಲ್ಲದಿದ್ದರೆ ನೀವು ಸಮಸ್ಯೆಗೆ ಒಳಗಾಗಬಹುದು. ನಿಮ್ಮ ಜೀವನ ಸಂಗಾತಿಯ ಆರೋಗ್ಯ ಅಥವಾ ನಿಮ್ಮ ಮಕ್ಕಳ ಭವಿಷ್ಯದ ಕುರಿತ ಚಿಂತೆಯು ನಿಮ್ಮನ್ನು ಕಾಡಬಹುದು. ಆದರೆ ಈ ಚಿಂತೆಯು ನಿಮ್ಮನ್ನು ಆವರಿಸದಂತೆ ನೋಡಿಕೊಳ್ಳಿ. ಅವರಿಗಾಗಿ ನಿಮ್ಮನ್ನು ಮುಡಿಪಾಗಿಡಿ ಮತ್ತು ಅವರ ಕುರಿತು ಸಾಕಷ್ಟು ಕಾಳಜಿ ವಹಿಸಿ.
ತುಲಾ: ಈ ವಾರದಲ್ಲಿ ನೀವು ಹಾದಿ ತಪ್ಪಬಹುದು. ಹೀಗಾಗಿ ನಿಮ್ಮ ಗುರಿಯತ್ತ ನೀವು ಗಮನ ನೀಡುವುದು ಒಳ್ಳೆಯದು. ವಾರದ ಆರಂಭದಲ್ಲಿ ನೀವು ಮನೆಯ ದುರಸ್ತಿ ಅಥವಾ ಅಲಂಕಾರಿಕ ವಸ್ತುಗಳ ಖರೀದಿ ಇತ್ಯಾದಿಗಳಿಗಾಗಿ ಹಣವನ್ನು ಖರ್ಚು ಮಾಡಬಹುದು. ಆದರೆ ಚಿಂತಿಸಬೇಡಿ. ಸ್ವಲ್ಪ ಹೆಚ್ಚಿನ ಶ್ರಮವನ್ನು ಪಡುವ ಮೂಲಕ ನೀವು ಹೆಚ್ಚುವರಿ ಹಣವನ್ನು ಗಳಿಸಬಹುದು. ವ್ಯಾಪಾರೋದ್ಯಮಿಗಳು ಮಾರುಕಟ್ಟೆಯಿಂದ ತಮ್ಮ ಹಣವನ್ನು ಮರಳಿ ಪಡೆಯುವಲ್ಲಿ ಸಂಕಷ್ಟ ಎದುರಿಸಬಹುದು. ಹೀಗಾಗಿ ನೀವು ಹಣವನ್ನು ಜಾಣ್ಮೆಯಿಂದ ನಿಭಾಯಿಸಿ. ನೀವು ವಿದ್ಯಾರ್ಥಿಯಾಗಿದ್ದರೆ, ವಾರದ ನಡುವೆ ಪುಸ್ತಕವನ್ನು ಮುಟ್ಟಲು ನಿಮಗೆ ಆಸಕ್ತಿ ಉಂಟಾಗದು. ಯುವಜನರು ಸಾಕಷ್ಟು ಮೋಜನ್ನು ಅನುಭವಿಸಲಿದ್ದಾರೆ. ವಾರದ ಕೊನೆಗೆ, ಉದ್ಯೋಗದಲ್ಲಿರುವವರ ಬದುಕಿನಲ್ಲಿ ಬೃಹತ್‌ ಬದಲಾವಣೆಗಳು ಉಂಟಾಗಲಿವೆ. ಉದ್ಯೋಗದಲ್ಲಿರುವ ಮಹಿಳೆಯರಿಗೆ ಆಸ್ತಿಯನ್ನು ಖರೀದಿಸಲು ಅಥವಾ ಮಾರಲು ಇದು ಸಕಾಲ.
ವೃಶ್ಚಿಕ: ಈ ವಾರದಲ್ಲಿ ವೃಶ್ಚಿಕ ರಾಶಿಯವರು ವಿಪರೀತ ಆಲಸ್ಯ ಅಥವಾ ಜಂಭವನ್ನು ತೋರಬಾರದು. ಇಲ್ಲದಿದ್ದರೆ ಪ್ರಮುಖ ಅವಕಾಶಗಳು ತಪ್ಪಿ ಹೋಗಬಹುದು. ಕೆಲಸದಲ್ಲಿ ಉತ್ತಮ ಸಾಧನೆ ಮಾಡಬೇಕಾದರೆ ನಿಮ್ಮ ಶಕ್ತಿ ಮತ್ತು ಸಮಯವನ್ನು ಸರಿಯಾಗಿ ಬಳಸಿಕೊಳ್ಳಬೇಕು. ನಿಮ್ಮ ಗುರಿಯ ಬೆನ್ನತ್ತುವ ವೇಳೆ ನಿಮ್ಮ ಆರೋಗ್ಯವು ಹದಗೆಡುವ ಸಾಧ್ಯತೆ ಇದೆ. ಹೀಗಾಗಿ ತಮ್ಮ ಕುರಿತು ಕಾಳಜಿ ವಹಿಸುವುದು ಒಳ್ಳೆಯದು. ವಾರದ ನಡುವೆ ವ್ಯಾಪಾರೋದ್ಯಮಿಗಳು ಒಂದಷ್ಟು ಸವಾಲುಗಳನ್ನು ಎದುರಿಸಬಹುದು. ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಉತ್ತಮ ಸಾಧನೆ ಮಾಡಬೇಕಾದರೆ ವಿದ್ಯಾರ್ಥಿಗಳು ಹೆಚ್ಚಿನ ಪ್ರಯತ್ನ ಮಾಡಬೇಕು. ವಾರದ ಉತ್ತರಾರ್ಧದಲ್ಲಿ ಯಾರಾದರೂ ಪ್ರಮುಖ ವ್ಯಕ್ತಿಯನ್ನು ಭೇಟಿಯಾಗುವುದರಿಂದ ಭವಿಷ್ಯದ ದಾರಿಯೇ ಬದಲಾಗಲಿದೆ. ಉದ್ಯೋಗದಲ್ಲಿರುವ ವೃತ್ತಿಪರರಿಗೆ ಭಡ್ತಿ ಅಥವಾ ವರ್ಗಾವಣೆಯಾಗಬಹುದು. ನಿಮ್ಮ ಜೀವನ ಸಂಗಾತಿಯು ಏನಾದರೂ ಸಾಧನೆ ಮಾಡುವುದರಿಂದ ನಿಮ್ಮ ಮನೆಯಲ್ಲಿ ಸಂತಸ ತುಂಬಿರಲಿದೆ. ನಿಮ್ಮ ಸಂಬಂಧವು ಗಟ್ಟಿಗೊಳ್ಳಲಿದೆ. ಅಲ್ಲದೆ ನಿಮ್ಮ ಸಂಗಾತಿಯೊಂದಿಗೆ ಹೆಚ್ಚಿನ ಸಮಯವನ್ನು ಕಳೆಯಲು ನಿಮಗೆ ಅವಕಾಶ ದೊರೆಯಲಿದೆ. ನಿಮ್ಮ ವಿವಾಹದಲ್ಲಿ ಪ್ರೀತಿ ಮತ್ತು ಪ್ರಣಯ ನೆಲೆಸಲಿದೆ.
ಧನು: ಈ ರಾಶಿಯವರಿಗೆ ಈ ವಾರದಲ್ಲಿ ಉತ್ತಮ ಆರಂಭ ದೊರೆಯಲಿದೆ. ಆದರೆ ಉತ್ತಮ ಸಾಧನೆ ಮಾಡಬೇಕಾದರೆ ನೀವು ಸಾಕಷ್ಟು ಶ್ರಮ ಪಡಬೇಕು. ನಿಮ್ಮ ಗೆಳೆಯರು ಅಥವಾ ಆತ್ಮೀಯರ ಸಹಾಯದಿಂದ ಬಾಕಿ ಉಳಿದಿರುವ ಬೃಹತ್‌ ಯೋಜನೆಗಳನ್ನು ನೀವು ಪೂರ್ಣಗೊಳಿಸಲಿದ್ದೀರಿ. ಹೊಸ ಉದ್ಯೋಗವನ್ನು ನೀವು ಎದುರು ನೋಡುತ್ತಿದ್ದಲ್ಲಿ ಈ ವಾರದಲ್ಲಿ ನೀವು ಶುಭ ಸುದ್ದಿ ಪಡೆಯಲಿದ್ದೀರಿ. ಒಳ್ಳೆಯ ಗೆಳೆಯರೊಬ್ಬರು ನಿಮ್ಮ ವೃತ್ತಿ ಅಥವಾ ವ್ಯಹಾರದಲ್ಲಿ ಮುಂದೆ ಸಾಗಲು ನಿಮಗೆ ಸಹಾಯ ಮಾಡಲಿದ್ದಾರೆ. ನೀವು ಯಾರ ಬಳಿಯಾದರೂ ನಿಮ್ಮ ಪ್ರೀತಿಯನ್ನು ನಿವೇದಿಸಲು ಇಚ್ಛಿಸುವುದಾದರೆ ಈ ವಾರವು ಅದಕ್ಕೆ ಸೂಕ್ತ. ನಿಮ್ಮ ಈಗಿನ ಸಂಬಂಧದಲ್ಲಿ ಹೆಚ್ಚಿನ ಸಾಮರಸ್ಯ ನೆಲೆಸಲಿದೆ. ನಿಮ್ಮ ಸಂಗಾತಿಯೊಂದಿಗೆ ಮೋಜಿನಿಂದ ಸಮಯ ಕಳೆಯಲು ನಿಮಗೆ ಅವಕಾಶ ಲಭಿಸಲಿದೆ. ನಿಮ್ಮ ಕುಟುಂಬದ ಜೊತೆಗೆ ಪ್ರವಾಸಿ ತಾಣಕ್ಕೆ ಹೋಗಲು ನಿಮಗೆ ಅವಕಾಶ ಲಭಿಸಬಹುದು. ನಿಮ್ಮ ಅರೋಗ್ಯವು ಚೆನ್ನಾಗಿರಲಿದೆ.
ಮಕರ: ಮಕರ ರಾಶಿಯವರು ಈ ವಾರದಲ್ಲಿ ತಮ್ಮ ಆರೋಗ್ಯ ಮತ್ತು ಸಂಬಂಧಕ್ಕೆ ಹೆಚ್ಚಿನ ಗಮನ ನೀಡಬೇಕು. ನೀವು ಜಮೀನು, ಕಟ್ಟಡ ಅಥವಾ ಆಸ್ತಿಗೆ ಸಂಬಂಧಿಸಿದ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ, ನ್ಯಾಯಾಲಯಕ್ಕೆ ಹೋಗುವ ಬದಲಿಗೆ ಮಾತುಕತೆಯ ಮೂಲಕ ಇದನ್ನು ಬಗೆಹರಿಸುವುದು ಒಳ್ಳೆಯದು. ಕೆಲಸದ ಸ್ಥಳದಲ್ಲಿ ನಿಮ್ಮ ನಿರೀಕ್ಷೆಯಂತೆ ನಿಮ್ಮ ಹಿರಿಯರು ಅಥವಾ ಕಿರಿಯರ ಸಹಕಾರವು ನಿಮಗೆ ಲಭಿಸದು. ಹೀಗಾಗಿ ಹಣಕ್ಕೆ ಸಂಬಂಧಿಸಿದಂತೆ ಜಾಗರೂಕರಾಗಿರಿ. ಯಾರಾದರೂ ಹಿತೈಷಿಗಳ ಸಹಾಯದಿಂದ ಮನೆ ಅಥವಾ ಕೆಲಸದ ಸ್ಥಳದಲ್ಲಿನ ಯಾವುದಾದರೂ ಸಮಸ್ಯೆಯನ್ನು ಬಗೆಹರಿಸಲು ಯತ್ನಿಸಲಿದ್ದೀರಿ. ಈ ವಾರದಲ್ಲಿ ನಿಮ್ಮ ಮಕ್ಕಳಿಗೆ ಸಂಬಂಧಿಸಿದಂತೆ ಏನಾದರೂ ಶುಭ ಸುದ್ದಿ ದೊರೆಯಲಿದೆ. ಇದು ನಿಮ್ಮ ಸಂತಸಕ್ಕೆ ಕಾರಣವೆನಿಸಲಿದೆ. ನಿಮ್ಮ ಪ್ರಣಯ ಸಂಬಂಧವು ಇನ್ನಷ್ಟು ಗಟ್ಟಿಗೊಳ್ಳಲಿದೆ. ನಿಮ್ಮ ವೈವಾಹಿಕ ಜೀವನದಲ್ಲಿ ನೀವೆಷ್ಟು ಕಾಳಜಿ ವಹಿಸುತ್ತೀರಿ ಹಾಗೂ ಸಹಕರಿಸುತ್ತೀರಿ ಎಂಬುದನ್ನು ನಿಮ್ಮ ಕುಟುಂಬದ ಸದಸ್ಯರು ಗಮನಿಸಲಿದ್ದಾರೆ. ನಿಮ್ಮ ಸಂಗಾತಿಯೊಂದಿಗೆ ನೀವು ಯಾವುದಾದರೂ ಧಾರ್ಮಿಕ ಸ್ಥಳಕ್ಕೆ ಭೇಟಿ ನೀಡಬಹುದು. ಸರಿಯಾದ ಆಹಾರವನ್ನು ಸೇವಿಸುವುದನ್ನು ಮತ್ತು ದಿನಚರಿಯನ್ನು ಕಾಪಾಡುವುದನ್ನು ಮರೆಯಬೇಡಿ.
ಕುಂಭ: ಈ ವಾರದಲ್ಲಿ ಕುಂಭ ರಾಶಿಯವರ ಬದುಕಿನಲ್ಲಿ ಕೆಲವೊಂದು ಅನಿರೀಕ್ಷಿತ ತಿರುವುಗಳು ಎದುರಾಗಬಹುದು. ನಿಮ್ಮ ಹಣಕಾಸಿನ ಮೇಲೆ ನೀವು ನಿಗಾ ಇರಿಸಬೇಕು. ಏಕೆಂದರೆ ನಿಮಗೆ ಸಾಲ, ಅರೋಗ್ಯ ಅಥವಾ ಶತ್ರುಗಳ ಸಮಸ್ಯೆ ಎದುರಾಗಬಹುದು. ನಿಮ್ಮ ಕೈ ಬರಿದಾಗಬಹುದು. ಹೀಗಾಗಿ ನಿಮ್ಮ ಉಳಿತಾಯಕ್ಕೆ ನೀವು ಕೈ ಹಾಕಬೇಕಾದೀತು ಅಥವಾ ಸಾಲವನ್ನು ಪಡೆಯಬೇಕಾದೀತು. ನಿಮ್ಮ ಖರ್ಚಿನ ಮೇಲೆ ನಿಗಾ ಇರಿಸುವುದು ಮತ್ತು ಹಣಕಾಸಿನ ಲೆಕ್ಕಾಚಾರವನ್ನು ಪಾಲಿಸುವುದು ಒಳ್ಳೆಯದು. ನಿಮ್ಮ ವ್ಯವಹಾರದಲ್ಲಿ ಪ್ರಗತಿ ಸಾಧಿಸಲು ನೀವು ಇಚ್ಛಿಸುವುದಾದರೆ, ಹೆಚ್ಚಿನ ಅನುಭವವಿರುವ ವ್ಯಕ್ತಿ ಅಥವಾ ನಂಬಿಕೆಯ ಗೆಳೆಯನಿಂದ ಒಂದಷ್ಟು ಸಲಹೆಯನ್ನು ಪಡೆದುಕೊಳ್ಳುವುದು ಸೂಕ್ತ. ಪ್ರೇಮ ಸಂಬಂಧದಲ್ಲಿ ಏರುಪೇರು ಉಂಟಾಗಬಹುದು. ನೀವು ವಿವಾಹಿತರಾಗಿದ್ದರೆ, ಕೌಟುಂಬಿಕ ಸಮಸ್ಯೆಗಳ ಕಾರಣ ನಿಮ್ಮ ವೈವಾಹಿಕ ಬದುಕಿನಲ್ಲಿ ಸಮಸ್ಯೆಗಳು ಎದುರಾಗಬಹುದು. ನಿಮ್ಮ ಸಂಗಾತಿಯ ಮನಸ್ಸಿನಲ್ಲಿ ಏನಿದೆ ಎಂಬುದನ್ನು ಅರಿತುಕೊಂಡು ಯಾವುದೇ ಸಂದೇಹ ಅಥವಾ ಅಭದ್ರತೆಯನ್ನು ದೂರ ಮಾಡಲು ಯತ್ನಿಸಿ. ಮಾತುಕತೆಯ ಮೂಲಕ ಸಮಸ್ಯೆಯನ್ನು ಬಗೆಹರಿಸಿ ಒಟ್ಟಿಗೆ ಕೆಲಸ ಮಾಡುವುದು ಒಳ್ಳೆಯದು.
ಮೀನ: ಈ ರಾಶಿಯವರಿಗೆ, ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳಲು ಇದು ಸಕಾಲ. ನಿಮ್ಮ ಗೆಳೆಯರು ಮತ್ತು ಕುಟುಂಬದ ಸದಸ್ಯರು ಏನು ಹೇಳುತ್ತಾರೆ ಎಂಬುದನ್ನು ಕೇಳಿಸಿಕೊಳ್ಳಿ ಮತ್ತು ವ್ಯವಹಾರದಲ್ಲಿ ಜಾಣ್ಮೆಯಿಂದ ಹೆಜ್ಜೆ ಇಡಿ. ಏಕೆಂದರೆ ನಿಮಗೆ ಸವಾಲಿನ ಹಾದಿಯು ಎದುರಾಗಬಹುದು. ಇವೆಲ್ಲವೂ ಸಾಮಾನ್ಯವಾಗಿದ್ದು, ಚಿಂತಿಸುವ ಅಗತ್ಯವಿಲ್ಲ. ಆದರೆ ಯಜಮಾನನಂತೆ ವರ್ತಿಸಿ. ನೀವು ಪ್ರೇಮ ಸಂಬಂಧದಲ್ಲಿ ಏನಾದರೂ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ ಅಥವಾ ನಿಮ್ಮ ವೈವಾಹಿಕ ಬದುಕಿನಲ್ಲಿ ಏನಾದರೂ ವಿಚಾರವನ್ನು ಬಗೆಹರಿಸಲು ಯತ್ನಿಸುತ್ತಿದ್ದರೆ, ಸಂಘರ್ಷದ ಬದಲಿಗೆ ಮಾತುಕತೆಯ ಮೂಲಕ ಇದನ್ನು ಬಗೆಹರಿಸಲು ಯತ್ನಿಸಿ. ಜಗಳವಾಡುವುದರಿಂದ ಪರಿಸ್ಥಿತಿ ಇನ್ನಷ್ಟು ಬಿಗಡಾಯಿಸುತ್ತದೆ. ಅಲ್ಲದೆ ನಿಮ್ಮ ಸಂತಸಕ್ಕೆ ಧಕ್ಕೆ ತರಲು ಯತ್ನಿಸುವ ಯಾವುದೇ ವ್ಯಕ್ತಿಯಿಂದ ದೂರವಿರಿ. ವಾರದ ಕೊನೆಗೆ, ಏನಾದರೂ ವಿಶೇಷ ಸಂದರ್ಭದಲ್ಲಿ ನೀವು ಪಾಲ್ಗೊಳ್ಳಲಿದ್ದೀರಿ. ಈ ಅದ್ಭುತ ಸಮಯವನ್ನು ಆನಂದಿಸಿ ಮತ್ತು ಇದನ್ನು ಬದುಕಿನ ಅವಿಸ್ಮರಣೀಯ ಕ್ಷಣವಾಗಿಸಲು ಯತ್ನಿಸಿ.
