ಖಾರ -ಹುಳಿ- ಸಿಹಿ ಇರುವ ರುಚಿಕರ ಸ್ಪೆಷಲ್ ಶುಂಠಿ ಚಟ್ನಿ: ಇಡ್ಲಿ, ದೋಸೆ, ಅನ್ನದೊಂದಿಗೆ ತಿಂದ್ರೆ ಸಖತ್ ಟೇಸ್ಟಿ ಟೇಸ್ಟಿ!

ಖಾರ - ಹುಳಿ - ಸಿಹಿ ಹೊಂದಿರುವ ರುಚಿಕರ ಶುಂಠಿ ಚಟ್ನಿ ರೆಸಿಪಿಯನ್ನು ನಾವು ನಿಮಗಾಗಿ ತಂದಿದ್ದೇವೆ. ಇಡ್ಲಿ, ದೋಸೆ, ಅನ್ನದೊಂದಿಗೂ ತಿಂದ್ರೆ ಸಖತ್ ಟೇಸ್ಟಿ. ಈ ಚಟ್ನಿ ಮಾಡುವುದು ಹೇಗೆ ಎಂಬುದನ್ನು ತಿಳಿಯೋಣ.

Special Ginger Chutney Recipe: ಅನೇಕ ಜನರು ಶುಂಠಿ ಚಟ್ನಿ ತಿನ್ನಲು ಇಷ್ಟಪಡುತ್ತಾರೆ. ಆದಾಗ್ಯೂ, ಹೆಚ್ಚಿನ ಜನರು ಮಾವಿನಕಾಯಿ, ಟೊಮೆಟೊ ಮತ್ತು ನೆಲ್ಲಿಕಾಯಿ ಸೇರಿದಂತೆ ವಿವಿಧ ತರಕಾರಿಗಳಿಂದ ಚಟ್ನಿ ಮಾಡುತ್ತಾರೆ. ಅದರ ಹೊರತಾಗಿ.. ಶುಂಠಿಯಿಂದ ತಯಾರಿಸಿದ ಚಟ್ನಿಯನ್ನು ದೀರ್ಘಕಾಲ ಇಡಬಹುದು. ಈ ಹಸಿ ಶುಂಠಿ ಚಟ್ನಿಯ ರುಚಿ ಸೂಪರ್ ಆಗಿರುತ್ತದೆ. ಒಮ್ಮೆ ಸೇವಿಸಿದರೆ ಸಾಕು ಮತ್ತೆ ಮತ್ತೆ ತಿನ್ನಬೇಕೆನಿಸುತ್ತದೆ. ಇದನ್ನು ಎಲ್ಲಾ ರೀತಿಯ ಟಿಫನ್ ಮತ್ತು ಅನ್ನದೊಂದಿಗೆ ತಿನ್ನಲು ರುಚಿಕರವಾಗಿರುತ್ತದೆ. ಹಾಗಾದರೆ.. ಸಖತ್​ ಟೇಸ್ಟಿಯಾದ ಶುಂಠಿ ಚಟ್ನಿ ಮಾಡುವುದು ಹೇಗೆ? ಈ ಚಟ್ನಿ ಮಾಡಲು ಬೇಕಾಗುವ ಸಾಮಗ್ರಿಗಳು ಯಾವುವು ಎಂಬುದನ್ನು ತಿಳಿಯೋಣ.

ಬೇಕಾಗುವ ಪದಾರ್ಥಗಳು:

• 50 ಗ್ರಾಂ - ಕೆಂಪು ಮೆಣಸಿನಕಾಯಿ
• 50 ಗ್ರಾಂ - ಶುಂಠಿ
• 50 ಗ್ರಾಂ - ಹುಣಸೆಹಣ್ಣು
• 100 ಗ್ರಾಂ - ಬೆಲ್ಲ
• 6 ರಿಂದ 7 - ಬೆಳ್ಳುಳ್ಳಿ ಎಸಳು
• 3 ಟೀಸ್ಪೂನ್​ - ಎಣ್ಣೆ
• 1 ಟೀಸ್ಪೂನ್​ - ಉದ್ದಿನ ಬೇಳೆ
• 1 ಟೀಸ್ಪೂನ್ - ಧನಿಯಾ ಪುಡಿ
• 1 ಟೀಸ್ಪೂನ್ - ಕಡಲೆಕಾಯಿ
• 1 ಟೀಸ್ಪೂನ್ - ಜೀರಿಗೆ
• ರುಚಿಗೆ ತಕ್ಕಷ್ಟು ಉಪ್ಪು

ತಯಾರಿಸುವ ವಿಧಾನ:

• ಇದಕ್ಕಾಗಿ ಮೊದಲು ಚಟ್ನಿ ಸಿದ್ಧಪಡಿಸಲು ಬೇಕಾಗಿರುವ ಶುಂಠಿಯ ಸಿಪ್ಪೆ ತೆಗೆದು ತೆಳ್ಳಗೆ ಕತ್ತರಿಸಿ ಪಕ್ಕಕ್ಕೆ ಇಡಿ. ಹಾಗೆಯೇ.. ಚಿಕ್ಕ ಬಟ್ಟಲಿನಲ್ಲಿ ಹುಣಸೆ ಹಣ್ಣನ್ನು ನೆನೆಸಿಡಿ. ಹಾಗೆಯೇ.. ಬೆಲ್ಲವನ್ನು ನುಣ್ಣಗೆ ತುರಿದು ಪಕ್ಕಕ್ಕೆ ಇಡಿ.
• ಈಗ ಒಲೆಯ ಮೇಲೆ ಬಾಣಲೆ ಇಟ್ಟು ಎಣ್ಣೆ ಹಾಕಿ. ಎಣ್ಣೆ ಸ್ವಲ್ಪ ಬಿಸಿಯಾದಾಗ ಉದ್ದಿನ ಬೇಳೆ, ಕಡಲೆ ಬೇಳೆ, ಧನಿಯಾ ಪುಡಿ ಹಾಕಿ ಸಣ್ಣ ಉರಿಯಲ್ಲಿ ಗರಿಗರಿಯಾಗುವವರೆಗೆ ಹುರಿಯಿರಿ.
• ಅದರ ನಂತರ ಕೆಂಪು ಮೆಣಸಿಕಾಯಿ ಸೇರಿಸಿ ಮತ್ತು ಗರಿಗರಿಯಾಗುವವರೆಗೆ ಹುರಿಯಿರಿ. ಕತ್ತರಿಸಿದ ಶುಂಠಿ ತುಂಡುಗಳನ್ನು ಹಾಕಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ. ಅದರ ನಂತರ, ಒಲೆ ಆಫ್ ಮಾಡಿ ಮತ್ತು ಮಿಶ್ರಣವನ್ನು ಸಂಪೂರ್ಣವಾಗಿ ತಣ್ಣಗಾಗಲು ಬಿಡಿ.
• ಆದರೆ, ಇಲ್ಲಿ ನೆನಪಿಡಬೇಕಾದ ಅಂಶವೆಂದರೆ ಈ ರೆಸಿಪಿಯಲ್ಲಿ ಕೆಂಪು ಮೆಣಸಿನಷ್ಟೇ ಪ್ರಮಾಣದಲ್ಲಿ ಶುಂಠಿಯನ್ನು ತೆಗೆದುಕೊಳ್ಳಬೇಕು. ಹಾಗೆಯೇ.. ಉತ್ತಮ ಗುಣಮಟ್ಟದ ಒಣ ಮೆಣಸಿನಕಾಯಿಯನ್ನು ಆರಿಸಿ. ಇಲ್ಲವಾದರೆ.. ಚಟ್ನಿಯು ರುಚಿಯಾಗುವುದಿಲ್ಲ ಎಂಬುದನ್ನು ಗಮನಿಸಬೇಕು.
• ಈಗ ಮಿಕ್ಸಿ ಜಾರ್ ತೆಗೆದುಕೊಂಡು ತಣ್ಣಗಾದ ಕಂಪು ಮೆಣಸಿನಕಾಯಿ ಮಿಶ್ರಣ, ತುರಿದ ಬೆಲ್ಲ, ನೆನೆಸಿದ ಹುಣಸೆ ಹಣ್ಣಿನ ದಪ್ಪ ರಸ, ಬೆಳ್ಳುಳ್ಳಿ ಎಸಳು, ಜೀರಿಗೆ ಮತ್ತು ರುಚಿಗೆ ಬೇಕಾದಷ್ಟು ಉಪ್ಪು ಸೇರಿಸಿ.
• ಇವುಗಳ ಜೊತೆಗೆ ಸ್ವಲ್ಪ ಕುದಿಯುವ ನೀರನ್ನು ಸೇರಿಸಿ ಮತ್ತು ಮಿಶ್ರಣವನ್ನು ಚಟ್ನಿಯಂತೆ ರುಬ್ಬಿಕೊಳ್ಳಿ. ಅಷ್ಟಾದರೆ ಸಾಕು ಸ್ಪೈಸಿ ಸ್ಪೈಸಿಯಾದ ರುಚಿಕರ ಶುಂಠಿ ಚಟ್ನಿ ರೆಡಿ!
• ಆದರೆ, ಇಲ್ಲಿ ನೆನಪಿಡಬೇಕಾದ ಇನ್ನೊಂದು ಅಂಶವೆಂದರೆ ಚಟ್ನಿ ರುಬ್ಬುವಾಗ ತಣ್ಣೀರು ಹಾಕಿದರೆ ಚಟ್ನಿ ಬೇಗ ಕೆಡುತ್ತದೆ!
• ಹಾಗೆ ಚಟ್ನಿಯನ್ನು ರುಬ್ಬಿದ ನಂತರ ಸ್ವಲ್ಪ ಕುದಿಸಿ ತಣ್ಣಗಾದ ಎಣ್ಣೆಯನ್ನು ಹಾಕಿ ಮಿಕ್ಸ್ ಮಾಡಿ ಫ್ರಿಡ್ಜ್​ನಲ್ಲಿಟ್ಟರೆ ಚಟ್ನಿ ಸುಮಾರು 2 ರಿಂದ 3 ತಿಂಗಳು ಫ್ರೆಶ್ ಆಗಿರುತ್ತದೆ!
• ಇಲ್ಲವಾದರೆ.. ಎಣ್ಣೆ ಹಚ್ಚದೆ ಹೊರಗೆ ಇಟ್ಟರೂ ಕನಿಷ್ಠ 15 ರಿಂದ 20 ದಿನ ತಾಜಾ ಆಗಿರುತ್ತದೆ!

ಇದನ್ನೂ ಓದಿ: