ಪೂರಿ ಅಂದ್ರೆ ಸಾಕು, ಹಲವರ ಬಾಯಲ್ಲಿ ನೀರೂರುತ್ತದೆ. ಇದನ್ನು ಟಿಫನ್ ಮಾತ್ರವಲ್ಲದೆ ಹಬ್ಬಗಳು ಮತ್ತು ಇತರ ಆಚರಣೆಗಳಲ್ಲಿಯೂ ತಿನ್ನುತ್ತೇವೆ. ಕೆಲವರು ತುಂತುರು ಮಳೆ ವೇಳೆ ಬಿಸಿ ಬಿಸಿ ಪೂರಿ ಸವಿಯಲು ಇಷ್ಟಪಡುತ್ತಾರೆ. ಆದ್ರೆ, ಬಾಂಬೆ ಚಟ್ನಿ (ಪುರಿ ಕರಿ) ಜೊತೆ ತಿಂದರೆ ಅದರ ಟೇಸ್ಟೇ ಬೇರೆ. ಅನೇಕರು ಮನೆಯಲ್ಲಿ ಬಾಂಬೆ ಚಟ್ನಿಯೊಂದಿಗೆ ಪೂರಿ ತಯಾರಿಸಿ ತಿನ್ನುವ ಬಯಕೆ ವ್ಯಕ್ತಪಡಿಸುತ್ತಾರೆ. ಆದರೆ, ಅದನ್ನು ಹೇಗೆ ಮಾಡಬೇಕೆಂದು ಅವರಿಗೆ ತಿಳಿದಿಲ್ಲ.
ಬಾಂಬೆ ಚಟ್ನಿಗೆ ಬೇಕಾಗುವ ಪದಾರ್ಥಗಳು ಯಾವುವು? ಈಗ ಅದನ್ನು ಹೇಗೆ ಮಾಡಬೇಕೆಂಬುದರ ಕುರಿತು ತಿಳಿಯೋಣ.
ಬೇಕಾಗುವ ಪದಾರ್ಥಗಳು:
- ಎಣ್ಣೆ- 2 ಟೀ ಸ್ಪೂನ್
- ಸಾಸಿವೆ- ಅರ್ಧ ಟೀ ಸ್ಪೂನ್
- ಕಡಲೆಕಾಯಿ- ಒಂದು ಟೀ ಸ್ಪೂನ್
- ಉದ್ದಿನ ಬೇಳೆ- ಒಂದು ಟೀ ಸ್ಪೂನ್
- ಜೀರಿಗೆ - 3/4 ಟೀ ಸ್ಪೂನ್
- ಒಣ ಮೆಣಸಿನಕಾಯಿ- 2
- ಒಂದು ಕರಿಬೇವಿನ ಎಲೆ
- ಹಸಿ ಮೆಣಸಿನಕಾಯಿ- 2
- ಈರುಳ್ಳಿಯನ್ನು ಚಿಕ್ಕದಾಗಿ ಕತ್ತರಿಸಿ
- ಅರಿಶಿನ ಅರ್ಧ ಟೀ ಸ್ಪೂನ್
- ರುಚಿಗೆ ತಕ್ಕಷ್ಟು ಉಪ್ಪು
- ಕಡಲೆ ಬೇಳೆ ಹಿಟ್ಟು- 2 ಟೀ ಸ್ಪೂನ್
- ಶುಂಠಿ- ಒಂದು ಟೀ ಸ್ಪೂನ್
- ಬೇಯಿಸಿದ ಬೀಟ್ರೂಟ್ (ನಿಮ್ಮ ಆಯ್ಕೆಗೆ ಬಿಟ್ಟಿದ್ದು)
- ನಿಂಬೆ ರಸ ಒಂದು ಟೀ ಸ್ಪೂನ್ (ನಿಮ್ಮ ಆಯ್ಕೆಗೆ ಬಿಟ್ಟಿದ್ದು)
- ಕೊತ್ತಂಬರಿ ಸೊಪ್ಪು (ನಿಮ್ಮ ಆಯ್ಕೆಗೆ ಬಿಟ್ಟಿದ್ದು)
ಸಿದ್ಧಪಡಿಸುವ ಪ್ರಕ್ರಿಯೆ:
- ಮೊದಲು ಒಲೆ ಆನ್ ಮಾಡಿ ಮತ್ತು ಒಂದು ಪಾತ್ರೆಯಲ್ಲಿ ಎಣ್ಣೆ ಬಿಸಿ ಮಾಡಿ.
- ನಂತರ ಸಾಸಿವೆ ಹಾಕಿ ಸಿಡಿಯಲು ಶುರುವಾದಾಗ ಉದ್ದಿನಬೇಳೆ ಮತ್ತು ಕಡಲೆ ಬೇಳೆ ಹಾಕಿ ಹುರಿಯಿರಿ.
- ಜೀರಿಗೆ ಮತ್ತು ಒಣ ಮೆಣಸಿನಕಾಯಿ ಸೇರಿಸಿ ಮತ್ತು ಕಾಳುಗಳನ್ನು ಹುರಿಯಿರಿ.
- ಕರಿಬೇವಿನ ಎಲೆಗಳು, ಹಸಿ ಮೆಣಸಿನಕಾಯಿ, ಈರುಳ್ಳಿ ಮತ್ತು ಅರಿಶಿನ ಸೇರಿಸಿ ಮತ್ತು 3 ನಿಮಿಷಗಳ ಕಾಲ ಹೆಚ್ಚಿನ ಉರಿಯಲ್ಲಿ ಫ್ರೈ ಮಾಡಿ.
- ಅದರ ನಂತರ ಅರ್ಧ ಲೀಟರ್ ನೀರು ಮತ್ತು ಉಪ್ಪು ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ, ಮುಚ್ಚಿ ಮತ್ತು ಮಧ್ಯಮ ಉರಿಯಲ್ಲಿ 12 ನಿಮಿಷಗಳ ಕಾಲ ಬೇಯಿಸಿ.
- ಅದನ್ನು ಬೇಯಿಸುತ್ತಿರುವಾಗ, ಕಡಲೆ ಬೇಳೆ ಹಿಟ್ಟಿಗೆ ಸ್ವಲ್ಪ 50 ಮಿಲಿ ನೀರನ್ನು ಸೇರಿಸಿ ಮತ್ತು ಯಾವುದೇ ಉಂಡೆಗಳಾಗದಂತೆ ಮಿಶ್ರಣ ಮಾಡಿ.
- ಈಗ ಕಡಲೆಬೇಳೆ ಮಿಶ್ರಣ, ಶುಂಠಿ ಪೇಸ್ಟ್ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಸ್ಟವ್ ಆಫ್ ಮಾಡಿದರೆ ರುಚಿಯಾದ ಬಾಂಬೆ ಚಟ್ನಿ ರೆಡಿ!
- ನಿಮಗೆ ಅಗತ್ಯವಿದ್ದರೆ ಬೇಯಿಸಿದ ಬೀಟ್ರೂಟ್, ನಿಂಬೆ ರಸ ಮತ್ತು ಕೊತ್ತಂಬರಿ ಸೊಪ್ಪನ್ನು ಇದಕ್ಕೆ ಸೇರಿಸಬಹುದು. ಬಾಂಬೆ ಚಟ್ನಿಯನ್ನು ಪೂರಿಯೊಂದಿಗೆ ಸವಿದರೆ ಬೇರೆ ಲೆವಲ್‌ ಟೇಸ್ಟ್!.
