ಸಾಕಷ್ಟು ಕಾತರದಿಂದ ಇಡೀ ವಿಶ್ವವೇ ಎದುರು ನೋಡುತ್ತಿದ್ದ ಅಮೆರಿಕ ಅಧ್ಯಕ್ಷೀಯ ಚುನಾವಣಾ ಫಲಿತಾಂಶ ಹೊರಬಿದ್ದಿದೆ. ಮೊದಲ ಮಹಿಳಾ ಅಮೆರಿಕ ಅಧ್ಯಕ್ಷ ಗಾದಿಗೇರುವ ಕಮಲಾ ಹ್ಯಾರಿಸ್ ಕನಸು ನುಚ್ಚು ನೂರಾಗಿದೆ. ಆದರೆ, ಚುನಾವಣೆಯಲ್ಲಿ ಅವರು ತೋರಿದ ವರ್ಚಸ್ಸು, ಅವರ ಸ್ಟೈಲಿಶ್ ದಿರಿಸುಗಳು ಹೊಸದಾದ ಕುರುಹು ರೂಪಿಸಿದೆ. ಉಡುಗೆಯ ನೋಟ ಜನರ ಮೊದಲ ಗಮನ ಸೆಳೆಯುವುದು ಎನ್ನುವಂತೆ ಕಮಲಾ ತಮ್ಮ ದಿರಿಸಿನಲ್ಲಿ ಅಚಲತೆ ಜೊತೆಗೆ ಆಧುನಿಕತೆಯ ಸಮಾಗಮ ಮಾಡಿದ್ದಾರೆ. ಅವರ ವಾರ್ಡೋಬ್ಗಳು ತುಂಬಾ ಸರಳ ಎಂದು ಕಂಡುಬಂದರೂ, ಈ ಸರಳತೆಯಲ್ಲಿ ಒಂದು ಮೌಲ್ಯವೂ ಮಾತನಾಡಿದೆ. ಹ್ಯಾರಿಸ್ ಕೇವಲ ಅಮೆರಿಕ ವಿನ್ಯಾಸವನ್ನು ಮಾತ್ರ ಪ್ರತಿಬಿಂಬಿಸಲಿಲ್ಲ. ಬದಲಾಗಿ ಜಗತ್ತಿನ ಮಹಿಳಾ ಶಕ್ತಿಯ ಎಚ್ಚರಿಕೆ ಮಾತುಕತೆಯನ್ನು ಬಿಂಬಿಸಿತು.
ಆಧುನಿಕ ಮಹಿಳಾ ಶಕ್ತಿಯನ್ನು ಬಿಂಬಿಸಿದ ಸೂಟ್: ಹ್ಯಾರಿಸ್ ಅವರ ವಾರ್ಡ್ರೋಬ್ನ ಹೆಚ್ಚಿನ ಜಾಗ ಸೂಟ್ಗಳಿಗಿದೆ. ಕೆರೊಲಿನಾ ಹೆರೆರಾ, ಪ್ರಬಲ್ ಗುರುಂಗ್ ಮತ್ತು ಅಲ್ತುಜಾರಾ ಅವರಂತಹ ಅಮೆರಿಕನ್ ವಿನ್ಯಾಸಕರು ಅವರ ಸೂಟ್ಗಳನ್ನು ಇಲ್ಲಿ ಕಾಣಬಹುದು. ಈ ವಿನ್ಯಾಸಕರು ಫ್ಯಾಷನ್‌ನಲ್ಲಿ ಸೂಕ್ಷ್ಮತೆಯ ಕಲೆಯನ್ನು ಕರಗತ ಮಾಡಿಕೊಂಡವರು. ಸೂಟ್ ಮೂಲಕ ಅವರ ಶಕ್ತಿ ಮತ್ತು ಸೊಬಗನ್ನು ಸಮತೋಲನಗೊಳಿಸಿರುವುದು ಸುಳ್ಳಲ್ಲ. ಪ್ರತಿ ಸೂಟ್ಗಳು ಆಯ್ಕೆಯಂತಿವೆಯೇ ಹೊರತು, ಹೇರಿಕೆಯಂತಿಲ್ಲ. ಈ ಮೂಲಕ ಕಮಲಾ ಶಾಂತತೆಯ ಸ್ಥಿರತೆಯನ್ನು ಬಿಂಬಿಸಿದರು. ಈ ಉಡುಪುಗಳು ವ್ಯಕ್ತಿಯನ್ನು ಬೆಂಬಲಿಸುವಂತೆ ಇದೆ ಹೊರತು ಅತಿಕ್ರಮಣದಂತೆ ಇಲ್ಲ.
ಮೈಕೆಲ್ ಕಾರ್ಸ್ ಪ್ಯಾಂಟ್‌ಸೂಟ್ ಧರಿಸಿದಾಗ ಹ್ಯಾರಿಸ್ ಅಧಿಕಾರಯುಕ್ತ ಮತ್ತು ಬದ್ಧತೆ ವ್ಯಕ್ತವಾಗುತ್ತದೆ. ಅವರ ಉಡುಪುಗಳು 1980ರ ದಶಕದ ಪುರುಷತ್ವದ ಶೈಲಿಯ ಹಾವಳಿ ಕಾಣುವುದಿಲ್ಲ. ಬದಲಾಗಿ ಆಕೆಯ ಸಮಕಾಲೀನ ಶಕ್ತಿಯುತ ಡ್ರೆಸ್ಸಿಂಗ್ ಕಾಣಬಹುದು. ಈ ಮೂಲಕ ಆಧುನಿಕ ನಾಯಕತ್ವದ ವೈವಿಧ್ಯತೆಯನ್ನು ಸಮ್ಮತಿಸಬಹುದು.
ಸ್ಪರ್ಧಾತ್ಕವಲ್ಲದ ಬಣ್ಣದ ಆಯ್ಕೆ: ಪ್ಯಾಲೆಟ್ ನಿಯಂತ್ರಣಗಳನ್ನು ಅವರ ವಾರ್ಡ್ರೋಬ್ನಲ್ಲಿ ಕಾಣಬಹುದು. ನೀಲಿ, ಕಡುಕಪ್ಪು, ಕಪ್ಪು, ಅವರಿಗೆ ಮೆಚ್ಚಿನದ್ದಾಗಿದ್ದು, ಇದು ಅವರ ವೃತ್ತಿಪರ ಯೂನಿಫಾರ್ಮ್ ಕೂಡ. ಅಪರೂಪಕ್ಕೆ ಅವರು ಬಾರ್ಗೆಂಡಿಕ್ ಅಥವಾ ಪ್ಯಾಲೆಟ್ ಸೂಟ್ಗಳನ್ನು ಹಾಕುವ ಮೂಲಕ ಸಿರಿತನ ಸ್ಪರ್ಶ ನೀಡಿ ಗಮನ ಸೆಳೆಯುತ್ತಾರೆ. ಫಲಿತಾಂಶಕ್ಕೆ ಮುನ್ನ ತಮ್ಮ ಐತಿಹಾಸಿಕ ವಿಜಯದ ಮಾತುಕತೆ ವೇಳೆ ಅವರು ಕರೋಲನಾ ಹರ್ರೆರಾ ಸೂಟ್ ಧರಿಸಿದ್ದರು. ಇದು ಸಾರ್ವಜನಿಕ ಕಚೇರಿಯ ಎತ್ತರ ತಲುಪುವಲ್ಲಿ ಕಮಲಾ ಅವರ ದೀರ್ಘ ಮತ್ತು ಪ್ರಯಾಸಕರ ಪ್ರಯಾಣವನ್ನು ಪ್ರತಿಬಿಂಬಿಸಿತು.
ಪ್ಯಾಲೆಟ್ನ ಬಣ್ಣವೂ ಸಂಯಮದ ಸಂದೇಶ ನೀಡುತ್ತದೆ. ವರ್ಣಿಯ ತ್ವಚೆಯ ಜೊತೆಗಿನ ಅವರ ಉಡುಪುಗಳು ಸ್ಥಿರತೆಯನ್ನು ಪ್ರದರ್ಶಿಸಿವೆ. ಅವರ ಉಡುಪಿನ ಬಣ್ಣಗಳು ಗುರಿಯ ನಿರ್ದೇಶನದ ಕಡೆಗಿನ ಅರ್ಥೈಸುವಿಕೆ, ಪ್ರಸ್ತುತತೆಯ ಕಡೆಯ ನಡಿಗೆ ವ್ಯಕ್ತಪಡಿಸಿದೆ. ಯುನಿಫಾರ್ಮ್ ಉದ್ದೇಶಪೂರ್ವಕವಾಗಿ ಅಲ್ಲ, ಬದಲಾಗಿ ಪ್ರಾಯೋಗಿಕತೆಯನ್ನು ಸೃಷ್ಟಿಸುತ್ತದೆ. ಹಾಗೇ ಗಡಿಬಿಡಿಯಿಲ್ಲದ ಕೆಲಸದ ಮೇಲಿನ ಬದ್ಧತೆಯನ್ನು ಒತ್ತಿಹೇಳುತ್ತದೆ.
ಕಾನ್ವರ್ಸ್ ಸ್ನೀಕರ್ಸ್: ಕಮಲಾ ಹ್ಯಾರಿಸ್ ಅವರ ವಾರ್ಡ್ರೋಬ್ ಅವರ ಕಾನ್ವರ್ಸ್ ಸ್ನೀಕರ್ಸ್ ಇಲ್ಲದೆ ಸಂಪೂರ್ಣವಾಗುವುದಿಲ್ಲ. ಸೂಟ್ಗೆ ತಕ್ಕಂತೆ ಈ ಸ್ನೀಕರ್ಸ್ಗಳಿವೆ. ಶೂಗಳ ಮೂಲಕವೇ ತಮ್ಮ ಶಕ್ತಿಯ ನಿಯಮವನ್ನು ಮತ್ತೊಮ್ಮೆ ಬರೆಯುತ್ತಿದ್ದಾರೆ. ತಮ್ಮ ಕಾನ್ವರ್ಸ್ ಬ್ರಾಂಡ್ ಶೂ ಮೂಲಕ ಅವರು ಈ ಹಿಂದೆ ತಮಗೆ ಮುಚ್ಚಿದ ಜಾಗದಲ್ಲಿಯೂ ಆತ್ಮವಿಶ್ವಾಸದಿಂದ ಹೆಜ್ಜೆ ಹಾಕುತ್ತಾರೆ.
ಆಭರಣಗಳು: ತಮ್ಮ ಆಭರಣಗಳ ಮೂಲಕವೂ ಆಧುನಿಕತೆಯ ಪ್ರಬುದ್ಧತೆ ಪ್ರದರ್ಶಿಸಿದ್ದಾರೆ. ಡೇವಿಡ್ ಯುರ್ಮನ್ ಅವರು ಮುತ್ತಿನ ವಿನ್ಯಾಸದ ಆಭರಣಗಗಳು ಇತಿಹಾಸ ಮತ್ತು ಪರಂಪರೆ ತೂಕವನ್ನು ಹೊಂದಿವೆ. ಮೊದಲ ಆಫ್ರಿಕನ್ ಅಮೆರಿಕನ್ ಸೊರೊರಿಟಿ ಪರಂಪರೆಯ ಜ್ಞಾಪನೆಯಾದ ಆಲ್ಫಾ ಕಪ್ಪಾದಲ್ಲಿ ಅವರ ಸದಸ್ಯತ್ವಕ್ಕೆ ಮುತ್ತುಗಳು ಒಪ್ಪಿಗೆಯಾಗಿವೆ.
ಸರಳವಾದ ಸ್ಟಡ್ ಕಿವಿಯೋಲೆ ಮತ್ತು ಸಣ್ಣ ಬ್ರಾಸ್ಲೆಟ್ಗಳ ಆಯ್ಕೆ ಮೂಲಕ ಅವರ ಆಯ್ಕೆಯನ್ನು ಅರ್ಥ ಮಾಡಿಕೊಳ್ಳಬಹುದು. ಇವು ಉದ್ದೇಶ ಮತ್ತು ವಾಸ್ತವಿಕತೆಯ ಸಂದೇಶವನ್ನು ಹೊಂದಿದೆ.
ಮಹಿಳಾ ಉದ್ಯೋಗಿಗಳಿಗೆ ಸ್ಫೂರ್ತಿಯಾದ ಕಮಲಾ ಸ್ಟೈಲ್: ಟೈಲರಿಂಗ್ ಮೂಲಕ ಗಮನ ಸೆಳೆಯಿರಿ: ಅತ್ಯುತ್ತಮ ಫಿಟ್ ಆಗಿರುವ ಸೂಟ್ಗಳ ಮೂಲಕ ಹ್ಯಾರಿಸ್ ದಿರಿಸುಗಳಿವೆ. ಅವರ ಲುಕ್ನ ಸಾಧನೆಯಲ್ಲಿ ಟೈಲರಿಂಗ್ ಪಾತ್ರವೂ ಇದೆ. ಸರಿಯಾದ, ಫಿಟ್ ಉಡುಗೆಗಳು ಆತ್ಮಸ್ಥೈರ್ಯ ಮತ್ತು ನಿಯಂತ್ರಣವನ್ನು ತೋರಿಸಿದೆ. ಉತ್ತಮ ಬಣ್ಣ ಮತ್ತು ಗುರಿ ಆಯ್ಕೆ ಮುಖ್ಯ.
ಬಣ್ಣದ ಆಯ್ಕೆ: ತಟಸ್ಥ ಬಣ್ಣದ ಆಯ್ಕೆಗಳು ಹಾಗೂ ಪ್ಯಾಲೆಟ್ ಬಣ್ಣಗಳು ಅಧಿಕಾರವನ್ನು ಸೂಚಿಸುತ್ತವೆ. ಈ ಅಧಿಕಾರವೂ ಅತಿಶಯವಾಗದಂತೆ ಅನುಭವಿಸುವಂತೆ ಮಾಡುತ್ತದೆ. ಈ ಬಣ್ಣಗಳು ಹೆಚ್ಚಾಗಿ ಒಬ್ಬರ ಧ್ವನಿ ಮತ್ತು ಆಲೋಚನೆಗಳ ಮೇಲೆ ಕೇಂದ್ರೀಕರಿಸಲು ಸಹಾಯ ಮಾಡುತ್ತವೆ.
ಶೂಗಳ ಆಯ್ಕೆ: ಕಾನ್ವರ್ಸ್ ಸ್ನೀಕರ್ಸ್ ದೃಢೀಕರಣ ಹೊಂದಿದೆ. ಇದರ ಅನಿರೀಕ್ಷಿತ ವಸ್ತುಗಳನ್ನು ವಿಲೀನಗೊಳಿಸದಿರುವುದು ಹೊಳಪು ಮತ್ತು ವೈಯಕ್ತಿಕ ಎರಡೂ ನೋಟವನ್ನು ರಚಿಸಬಹುದು.
ಕ್ಲಾಸಿಕ್ ಆಭರಣಕ್ಕೆ ಮಣೆ: ಮುತ್ತಿನ ಆಭರಣ ಅವರ ಸಿಗ್ನೇಚರ್ ಆಗಿದೆಯಾದರೂ ಇದು ಉತ್ತಮ ಆಯ್ಕೆಯಾಗಿದೆ. ಸರಳ, ಕ್ಲಾಸಿಕ್ ಆಭರಣಗಳು ಅರ್ಥಗಳನ್ನು ಹೊಂದಿದ್ದು, ಇದು ವ್ಯಕ್ತಿಗಳ ಇತಿಹಾಸ ಕುರಿತು ತಿಳಿಸುತ್ತವೆ. ಕಡಿಮೆಇದ್ದಷ್ಟು ಸುಂದರ ಎಂಬ ಮಾತನ್ನು ಬಿಂಬಿಸುತ್ತದೆ.
ಯೂನಿಫಾರ್ಮ್ ಸ್ಥಿರತೆಯನ್ನು ಬಿಂಬಿಸುತ್ತದೆ. ಅವರ ಯೂನಿಫಾರ್ಮ್ಗಳು ಆಪ್ತತೆ ಮತ್ತು ಮರುಭರವಸೆಯನ್ನು ನೈಜ ಸ್ಟೈಲ್ನಲ್ಲಿ ಸ್ಥಾಪಿಸುತ್ತದೆ. ಅವರ ನೋಟದಲ್ಲಿ ಆತ್ಮಸ್ಥೈರ್ಯ ಮತ್ತು ಸ್ಥಿರತೆಯನ್ನು ಮುಂದುವರೆಸುತ್ತದೆ.
ಇದನ್ನೂ ಓದಿ: ಬಾಹ್ಯಾಕಾಶ ನಿಲ್ದಾಣದಲ್ಲಿ 192 ದಿನ ಕಳೆದು ಭೂಮಿಗೆ ಮರಳಿದ 3 ಚೀನಿ ಗಗನಯಾತ್ರಿಗಳು
