ಹೈದರಾಬಾದ್: ಬೆಳಗ್ಗೆ ಎದ್ದಾಕ್ಷಣ ಕಾಡುವ ಕೆಲವು ಸೂಚನೆಗಳು ಅನೇಕ ಸಮಸ್ಯೆಗಳ ಲಕ್ಷಣವಾಗಿರುತ್ತವೆ. ಈ ಮೂಲಕವೇ ನಿಮಗೆ ಮಧುಮೇಹ ಇದೆಯಾ ಅಥವಾ ಇಲ್ಲವಾ ಎಂಬುದರ ಕುರಿತು ತಿಳಿಯಬಹುದಾಗಿದೆ. ವಿಶೇಷವಾಗಿ ಬೆಳಗ್ಗೆ ಎದ್ದಾಕ್ಷಣದಲ್ಲಿ ಕಾಡುವ ಈ ಸೂಚನೆಗಳು ರಕ್ತದ ಗ್ಲುಕೋಸ್ ಮಟ್ಟದಲ್ಲಿನ ಏರಿಳಿತವನ್ನು ತೋರಿಸುತ್ತವೆ. ಇದನ್ನು ನಿರ್ಲಕ್ಷಿಸದೇ ತಕ್ಷಣಕ್ಕೆ ತಪಾಸಣೆ ಮಾಡಿಸಿಕೊಂಡು, ಅಗತ್ಯ ಮುನ್ನೆಚ್ಚರಿಕೆ ವಹಿಸಬೇಕಿದೆ. ಯಾವ ರೀತಿ ಸೂಚನೆ ಕಂಡುಬಂದರೆ ಅದು ಮಧುಮೇಹದ ಲಕ್ಷಣ ಎಂಬುದಕ್ಕೆ ಇಲ್ಲಿದೆ ಉತ್ತರ.
ಅತಿಯಾದ ಬಾಯಾರಿಕೆ (ಹೈಪರ್ಗ್ಲೈಸೆಮಿಯಾ): ಈ ರೀತಿಯ ಲಕ್ಷಣ ಕಾಣಿಸಿಕೊಳ್ಳಲು ಮುಖ್ಯ ಕಾರಣ ಎಂದರೆ ಬೆಳಗ್ಗೆ ಎದ್ದಾಕ್ಷಣ ರಕ್ತದಲ್ಲಿ ಸಕ್ಕರೆ ಮಟ್ಟ ಹೆಚ್ಚಿರುವುದು. ಈ ಬದಲಾವಣೆ ಬೆಳಗ್ಗೆ 4 ರಿಂದ 8ಗಂಟೆ ಸುಮಾರಿಗೆ ಕಾಣುತ್ತದೆ. ಅಧಿಕ ಸಕ್ಕರೆ ಮಟ್ಟವೂ ಅತಿಯಾದ ಬಾಯಾರಿಕೆಗೆ ಕಾರಣವಾಗಿದೆ. ಅಧಿಕ ರಕ್ತ ಸಕ್ಕರೆ ಮಟ್ಟವನ್ನು ನಿಯಂತ್ರಿಸದೇ ಹೋದಲ್ಲಿ, ಗ್ಲೂಕೋಸ್ ಹೆಚ್ಚುತ್ತದೆ. ಈ ಸಂದರ್ಭದಲ್ಲಿ ದ್ರವವನ್ನು ದೇಹ ಬೇಡುತ್ತದೆ. ಇದು ನಿರ್ಜಲೀಕರಣ ಮತ್ತು ಬಾಯಾರಿಕೆಗೆ ಕಾರಣವಾಗುತ್ತದೆ.
ಪದೇ ಪದೇ ಶೌಚಕ್ಕೆ ಹೋಗುತ್ತೀರಾ: ದೇಹದಲ್ಲಿ ಅಧಿಕ ಸಕ್ಕರೆ ಮಟ್ಟ ಇದ್ದಲ್ಲಿ ಪದೇ ಪದೇ ಮೂತ್ರಕ್ಕೆ ಹೋಗುವಂತೆ ಆಗುತ್ತದೆ. ರಾತ್ರಿ ಸಮಯ ಮತ್ತು ಬೆಳಗಿನಜಾವ ಇದು ಹೆಚ್ಚಾಗುತ್ತದೆ. ಗ್ಲುಕೋಸ್ ಶೋಧಿಸಲು ಕಿಡ್ನಿ ಹೆಚ್ಚು ಯೂರಿನ್ ಉತ್ಪಾದಿಸುತ್ತದೆ.
ಬೆಳಗಿನ ಆಯಾಸ: ಬೆಳಗ್ಗೆ ಎದ್ದಾಕ್ಷಣವೇ ಆಯಾಸ ಕಾಡಿದರೆ, ಅದು ಅಧಿಕ ಸಕ್ಕರೆ ಮಟ್ಟದ ಸೂಚನೆಯಾಗಿರುತ್ತದೆ. ಗ್ಲುಕೋಸ್ ಮಟ್ಟ ಕುಸಿದಾಗ ದೇಹವೂ ಶಕ್ತಿಯುತವಾಗಿ ಇರಲು ಸಾಧ್ಯವಾಗುವುದಿಲ್ಲ. ಇದರಿಂದ ಬೆಳಗಿನ ಹೊತ್ತು ಆಯಾಸ ಉಂಟಾಗುತ್ತದೆ. ಪದೇ ಪದೇ ಮೂತ್ರಕ್ಕೆ ಹೋಗುವುದು. ನಿದ್ರೆ ಕೊರತೆ ಕೂಡ ಅನೇಕ ಬಾರಿ ಬೆಳಗಿನ ಆಯಾಸಕ್ಕೆ ಕಾರಣವಾಗುತ್ತದೆ.
ತಲೆನೋವು: ಮಧುಮೇಹ ಹೊಂದಿರುವವರಲ್ಲಿ ಸಾಮಾನ್ಯವಾಗಿ ಕಾಣುವ ಲಕ್ಷಣ ತಲೆನೋವು. ಸಕ್ಕರೆ ಮಟ್ಟ ಹೆಚ್ಚಿದ್ದರೆ ಅದು ಹೈಪರ್ಗ್ಲೈಸೆಮಿಯಾ ಎಂದು ಕರೆಯುತ್ತಾರೆ. ಇದು ಕಡಿಮೆಯಾದರೆ ಹೈಪೊಗ್ಲೈಸೆಮಿಯಾ ಎಂದು ಕರೆಯುತ್ತಾರೆ. ಇದು ತಲೆನೋವಿಗೆ ಕಾರಣವಾಗುತ್ತದೆ.
ಒಣ ಬಾಯಿ: ಬೆಳಗ್ಗೆ ಎದ್ದಾಕ್ಷಣ ಬಾಯಿ ಒಣಗಿದಂತೆ ಕಾಣುತ್ತದೆ. ಇದಕ್ಕೆ ಪ್ರಮುಖ ಕಾರಣ ಸಕ್ಕರೆ ಮಟ್ಟ ಹೆಚ್ಚಳ. ದೇಹದಲ್ಲಿ ದ್ರವ ನಷ್ಟವಾದರೆ, ನಿರ್ಜಲೀಕರಣಗೊಂಡು ಬಾಯಿ ಒಣಗಿದ ಅನುಭವ ಆಗುತ್ತದೆ.
ಹಸಿವು ಹೆಚ್ಚಳ: ಇನ್ಸುಲಿನ್ ಕಡಿಮೆ ಆದಾಗ ದೇಹದಲ್ಲಿ ಗ್ಲುಕೋಸ್ ಮಟ್ಟ ಕಡಿಮೆಯಾಗುತ್ತದೆ. ಹೀಗಾಗಿ ಹಸಿವೆ ಕಾಡುತ್ತದೆ. ಊಟದ ಬಳಿಕವೂ ಪದೇ ಪದೇ ಹಸಿವು ಕಾಡುವುದು ಮಧುಮೇಹದ ಲಕ್ಷಣ. ಬೆಳಗಿನ ಹೊತ್ತು ಈ ಎಲ್ಲಾ ಲಕ್ಷಣಗಳು ಕಾಸಿಕೊಂಡಾಕ್ಷಣ ವೈದ್ಯಕೀಯ ಚಿಕಿತ್ಸೆ ಪಡೆಯುವುದು ಅಗತ್ಯ. ಆರಂಭಿಕ ಹಂತದಲ್ಲೇ ಈ ಎಲ್ಲಾ ಲಕ್ಷಣಗಳನ್ನು ಪತ್ತೆ ಮಾಡಿ, ಚಿಕಿತ್ಸೆ ನೀಡುವುದು ಅಗತ್ಯವಾಗಿದೆ. ಇದರಿಂದ ಆಗಬಹುದಾದ ಗಂಭೀರ ಸಮಸ್ಯೆಗಳನ್ನು ತಪ್ಪಿಸಬಹುದಾಗಿದೆ.
ಮುಖ್ಯ ಸೂಚನೆ : ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ತಿಳುವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರರ ಸಲಹೆಯನ್ನು ಆಧರಿಸಿ ಈ ಮಾಹಿತಿ ಸಿದ್ಧಪಡಿಸಲಾಗಿದೆ. ಇದನ್ನು ಅನುಸರಿಸುವ ಮೊದಲು ನಿಮ್ಮ ಆಪ್ತ ವೈದ್ಯರ ಸಲಹೆ ಪಡೆಯುವುದು ಉತ್ತಮ.
ಇದನ್ನೂ ಓದಿ: ಬೆವರುವಿಕೆ ಆರೋಗ್ಯಕ್ಕೆ ಒಳ್ಳೆಯದು; ಆದರೆ, ಅತಿ ಬೆವರುವಿಕೆ ಡೇಂಜರಸ್.. ಹಾಗೇಕೆ ಅಂತೀರಾ?
