ರಶ್ಮಿಕಾ ಮಂದಣ್ಣ 2024ರ ಜನ್ಮದಿನವನ್ನು ವಿಶೇಷವಾಗಿ ಆಚರಿಸಲಾಗುತ್ತಿದೆ. ನಟಿ ಕೈಯಲ್ಲಿ 4 ಚಿತ್ರಗಳಿದ್ದು, ಇದೀಗ ಒಂದು ಚಿತ್ರದ ಪೋಸ್ಟರ್ ಅನಾವರಣಗೊಂಡಿದೆ. ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದಾದ 'ದಿ ಗರ್ಲ್ಫ್ರೆಂಡ್'ನ ಎರಡು ಪೋಸ್ಟರ್ಗಳನ್ನು ಬಿಡುಗಡೆ ಮಾಡಲಾಗಿದೆ. ದಿ ಗರ್ಲ್ಫ್ರೆಂಡ್ ರಶ್ಮಿಕಾ ಅವರನ್ನು ಒಳಗೊಂಡ ಸೋಲೋ ಲೀಡ್ ಥ್ರಿಲ್ಲರ್ ಎಂದು ಹೇಳಲಾಗಿದೆ. ಚಿತ್ರ ತಯಾರಕರು ನಟಿಯ ಎರಡು ಲುಕ್‌ಗಳನ್ನು ಬಿಡುಗಡೆ ಮಾಡೋ ಮೂಲಕ ರಶ್ಮಿಕಾ ಅವರಿಗೆ ವಿಶೇಷವಾಗಿ ಶುಭ ಕೋರಿದ್ದಾರೆ.
'ದಿ ಗರ್ಲ್ಫ್ರೆಂಡ್' ಚಿತ್ರದ ಹಿಂದಿರುವ ದಕ್ಷಿಣ ಚಿತ್ರರಂಗದ ಖ್ಯಾತ ಚಲಚನಚಿತ್ರ ನಿರ್ಮಾಣ ಸಂಸ್ಥೆ 'ಗೀತಾ ಆರ್ಟ್ಸ್' ಇಂದು ಎರಡು ಲುಕ್ ಪೋಸ್ಟರ್ಗಳನ್ನು ಹಂಚಿಕೊಂಡಿದೆ. ಜನಪ್ರಿಯ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ಗಳಲ್ಲಿ ಚಿತ್ರದಿಂದ ನಟಿಯ ನೋಟವನ್ನು ಪರಿಚಯಿಸಿದ ಚಿತ್ರ ತಯಾರಕರು "ಜನ್ಮದಿನದ ಶುಭಾಶಯಗಳು ರಶ್ಮಿಕಾ" ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ..
ಪೋಸ್ಟರ್ಗಳಲ್ಲಿ ನಟಿ ಕಾಲೇಜು ಹುಡುಗಿಯಂತೆ ಕಾಣಿಸಿಕೊಂಡಿದ್ದಾರೆ. ಸಂಪೂರ್ಣ ಸಂಪ್ರದಾಯವೂ ಅಲ್ಲ, ಇತ್ತ ಕಂಪ್ಲೀಟ್ ಮಾರ್ಡನ್ ಕೂಡ ಅಲ್ಲ ಎಂಬಂತೆ ಸೆಮಿ ಮಾರ್ಡನ್ ಲುಕ್ನಲ್ಲಿ ಬಹಳ ಆಕರ್ಷಕವಾಗಿ ಕಾಣಿಸಿಕೊಂಡಿದ್ದಾರೆ. ಸರಳ ಸುಂದರಿಯಂತ ನೋಟ ಈ ಪೋಸ್ಟರ್ಗಳಲ್ಲಿದೆ. ಒಂದು ಪೋಸ್ಟರ್‌ನಲ್ಲಿ, ನೋಟ್ಬುಕ್ ಮತ್ತು ಪೆನ್‌ ಹಿಡಿದು ನಮ್ಮತ್ತ ನೋಡಿದ್ದಾರೆ. ಮತ್ತೊಂದರಲ್ಲಿ, ಕಾಲೇಜ್ ಬ್ಯಾಗ್ ಹಿಡಿದು ಹೊರಟಿದ್ದಾರೆ. ಕಾಲೇಜು ಕ್ಯಾಂಪಸ್ ಸುತ್ತ ಜರುಗುವ ಕಥೆ ಎಂಬುದು ಸದ್ಯ ಅನಾವರಣಗೊಂಡಿರುವ ಪೋಸ್ಟರ್ ಹೇಳುತ್ತಿದೆ.
ರಶ್ಮಿಕಾ ಲೀಡ್ ರೋಲ್ನಲ್ಲಿರುವ 'ದಿ ಗರ್ಲ್ಫ್ರೆಂಡ್' ಚಿತ್ರವನ್ನು 2023ರ ಏಪ್ರಿಲ್ನಲ್ಲಿ ಅಧಿಕೃತವಾಗಿ ಘೋಷಿಸಲಾಯಿತು. ಮಹಿಳಾ ಕೇಂದ್ರಿತ ಚಿತ್ರವನ್ನು ಅಲ್ಲು ಅರವಿಂದ್ ಪ್ರಸ್ತುತಪಡಿಸುತ್ತಿದ್ದಾರೆ. ಈ ಹಿಂದೆ, ರಶ್ಮಿಕಾ ಅವರ ಹುಟ್ಟುಹಬ್ಬದಂದು ಟೀಸರ್ ರಿಲೀಸ್ ಮಾಡುವುದಾಗಿ ಚಿತ್ರತಯಾರಕರು ತಿಳಿಸಿದ್ದರು. ಅದಾಗ್ಯೂ, ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳಲ್ಲಿ ವಿಳಂಬವಾದ ಕಾರಣ, ಅಭಿಮಾನಿಗಳಿಗೀಗ ಚಿತ್ರದ ಪೋಸ್ಟರ್‌ಗಳಷ್ಟೇ ಲಭ್ಯವಾಗಿದೆ. ರಶ್ಮಿಕಾ ಬಣ್ಣ ಹಚ್ಚಿರುವ ಸಿನಿಮಾವನ್ನು ರಾಹುಲ್ ರವೀಂದ್ರನ್ ನಿರ್ದೇಶಿಸಿದ್ದಾರೆ.
ಇದನ್ನೂ ಓದಿ: ಹ್ಯಾಪಿ ಬರ್ತ್ಡೇ ರಶ್ಮಿಕಾ: 'ಕಿರಿಕ್ ಪಾರ್ಟಿ' ಬೆಡಗಿಯ ಸಿನಿಪಯಣ - HBD Rashmika Mandanna
ಈ ಹಿಂದೆ ಡಬ್ಬಿಂಗ್ ಸೆಷನ್ ಬಗ್ಗೆ ನಿರ್ದೇಶಕ ರಾಹುಲ್ ರವೀಂದ್ರನ್ ಟ್ವೀಟ್ ಮಾಡಿದ್ದರು. ರಶ್ಮಿಕಾ ಅವರು ಮೊದಲ ಬಾರಿ ಮಲಯಾಳಂ ಡಬ್ ಮಾಡಿದ್ದರೂ ಬಹಳ ಉತ್ತಮವಾಗಿ ನಿರ್ವಹಿಸಿದ್ದಾರೆ ಎಂದು ನಿರ್ದೇಶಕರು ಹೊಗಳಿದ್ದರು. ರಶ್ಮಿಕಾ 'ದಿ ಗರ್ಲ್ಫ್ರೆಂಡ್' ಟೀಸರ್‌ಗೆ ಕನ್ನಡ, ತಮಿಳು, ಹಿಂದಿ, ತೆಲುಗು, ಮಲಯಾಳಂ ಭಾಷೆಗಳಲ್ಲಿ ಡಬ್ ಮಾಡಿದ್ದಾರೆ. ಇಂದು ಟೀಸರ್ ಅನಾವರಣಗೊಳ್ಳಬೇಕಿತ್ತು. ಆದರೆ ಸಾಧ್ಯವಾಗಿಲ್ಲ. ಶೀಘ್ರವೇ ಬಿಡುಗಡೆ ಆಗಬಹುದೆಂಬ ನಿರೀಕ್ಷೆಯಲ್ಲಿ ಅಭಿಮಾನಿಗಳಿದ್ದಾರೆ.
ಇದನ್ನೂ ಓದಿ: ರಶ್ಮಿಕಾ ಮಂದಣ್ಣ ಟಾಪ್ 10 ಸಿನಿಮಾಗಳ ಪಟ್ಟಿ ಇಲ್ಲಿದೆ: ಮುಂದಿನ ಚಿತ್ರಗಳ್ಯಾವುವು? - Rashmika Mandanna
