ಮುಂಬೈ: ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ವಿವಾಹ ಪೂರ್ವ ಸಮಾರಂಭ ಇಂದಿಗೂ ಚರ್ಚಿತ ವಿಷಯವಾಗಿದೆ. ಮಾರ್ಚ್ 1ರಿಂದ 3ರವರೆಗೆ ನಡೆದ ಈ ಮೆಗಾ ಕಾರ್ಯಕ್ರಮದಲ್ಲಿ ಬಾಲಿವುಡ್ ತಾರೆಯರು ಭಾಗಿಯಾಗಿದ್ದರು. ಅಷ್ಟೇ ಅಲ್ಲ, ವಿದೇಶಿ ತಾರೆಯರು ಕೂಡ ಆಗಮಿಸಿ, ಅದ್ದೂರಿ ಪ್ರದರ್ಶನ ನೀಡಿ, ಗಮನ ಸೆಳೆದಿದ್ದರು. ಈ ತಾರೆಯರ ನೃತ್ಯ ಪ್ರದರ್ಶನ ಸೇರಿದಂತೆ ಅವರ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದವು. ಅದರಲ್ಲಿ ಒಂದು ಚಿತ್ರ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಅದುವೇ ಶಾರುಖ್ ಖಾನ್ ಮತ್ತು ಪಾಪ್ ಸ್ಟಾರ್ ರಿಹಾನ್ನಾ ಫೋಟೋ.
ಪಾಪ್ ತಾರೆ ರಿಹಾನ್ನಾ ನಟ ಶಾರುಖ್ ಖಾನ್ ಹೆಗಲ ಮೇಲೆ ಕೈ ಹಾಕಿ ತೆಗೆಸಿಕೊಂಡಿರುವ ಫೋಟೋ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲೆಡೆ ಹರಿದಾಡುತ್ತಿದೆ. ಈ ಚಿತ್ರವನ್ನು ಓರಿ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೋಗಳನ್ನು ಹಂಚಿಕೊಂಡಿರುವ ಓರಿ, ನನ್ನ ಸಂಪಾದನೆಯ ಪ್ರಯಾಣವೂ ಇದೀಗ ಉತ್ತಮ ಸ್ಥಾನದಲ್ಲಿದೆ. ಇದೀಗ ಜಮ್ನಗರದಲ್ಲಿ ಪ್ರೀತಿಯನ್ನು ಕಂಡು ಕೊಂಡಿದೆ ಎಂದಿದ್ದಾರೆ. ನನ್ನ ಆರಂಭದ ಪ್ರಯಾಣ ಇದೀಗ ಇಂತಹ ನಟರ ಭೇಟಿ ಮಾಡುವ ಹಂತಕ್ಕೆ ಬೆಳೆದು ನಿಂತಿದೆ. ಅಷ್ಟೇ ಅಲ್ಲದೆ, ಅನಂತ್ ಅಂಬಾನಿ ಕುಟುಂಬದ ಕಾರ್ಯಕ್ರಮದಲ್ಲಿ ಭಾಗಿಯಾಗುವ ಮಟ್ಟಿಗೆ ಪ್ರೀತಿ ಸಂಪಾದಿಸುವಷ್ಟು ನನ್ನ ಪ್ರಯಾಣ ಸಾಗಿದೆ ಎಂದು ಅವರು ಹೇಳಿಕೊಂಡಿದ್ದಾರೆ.
ಓರಿ ಅನೇಕ ಫೋಟೋ ಹಂಚಿಕೊಂಡಿದ್ದು, ಮೊದಲ ಎರಡು ಚಿತ್ರದಲ್ಲಿ ರಿಹಾನ್ನಾ ಅವರನ್ನು ಕಾಣಬಹುದಾಗಿದೆ, ಇದೇ ವೇಳೆ, ಮೂರನೇ ಫೋಟೋದಲ್ಲಿ ಡ್ಯಾನ್ಸ್ ಮಾಡುತ್ತಿರುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.
ರಿಹಾನ್ನಾ ಮತ್ತು ಶಾರುಖ್ ಖಾನ್ ಅವರ ಫೋಟೋದಲ್ಲಿ ಗಾಯಕಿ ಗುಲಾಬಿ ಬಣ್ಣದ ದಿರಿಸಿನಲ್ಲಿ ಕಂಗೊಳಿಸಿದರೆ, ಶಾರುಖ್ ಖಾನ್ ಕಪ್ಪು ಬಣ್ಣದ ಸೂಟ್ನಲ್ಲಿ ಕಂಡಿದ್ದಾರೆ. ಮತ್ತೊಂದು ಫೋಟೋದಲ್ಲಿ ರಿಹನ್ನಾ ಅನಂತ್ ಮತ್ತು ರಾಧಿಕ ಅವರಿಗೆ ಪ್ರೀತಿ ವ್ಯಕ್ತಪಡಿಸುತ್ತಿರುವುದನ್ನು ಕಾಣಬಹುದಾಗಿದೆ.
ದೇಸಿ ಉಡುಗೆಯಲ್ಲಿ ಕಂಗೊಳಿಸಿದ ರಿಹಾನ್ನಾ: ಖ್ಯಾತ ಪಾಪ್ ಗಾಯಕಿ ರಿಹಾನ್ನಾ ದೇಸಿ ಲುಕ್ನಲ್ಲಿರುವ ಫೋಟೋವನ್ನು ಹಂಚಿಕೊಂಡಿದ್ದರು. ಹಸಿರು - ಗುಲಾಬಿ ಬಣ್ಣದ ಕಸೂತಿ ಧಿರಿಸಿಗೆ ಪಚ್ಚೆಯ ಭಾರೀ ಆಭರಣ ಮತ್ತು ಕಿವಿ ಓಲೆಯನ್ನು ತೊಟ್ಟಿದ್ದರು.
ಇದನ್ನೂ ಓದಿ: ಅಂಬಾನಿ ಪುತ್ರನ ಪ್ರಿ-ವೆಡ್ಡಿಂಗ್ ವೈಭವ: ಒಂದೇ ವೇದಿಕೆಯಲ್ಲಿ ಶಾರುಖ್, ಅಮೀರ್, ಸಲ್ಮಾನ್ ಡ್ಯಾನ್ಸ್ ಝಲಕ್‌
