2023ರಲ್ಲಿ ಬ್ಲಾಕ್ಬಸ್ಟರ್ ಸಿನಿಮಾಗಳನ್ನು ಕೊಟ್ಟು, ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ತಮ್ಮ ತಂಡ ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ಗೆದ್ದ ಖುಷಿಯಲ್ಲಿರುವ ಬಾಲಿವುಡ್ ಬಾದ್ಶಾ ಶಾರುಖ್ ಖಾನ್ ಅವರ ಮುಂದಿನ ಪ್ರೊಜೆಕ್ಟ್ಗಳ ಬಗ್ಗೆ ಸಾಕಷ್ಟು ನಿರೀಕ್ಷೆಗಳಿವೆ. ಸೂಪರ್ ಹಿಟ್ ಪಠಾಣ್, ಜವಾನ್ ಮತ್ತು ಡುಂಕಿಯಂತಹ ಹಿಟ್ ಸಿನಿಮಾಗಳ ಮೂಲಕ ಭರವಸೆ ಹೆಚ್ಚಿಸಿರುವ ಎಸ್ಆರ್ಕೆ ತಮ್ಮ ಅಪಾರ ಸಂಖ್ಯೆಯ ಅಭಿಮಾನಿಗಳಿಗೆ ಮತ್ತೊಂದು ಅದ್ಭುತ ಸಿನಿಮಾ ನೀಡಲು ಸಜ್ಜಾಗಿದ್ದಾರೆ. ಈ ಬಾರಿ ಮಗಳು ಸುಹಾನಾ ಖಾನ್ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ.
ಎಸ್ಆರ್ಕೆ ಮುಖ್ಯಭೂಮಿಕೆಯ ಮುಂದಿನ ಪ್ರಾಜೆಕ್ಟ್ ಸಾಕಷ್ಟು ಚರ್ಚೆಯಲ್ಲಿದೆ. ಸುಜೋಯ್ ಘೋಷ್ ನಿರ್ದೇಶನದ 'ಕಿಂಗ್'ನತ್ತ ಶಾರುಖ್ ಗಮನ ಹರಿಸಿದ್ದಾರೆ ಎಂದು ಅಭಿಮಾನಿಗಳು ಊಹಿಸಿದ್ದಾರೆ. ಶೂಟಿಂಗ್ ಸೆಟ್ನದ್ದು ಎನ್ನಲಾದ ಫೋಟೋವೊಂದು ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿದ್ದು, ವದಂತಿಗಳಿಗೆ ತುಪ್ಪ ಸುರಿದಿದೆ. ಸೋಷಿಯಲ್ ಮೀಡಿಯಾ ಪೋಸ್ಟ್, ಶೂಟಿಂಗ್ ಸ್ಪೇನ್ನಲ್ಲಿ ನಡೆಯುತ್ತಿದೆ ಎಂಬುದಾಗಿ ಸೂಚಿಸಿದೆ. ಅದಾಗ್ಯೂ, ಅಧಿಕೃತ ಘೋಷಣೆಗೆ ಕಾಯಲಾಗಿದೆ.
ಈ ವಾರಾಂತ್ಯ, ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್ ಬಳಕೆದಾರರು ಶಾರುಖ್ ಖಾನ್ ಅವರ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಇದು ಕಿಂಗ್ ಶೂಟಿಂಗ್ ಸೆಟ್, ಸ್ಪೇನ್ನಲ್ಲಿ ಚಿತ್ರೀಕರಣ ನಡೆಯುತ್ತಿದೆ ಎಂದು ಸುಳಿವು ನೀಡಿದ್ದಾರೆ. ಸಮುದ್ರ/ನದಿ ಮತ್ತು ಭವ್ಯ ಪರ್ವತಗಳನ್ನು ಒಳಗೊಂಡಿರುವ ಹಿನ್ನೆಲೆಯಲ್ಲಿ, ಶಾರುಖ್ ಖಾನ್ ಬ್ಲ್ಯೂ ಸೂಟ್ ಧರಿಸಿ ಕುಳಿತಿದ್ದಾರೆ. ಪುರುಷರ ಗುಂಪಿನೊಂದಿಗೆ ಎಸ್ಆರ್ಕೆ ಸಂಭಾಷಣೆಯಲ್ಲಿ ಮುಳುಗಿರುವುದನ್ನು ಈ ಚಿತ್ರ ತೋರಿಸಿದೆ.
ಈ ಫೋಟೋವನ್ನು ಇನ್ನೂ ದೃಢೀಕರಿಸಲಾಗಿಲ್ಲ. ಚಿತ್ರ ತಯಾರಕರಿಂದ ಇನ್ನೂ ಯಾವುದೇ ಅಧಿಕೃತ ಮಾಹಿತಿಯೂ ಹೊರಬಿದ್ದಿಲ್ಲ. ಅಭಿಮಾನಿಗಳಲ್ಲಿ ಉತ್ಸಾಹ ಹೆಚ್ಚಾಗುತ್ತಲೇ ಇದ್ದು, ಅಧಿಕೃತ ಘೋಷಣೆ ಮಾಡುವಂತೆ ಒತ್ತಾಯಿಸುತ್ತಿದ್ದಾರೆ.
ಕಿಂಗ್ ಸಿನಿಮಾ ಬಗ್ಗೆ ಗಮನಿಸುವುದಾದರೆ, ಶಾರುಖ್ ಇತ್ತೀಚೆಗೆ ಜುಲೈ-ಆಗಸ್ಟ್‌ನಲ್ಲಿ ಚಿತ್ರೀಕರಣ ಪ್ರಾರಂಭಿಸುವ ಸುಳಿವು ನೀಡಿದ್ದರು. ಇತ್ತೀಚಿನ ಫೋಟೋ - ವಿಡಿಯೋ ಅಭಿಮಾನಿಗಳ ಕುತೂಹಲ ಕೆರಳಿಸಿದೆ. ಏಕೆಂದರೆ, ಶಾರುಖ್ ಚೇರ್ ಪಕ್ಕದಲ್ಲಿ 'ಕಿಂಗ್ ಸ್ಕ್ರಿಪ್ಟ್' ಇರುವುದನ್ನು ಅಭಿಮಾನಿಗಳು ಗಮನಿಸಿದ್ದಾರೆ.
ಇದನ್ನೂ ಓದಿ: ಸಂದೇಶ್ ಪ್ರೊಡಕ್ಷನ್ ಜೊತೆ ಕೈಜೋಡಿಸಿದ ಕಿಚ್ಚ ಸುದೀಪ್ - Kichcha Sudeep New Movie
ವರದಿಗಳ ಪ್ರಕಾರ, ಡಾನ್ ಆಗಿ ಶಾರುಖ್ ಪುನರಾಗಮನಕ್ಕೆ ಕಿಂಗ್ ಸಾಕ್ಷಿಯಾಗಲಿದೆ. ಅಲ್ಲದೇ ಪುತ್ರಿ ಸುಹಾನಾ ಖಾನ್ ಅವರ ಚಿತ್ರಮಂದಿರದಲ್ಲಿ ಬಿಡುಗಡೆ ಆಗಲಿರುವ ಚೊಚ್ಚಲ ಚಿತ್ರವೂ ಹೌದು. ಈಗಾಗಲೇ ಬಂದಿರುವುದು ಒಟಿಟಿ ಪ್ರೊಜೆಕ್ಟ್. ಕಳೆದ ವರ್ಷ ಜೋಯಾ ಅಖ್ತರ್ ಅವರ ನೆಟ್‌ಫ್ಲಿಕ್ಸ್ ಚಿತ್ರ 'ದಿ ಆರ್ಚೀಸ್' ಮೂಲಕ ನಟನೆಗೆ ಪಾದಾರ್ಪಣೆ ಮಾಡಿದ್ದಾರೆ. ಸುಹಾನಾ, ಕಿಂಗ್ ಮೂಲಕ ಇದೇ ಮೊದಲ ಬಾರಿಗೆ ತಮ್ಮ ತಂದೆಯೊಂದಿಗೆ ಸ್ಕ್ರೀನ್ ಶೇರ್ ಮಾಡಲು ಸಿದ್ಧರಾಗಿದ್ದಾರೆ.
ಇದನ್ನೂ ಓದಿ: ಬ್ರೇಕಪ್ ವದಂತಿ: ಕುತೂಹಲ ಹುಟ್ಟಿಸಿದ ಅರ್ಜುನ್ ಕಪೂರ್ ಇನ್ಸ್ಟಾಗ್ರಾಂ ಸ್ಟೋರಿ - Arjun Kapoor Instagram Story
ಶಾರುಖ್ ಅವರ ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್ ಮತ್ತು ಪಠಾಣ್ ನಿರ್ದೇಶಕ ಸಿದ್ಧಾರ್ಥ್ ಆನಂದ್ ಅವರ ಮಾರ್ಫ್ಲಿಕ್ಸ್ ಪಿಕ್ಚರ್ಸ್‌ನ ಸಹ-ನಿರ್ಮಾಣದಲ್ಲಿ ಈ ಕಿಂಗ್ ಚಿತ್ರ ಮೂಡಿಬರಲಿದ್ದು, ಮೊದಲ ಬಾರಿಗೆ ತಂದೆ-ಮಗಳು ಒಂದೇ ಪರದೆಯಲ್ಲಿ ಕಾಣಿಸಿಕೊಳ್ಳುವಂತಹ ರೋಮಾಂಚಕಾರಿ ಯೋಜನೆಯ ಭರವಸೆ ನೀಡಿದೆ.
