ಬಾಲಿವುಡ್ ನಟ ಶಾರುಖ್ ಖಾನ್ ಕಳೆದ ವರ್ಷ ಸೌತ್ ಸಿನಿಮಾ ಇಂಡಸ್ಟ್ರಿಯ ಜನಪ್ರಿಯ ನಟಿ ನಯನತಾರಾ ಜೊತೆ ತೆರೆ ಹಂಚಿಕೊಂಡಿದ್ದರು. ಇದೀಗ ದಕ್ಷಿಣದ ಮತ್ತೋರ್ವ ಸ್ಟಾರ್ ನಟಿಯೊಂದಿಗೆ ಸಿನಿಮಾ ಮಾಡಹೊರಟಿದ್ದಾರೆ ಎಂದು ವರದಿಯಾಗಿದೆ.
ಸೂಪರ್ ಹಿಟ್ 'ಪಿ.ಕೆ' ಖ್ಯಾತಿಯ ರಾಜ್‌ಕುಮಾರ್ ಹಿರಾನಿ ನಿರ್ದೇಶನದ ಸಿನಿಮಾದಲ್ಲಿ ಶಾರುಖ್ ಮತ್ತು ಸಮಂತಾ ಅಭಿನಯಿಸಲಿದ್ದಾರೆ. 2023ರ ಹಿಟ್ 'ಡಂಕಿ'ಯಲ್ಲಿ ಮೊದಲ ಬಾರಿಗೆ ಶಾರುಖ್ ಮತ್ತು ರಾಜ್‌ಕುಮಾರ್ ಹಿರಾನಿ ಕೆಲಸ ಮಾಡಿದ್ದರು. ಇದೀಗ ವರದಿಯಾಗಿರುವ ಹೊಸ ಪ್ರೊಜೆಕ್ಟ್ ಅಧಿಕೃತವಾದರೆ, ಖಾನ್-ಹಿರಾನಿ ಕಾಂಬೋದ ಎರಡನೇ ಚಿತ್ರವಾಗಲಿದೆ. ಸಾಹಸಮಯ, ದೇಶಭಕ್ತಿ ಕಥೆಯಾಧರಿತ ಚಿತ್ರ ಇದೆಂದು ಹೇಳಲಾಗಿದ್ದು, ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.
ಹಿರಾನಿ ಅವರ ಕಥೆ ಹೇಳುವ ಶೈಲಿ ಸಾಕಷ್ಟು ಜನಪ್ರಿಯವಾಗಿದೆ. ಶಾರುಖ್ ಹಾಗು ಸಮಂತಾ ಜನಪ್ರಿಯತೆ ಬಗ್ಗೆಯೂ ಹೆಚ್ಚು ಪರಿಚಯ ಬೇಕೆನಿಸದು. ಸಿನಿಮಾಗಳಿಂದ ಸಣ್ಣ ಬ್ರೇಕ್ ಪಡೆದಿರುವ ಸಮಂತಾಗೆ ಕಮ್‌ಬ್ಯಾಕ್ ಮಾಡಲು ಇದು ದೊಡ್ಡ ಪ್ರೊಜೆಕ್ಟ್ ಎಂದೇ ಹೇಳಬಹುದು.
ಇದನ್ನೂ ಓದಿ: 'ಕಲ್ಕಿ 2898 ಎಡಿ' ಸ್ಪೆಷಲ್ ಶೋಗೆ ತೆಲಂಗಾಣ ಸರ್ಕಾರ ಅನುಮತಿ: ಟಿಕೆಟ್‌ ದರದಲ್ಲಿ ಹೆಚ್ಚಳ! - Kalki Special Show
