ಅಭಿನಯ, ಸ್ಟಾರ್ಡಮ್ ಸುಲಭದ ಮಾತಲ್ಲ. ತೆರೆಮರೆಯ ಕಲಾವಿದರ ಪರಿಶ್ರಮ ನೋಡಿದರೆ ಇದು ತಿಳಿಯುತ್ತದೆ. ಪಾತ್ರಕ್ಕಾಗಿ ದೇಹ ತೂಕ ಹೆಚ್ಚು ಕಡಿಮೆ ಮಾಡಿಕೊಳ್ಳುವುದು, ಫಿಟ್ನೆಸ್ ಕಾಪಾಡಿಕೊಳ್ಳುವುದು ತಾರೆಯರ ವೃತ್ತಿಜೀವನದ ಬಹಳ ಮುಖ್ಯ ವಿಚಾರ. ಇದರ ಜೊತೆಗೆ, ತಮ್ಮ ಹೇರ್ ಸ್ಟೈಲ್ನಿಂದಲೂ ಟ್ರೆಂಡ್ ಕ್ರಿಯೇಟ್ ಮಾಡಿರುವ ಸಾಕಷ್ಟು ಉದಾಹರಣೆಗಳಿವೆ.
Intoxicating the WORLD with this dashing look 🔥#ToxicTheMovie #YashBOSS @TheNameIsYash pic.twitter.com/9WH1dfpvhx
— Yash Trends ™ (@YashTrends) July 12, 2024
ರಾಕಿ ಭಾಯ್ ಹೊಸ ಹೇರ್ ಸ್ಟೈಲ್: ಇತ್ತೀಚೆಗೆ ಯಶ್ ಅವರ ಹೊಸ ಹೇರ್ ಸ್ಟೈಲ್ ಬೆಂಗಳೂರಿನ ಗಾಂಧಿನಗರನಿಂದ ಬಾಲಿವುಡ್ ಮಟ್ಟದಲ್ಲೂ ಸುದ್ದಿಯಾಗಿತ್ತು. ಅಷ್ಟಕ್ಕೂ ಉದ್ದ ಕೇಶರಾಶಿಗೆ ಅವರು ಹೊಸ ಟಚ್ ಕೊಟ್ಟಿದ್ದೇಕೆ?, ಈ ಹಿಂದೆ 'ರಾಮಾಚಾರಿ' ಯಾವೆಲ್ಲಾ ಸಿನಿಮಾಗಳಿಗೆ ವಿಭಿನ್ನ ಹೇರ್ ಸ್ಟೈಲ್ ಮಾಡಿಸಿ ಟ್ರೆಂಡ್ ಸೆಟ್ ಮಾಡಿದ್ದರು ಎಂಬುದನ್ನು ನೋಡೋಣ.
ಲಕ್ಕಿ ಸಿನಿಮಾ: ಮೊಗ್ಗಿನ ಮನಸ್ಸಿನ ಲವರ್ ಬಾಯ್ ಆಗಿದ್ದ ಯಶ್ 2012ರಲ್ಲಿ ಬಂದ 'ಲಕ್ಕಿ' ಸಿನಿಮಾದಲ್ಲಿ ತಮ್ಮ ಪಾತ್ರಕ್ಕಾಗಿ ಮೊದಲ ಬಾರಿ ಕೂದಲಿಗೆ ಹೊಸ ರೂಪ ಕೊಟ್ಟಿದ್ದರು. ಮೋಹಕ ತಾರೆ ರಮ್ಯಾ ಜೊತೆ ರೊಮ್ಯಾನ್ಸ್ ಮಾಡಿದ್ದ ನಟ, ತಮ್ಮ ಕೂದಲಿಗೆ ಕಲರಿಂಗ್ ಮಾಡಿಸುವುದರೊಂದಿಗೆ, ಟ್ರೆಂಡಿ ಗಡ್ಡದಿಂದಲೂ ಗಮನ ಸೆಳೆದಿದ್ದರು.
ಮಾಸ್ಟರ್ ಪೀಸ್ ಸಿನಿಮಾ: ಯಶ್ ಉದ್ದ ಕೂದಲು ಬಿಟ್ಟು ಔಟ್ ಆ್ಯಂಡ್ ಔಟ್ ಮಾಸ್ ಹೀರೋ ಆಗಿ ಕಾಣಿಸಿಕೊಂಡಿದ್ದ ಚಿತ್ರ 'ಮಾಸ್ಟರ್ ಪೀಸ್'. 2015ರಲ್ಲಿ ತೆರೆಕಂಡು ಬಾಕ್ಸ್ ಆಫೀಸ್ನಲ್ಲಿ ಕೊಳ್ಳೆ ಹೊಡೆದ ಈ ಚಿತ್ರದಲ್ಲಿ ತಮ್ಮ ಕೂದಲಿಗೆ ಗೋಲ್ಡನ್ ಕಲರಿಂಗ್ ಮಾಡಿಸಿ, ಉದ್ದ ಕೂದಲಿನಿಂದ ಟ್ರೆಂಡ್ ಆಗಿದ್ದರು.
ಸಂತು ಸ್ಟ್ರೈಟ್ ಫಾರ್ವರ್ಡ್: ನಟ ಮತ್ತೆ ತಮ್ಮ ಕೂದಲಿಗೆ ಹೊಸ ರೂಪ ಕೊಟ್ಟಿದ್ದು 'ಸಂತು ಸ್ಟ್ರೇಟ್ ಫಾರ್ವರ್ಡ್' ಚಿತ್ರದಲ್ಲಿ. ಸ್ವಲ್ಪ ಕೂದಲು ಕತ್ತರಿಸಿ, ಸ್ಪೈಕ್ ಹೇರ್ ಸ್ಟೈಲ್ನಿಂದ ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದರು. ಯಶ್ ಹೊಸ ಸ್ಪೈಕಿ ಹೇರ್ ಸ್ಟೈಲ್ ಅಂದಿನ ದಿನಗಳಲ್ಲಿ ಕಾಲೇಜು ಹುಡುಗರ ಹಾಟ್ ಫೇವರೆಟ್ ಆಗಿತ್ತು.
ಕೆಜಿಎಫ್: ಹೀಗೆ ಸಿನಿಮಾದಿಂದ ಸಿನಿಮಾಕ್ಕೆ ಸ್ಯಾಂಡಲ್ವುಡ್ನಲ್ಲಿ ಟ್ರೆಂಡ್ ಆಗುತ್ತಿದ್ದ ಯಶ್ ಜಾಗತಿಕ ಮಟ್ಟದಲ್ಲಿ ಸಂಚಲನ ಸೃಷ್ಟಿಸಿದ್ದು ಕೆಜಿಎಫ್ 1 ಹಾಗೂ ಕೆಜಿಎಫ್ ಚಾಪ್ಟರ್ 2 ಚಿತ್ರದ ಮೂಲಕ. ಈ ಸಿನಿಮಾಗಳಲ್ಲಿ ಉದ್ದ ಕೂದಲು ಹಾಗೂ ಗಡ್ಡ ಬಿಟ್ಟು ಹೊಸ ಟ್ರೆಂಡ್ ಶುರು ಮಾಡ್ತಾರೆ. ಕೆಜಿಎಫ್ ಸಿನಿಮಾ ನೋಡಿ ಅದೆಷ್ಟೋ ಮಂದಿ ಉದ್ದ ಕೂದಲು ಹಾಗೂ ಗಡ್ಡ ಬಿಡಲು ಶುರು ಮಾಡಿದ್ದರು.
ಅಷ್ಟೇ ಅಲ್ಲ, ಯಶ್ ತಮ್ಮ ಉದ್ದ ಮತ್ತು ವಿಭಿನ್ನ ಹೇರ್ ಸ್ಟೈಲ್ ಮೂಲಕ ಜನಪ್ರಿಯ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಕೆಲ ಕಂಪನಿಗಳ ಬ್ರ್ಯಾಂಡ್ ಅಂಬಾಸಿಡರ್ ಆಗಿದ್ದಾರೆ. ಅದರಲ್ಲೂ ಡೆಡ್ ಲಾಕ್ಸ್ ಹೇರ್ ಸ್ಟೈಲ್ ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ವಿಶೇಷವಾಗಿ ಸದ್ದು ಮಾಡಿದೆ. ಈ ಹಿಂದೆ ಕೆಜಿಎಫ್ 1 ಬಳಿಕ ಹೈದರಾಬಾದ್ನ ಪ್ರಸಿದ್ಧ ಅಲೆಕ್ಸಾಂಡರ್ ಸಲೂನ್ನಲ್ಲಿ ಹೇರ್ ಸ್ಟೈಲ್ ಮಾಡಿಸಿದ್ದರು. ಈ ಸಲೂನ್ ಅನೇಕ ದಶಕಗಳಿಂದ ಉತ್ತಮ ಹೇರ್ ಸ್ಟೈಲ್ ಮೂಲಕ ಪ್ರಸಿದ್ಧಿ ಪಡೆದಿದೆ. ಟಾಲಿವುಡ್ ಸ್ಟಾರ್ಸ್ ಜೊತೆಗೆ ಸ್ಯಾಂಡಲ್ವುಡ್‌ನ ಕೆಲ ಸ್ಟಾರ್ಗಳೂ ಕೂಡ ಇಲ್ಲಿ ಹೇರ್ ಸ್ಟೈಲ್ ಮಾಡಿಸುತ್ತಾರೆ.
ಸದ್ಯ 'ಟಾಕ್ಸಿಕ್' ಚಿತ್ರ ಮಾಡುತ್ತಿರುವ ಯಶ್, ಅಂಬಾನಿ ಮಗನ ಮದುವೆಯಲ್ಲಿ ಕಾಣಿಸಿಕೊಂಡಿದ್ದು, ಹೊಸ ಹೇರ್ ಸ್ಟೈಲ್ನಿಂದಲೇ ಸೌಂಡ್ ಮಾಡುತ್ತಿದ್ದಾರೆ. ಹೌದು, ಸೆಲೆಬ್ರಿಟಿ ಹೇರ್ ಸ್ಟೈಲಿಸ್ಟ್ ಅಲೆಕ್ಸ್ ವಿಜಯಕಾಂತ್ ಯಶ್ ಕೂದಲಿಗೆ ಹೊಸ ಟಚ್ ಕೊಟ್ಟಿದ್ದಾರೆ. ಹೊಸದಾಗಿ ಮಾಡಿಸಿಕೊಂಡಿರುವ ಹೇರ್ ಸ್ಟೈಲ್ ಇದೀಗ ಟ್ರೆಂಡ್ ಆಗುತ್ತಿದೆ. ಈ ಹೇರ್ ಸ್ಟೈಲ್ನ ಹೆಸರು ಪಾಂಪಡೋರ್ ಸ್ಟೈಲ್ ಅಂತೆ.
ಇದನ್ನೂ ಓದಿ: ಡಿವೋರ್ಸ್ ವದಂತಿ ಮಧ್ಯೆ ಮಗಳೊಂದಿಗೆ ದೇಶಕ್ಕೆ ವಾಪಸ್ಸಾದ ಐಶ್ವರ್ಯಾ - ವಿಡಿಯೋ - Aishwarya Rai
ಯಶ್ ಆಪ್ತರೊಬ್ಬರು ಹೇಳುವ ಹಾಗೆ, ಹೇರ್ ಸ್ಟೈಲ್ ಬದಲಾಯಿಸಿರುವುದು 'ಟಾಕ್ಸಿಕ್' ಸಿನಿಮಾಗಾಗಿ. ಈ ಚಿತ್ರದಲ್ಲಿ ಯಶ್ ಅವರ ಪಾತ್ರ ಯಂಗ್ ಆ್ಯಂಡ್ ಡೈನಾಮಿಕ್ ಆಗಿರಲಿದೆ. ಅದಕ್ಕೆ ಈ ರೀತಿಯಲ್ಲಿ ಹೇರ್ ಕಟ್ ಮಾಡಿಸಲಾಗಿದೆ.
