ಅಜಿತ್ ನಟನೆಯ 2 ಸಿನಿಮಾ ನಿರ್ದೇಶಿಸಲಿದ್ದಾರೆ ಪ್ರಶಾಂತ್​ ನೀಲ್​: ಹೊಂಬಾಳೆ ಫಿಲ್ಮ್ಸ್​​​ನಿಂದ ನಿರ್ಮಾಣ - Prashanth Neel Ajith movie

'ಕೆಜಿಎಫ್'​ ಖ್ಯಾತಿಯ ​ಪ್ರಶಾಂತ್ ನೀಲ್, ಸೌತ್​ ಸೂಪರ್ ಸ್ಟಾರ್ ಅಜಿತ್​​ ನಟನೆಯ ಎರಡು ಚಿತ್ರಗಳಿಗೆ ಆ್ಯಕ್ಷನ್​ ಕಟ್​ ಹೇಳಲಿದ್ದಾರೆ ಎಂದು ವರದಿಗಳು ಸೂಚಿಸಿವೆ.

'ಕೆಜಿಎಫ್​' ಸಿನಿಮಾಗಳ ಮೂಲಕ ಭಾರತದಾದ್ಯಂತ ಜನಪ್ರಿಯರಾಗಿರುವ ಪ್ರಶಾಂತ್ ನೀಲ್ ನಿರ್ದೇಶನದ ಮುಂದಿನ ಚಿತ್ರಗಳ ಮೇಲೆ ಸಾಕಷ್ಟು ನಿರೀಕ್ಷೆಗಳಿವೆ. ಬಹುಬೇಡಿಕೆ ನಿರ್ದೇಶಕರೆಂದ ಮೇಲೆ ಅವರ ಚಿತ್ರಗಳ ಮೇಲಿನ ಕುತೂಹಲ ಕೊಂಚ ಹೆಚ್ಚೇ ಅಲ್ಲವೇ?. ಯಶ್ ಅಭಿನಯದ 'ಕೆಜಿಎಫ್: ಚಾಪ್ಟರ್ 1' ಮತ್ತು ಚಾಪ್ಟರ್​​​ 2ರ ಯಶಸ್ಸಿನ ನಂತರ ಸಿನಿಪ್ರಿಯರಿಂದ ಸಾಕಷ್ಟು ಮೆಚ್ಚುಗೆ ಪಡೆದ ನಿರ್ದೇಶಕರು ಸದ್ಯ ಜೂನಿಯರ್​ ಎನ್​​ಟಿಆರ್ ನಟನೆಯ ಚಿತ್ರದ ಮೇಲೆ ಗಮನ ಹರಿಸಿದ್ದಾರೆ​​​.

2023ರಲ್ಲಿ 'ಸಲಾರ್‌' ಮೂಲಕ ತಮ್ಮ ಪ್ರತಿಭೆಯನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದರು. ಈ ಚಿತ್ರ ಕೂಡ ನಿರೀಕ್ಷೆಯಂತೆ ಬಾಕ್ಸ್​ ಆಫೀಸ್​​ ದಾಖಲೆಗಳನ್ನು ಮುರಿದಿದೆ. ಇದೀಗ, ಸೌತ್​​ ಸೂಪರ್‌ ಸ್ಟಾರ್ ಅಜಿತ್ ಜೊತೆ ಸಿನಿಮಾ ಮಾಡಲಿದ್ದಾರೆ ಎಂಬ ಸುದ್ದಿ ಸಕತ್​ ಸದ್ದು ಮಾಡುತ್ತಿದೆ. ಅದು ಕೂಡ ಒಂದಲ್ಲ, ಎರಡು ಪ್ರಾಜೆಕ್ಟ್​ಗಳಲ್ಲಿ ಈ ನಟ-ನಿರ್ದೇಶಕ ಜೋಡಿ ಸಹಕರಿಸಲಿದ್ದಾರೆ.

ಮಾಧ್ಯಮ ವರದಿಗಳ ಪ್ರಕಾರ, ಈ ಹೆಸರಾಂತ ನಟ-ನಿರ್ದೇಶಕರು ಎರಡು ಸಿನಿಮಾಗಳಲ್ಲಿ ಕೆಲಸ ಮಾಡಲು ತಯಾರಿ ನಡೆಸುತ್ತಿದ್ದಾರೆ. ಈ ಚಿತ್ರಗಳನ್ನು ದಕ್ಷಿಣದ ಹೆಸರಾಂತ ಚಲನಚಿತ್ರ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲ್ಮ್ಸ್​ನ ವಿಜಯ್ ಕಿರಗಂದೂರು ನಿರ್ಮಿಸಲಿದ್ದಾರೆ. ಸಲಾರ್ 2 ನಂತರ ಪ್ರಶಾಂತ್ ಅವರು ಅಜಿತ್‌ಗಾಗಿ ಸತತ ಎರಡು ಚಿತ್ರಗಳನ್ನು ನಿರ್ದೇಶಿಸಲು ರೆಡಿಯಾಗಿದ್ದಾರೆ. ಆದ್ರಿದು ಎಕೆ64 ಮತ್ತು ಎಕೆ65 (ಅಜಿತ್ ಅವರ ಮುಂದಿನ ಚಿತ್ರಗಳ ಸಂಖ್ಯೆ) ಎಂಬುದಿನ್ನು ಕನ್ಫರ್ಮ್​​​ ಆಗಿಲ್ಲ. ಪ್ರಶಾಂತ್​​​ ನಿರ್ದೇಶನದ ಸಿನಿಮಾಗಳಿಗೂ ಮುನ್ನ ಬೇರೆ ಚಿತ್ರಗಳೂ ಬರುವ ಸಾಧ್ಯತೆ ಇದೆ.

#AK and #PrashanthNeel are set to collaborate for two consecutive projects. Their second collaboration will mark the beginning of #PrashanthCinematicUniverse with climax leading to #KGF3. 🔥🔥🔥

OG (Billa , Mankatha, villain) Thala is backkk 🔥🔥🔥🔥pic.twitter.com/mbm8iEs4Vy

— A ʀ ᴀ ᴠ ッ (@Araviii_kohlii_) July 24, 2024

ಇದನ್ನೂ ಓದಿ: ಸೆನ್ಸಾರ್‌ನಲ್ಲಿ 'ಭೀಮ' ಪಾಸ್​; ಆಗಸ್ಟ್​ನಲ್ಲಿ ದುನಿಯಾ ವಿಜಯ್ ಸಿನಿಮಾ ತೆರೆಗೆ - Bheema Cinema

ವರದಿಗಳ ಪ್ರಕಾರ, ಕಳೆದ ತಿಂಗಳು 'ವಿದಾಮುಯಾರ್ಚಿ' ಸಿನಿಮಾ ಶೆಡ್ಯೂಲ್ ಬ್ರೇಕ್ ಸಮಯದಲ್ಲಿ ಅಜಿತ್ ಮತ್ತು ಪ್ರಶಾಂತ್ ಭೇಟಿಯಾಗಿದ್ದರು. ಕೆಜಿಎಫ್ ನಿರ್ದೇಶಕರು ಅಜಿತ್‌ ಬಳಿ ಮೂರು ವರ್ಷಕ್ಕಿಂತ ಹೆಚ್ಚಿನ ಸಮಯ ಕೋರಿದ್ದರು. ಈ ಜೋಡಿ ಕಾಂಬಿನೇಶನ್​ನಲ್ಲಿ ಮೊದಲು ಎಕೆ 64 (ತಾತ್ಕಾಲಿಕ ಶೀರ್ಷಿಕೆ) ಬರಬಹುದು. 2025ರಲ್ಲಿ ಸೆಟ್ಟೇರಿ, 2026ರಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳಿವೆ. ಅದಾಗ್ಯೂ, ಅವರ ಎರಡನೇ ಸಿನಿಮಾ ಎಕೆ 65 ಅಥವಾ 66 (ಯಾವುದನ್ನು ಪ್ರಶಾಂತ್​ ನೀಲ್​​​ ನಿರ್ದೇಶಿಸುತ್ತಾರೆಂಬುದು ಇನ್ನಷ್ಟೇ ತಿಳಿಯಬೇಕಿದೆ) ರಲ್ಲಿ ಪ್ರಶಾಂತ್ ನೀಲ್ ತಮ್ಮದೇ ಸಿನಿಮ್ಯಾಟಿಕ್​​ ಯೂನಿವರ್ಸ್​​​ ರಚಿಸಲಿದ್ದಾರಂತೆ.

ಇದನ್ನೂ ಓದಿ: ಅಕ್ಬರ್​ ಪಾತ್ರಕ್ಕೆ ಅಮಿತಾಭ್​​, ಜೋಧಾ ಆಗಿ ಜಯಾ, ಸಲೀಮ್ ರೋಲ್​​​ನಲ್ಲಿ ಅಭಿಷೇಕ್, ಅನಾರ್ಕಲಿಯಾಗಿ ಐಶ್ವರ್ಯಾ: ಏನಾಯ್ತು ಸಿನಿಮಾ? - Bachchan Family in 1 Movie

ಇನ್ನೂ ಕೆಲ ವರದಿಗಳ ಪ್ರಕಾರ, ಈ ಮೇಲಿನ ಎರಡು ಚಿತ್ರಗಳಲ್ಲಿ ಒಂದರ ಕ್ಲೈಮ್ಯಾಕ್ಸ್ ಕೆಜಿಎಫ್ 3ಗೆ ನಾಂದಿ ಹಾಡಲಿದೆ. ಅಜಿತ್ ಅವರ ಪಾತ್ರ ಪ್ರಶಾಂತ್ ನೀಲ್ ಅವರ ಸಿನಿಮ್ಯಾಟಿಕ್ ಯೂನಿವರ್ಸ್‌ನಲ್ಲಿ ಎಲ್ಲಕ್ಕಿಂತ ದೊಡ್ಡ ಪಾತ್ರವಾಗಲಿದೆ ಎಂದು ಹೇಳಲಾಗಿದೆ. ಮುಂಬರುವ 'ಕೆಜಿಎಫ್‌'ನಲ್ಲಿ ಅಜಿತ್ ಮತ್ತು ಯಶ್ ಸ್ಕ್ರೀನ್ ಹಂಚಿಕೊಳ್ಳುತ್ತಾರೆಂಬುದನ್ನು ಈ ವರದಿಗಳು ಸೂಚಿಸಿವೆ. ಎಲ್ಲದಕ್ಕೂ ಅಧಿಕೃತ ಘೋಷಣೆ ಬರಬೇಕಿದ್ದು, ಮುಂದಿನ ವರ್ಷಾರಂಭ ಆಗುವ ನಿರೀಕ್ಷೆಗಳಿವೆ.