ಒಂದು ವಾರದಲ್ಲಿ ವಿಶ್ವದಾದ್ಯಂತ ₹700 ಕೋಟಿ ಕಲೆಕ್ಷನ್​ ಮಾಡಿದ 'ಕಲ್ಕಿ', ಭಾರತದಲ್ಲೆಷ್ಟು? - Kalki Collection

'ಕಲ್ಕಿ 2898 ಎಡಿ' ಕೇವಲ 7 ದಿನಗಳಲ್ಲಿ ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ 700 ಕೋಟಿ ರೂ., ಮತ್ತು ಭಾರತೀಯ ಗಲ್ಲಾಪೆಟ್ಟಿಗೆಯಲ್ಲಿ 400 ಕೋಟಿ ರೂ. ಸಮೀಪಿಸಿದೆ.

ಕಳೆದ ಗುರುವಾರ ಚಿತ್ರಮಂದಿರ ಪ್ರವೇಶಿಸಿದ್ದ ಮೈಥೋಲಾಜಿಕಲ್​ ಸೈನ್ಸ್ ಫಿಕ್ಷನ್​​ 'ಕಲ್ಕಿ 2898 ಎಡಿ' ಜನಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಕೇವಲ ಏಳು ದಿನಗಳಲ್ಲಿ ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ 700 ಕೋಟಿ ರೂ. ಕಲೆಕ್ಷನ್​ ಮಾಡಿ ಎಲ್ಲರ ಹುಬ್ಬೇರಿಸಿದೆ. ಸದ್ಯ ಬಹುತೇಕರ ಗಮನ 1,000 ಕೋಟಿ ರೂ.ನ ಕ್ಲಬ್​ ಮೇಲಿದೆ. ಗಲ್ಲಾಪೆಟ್ಟಿಗೆಯಲ್ಲಿನ ಸಂಪಾದನೆಯನ್ನು 'ಕಲ್ಕಿ 2898 ಎಡಿ' ಹಿಂದಿರುವ ವೈಜಯಂತಿ ಮೂವೀಸ್ ಸೋಷಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದೆ. ಇನ್ನು, ಭಾರತೀಯ ಬಾಕ್ಸ್​ ಆಫೀಸ್​ನಲ್ಲಿ 400 ಕೋಟಿ ರೂಪಾಯಿಯ ಸಮೀಪದಲ್ಲಿದ್ದು, ಪ್ಯಾನ್​ ಇಂಡಿಯಾ ಸ್ಟಾರ್ ಪ್ರಭಾಸ್​ ಸೇರಿ ಚಿತ್ರದಲ್ಲಿರುವ ಬಹುತಾರಾಗಣದ ಅಭಿಮಾನಿಗಳು ಸಂತಸ ಹಂಚಿಕೊಂಡಿದ್ದಾರೆ.

𝐓𝐡𝐞 𝐝𝐫𝐞𝐚𝐦 𝐫𝐮𝐧 𝐜𝐨𝐧𝐭𝐢𝐧𝐮𝐞𝐬...

Witness the magic of #Kalki2898AD, now in theaters.#EpicBlockbusterKalki @SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh @VyjayanthiFilms @Kalki2898AD @saregamaglobal @saregamasouth pic.twitter.com/ZICUz9rzhf

— Kalki 2898 AD (@Kalki2898AD) July 3, 2024

ಸಿನಿಮಾ ತನ್ನ ಏಳನೇ ದಿನ (ಬುಧವಾರ), ಭಾರತದಲ್ಲಿ ಸುಮಾರು 23.2 ಕೋಟಿ ರೂಪಾಯಿ ಕಲೆಕ್ಷನ್​ ಮಾಡಿದೆ. ಮಂಗಳವಾರದ ಗಳಿಕೆಗಿಂತ ಶೇ.14.23ರಷ್ಟು ಕಡಿಮೆಯಿದೆ. ಮೊದಲ ದಿನ 95.3 ಕೋಟಿ ರೂ. ಕಲೆಕ್ಷನ್​ ಮಾಡಿತ್ತು. ಎರಡನೇ ದಿನ - 59.3 ಕೋಟಿ ರೂ., ಮೂರನೇ ದಿನ - 66.2 ಕೋಟಿ ರೂ., ನಾಲ್ಕನೇ ದಿನ - 88.2 ಕೋಟಿ ರೂ., ಐದು ಮತ್ತು ಆರನೇ ದಿನಗಳಲ್ಲಿ ಕ್ರಮವಾಗಿ 34.15 ಕೋಟಿ ರೂ. ಮತ್ತು 27.05 ಕೋಟಿ ರೂ. ಕಲೆಕ್ಷನ್​ ಮಾಡಿದೆ.

This man sitting casually there is the reason for all this, unbiasedly the biggest box office star of this era… He gave our production the confidence to do what we did, he gave me the freedom to do what I did… and so many intelligent inputs helped guide the film to what it is…… pic.twitter.com/9w1Ex4flF8

— Kalki 2898 AD (@Kalki2898AD) July 3, 2024

ಭಾರತೀಯ ಮಾರುಕಟ್ಟೆಯಲ್ಲಿ ​​'ಕಲ್ಕಿ 2898 ಎಡಿ' ಸುಮಾರು 393.4 ಕೋಟಿ ರೂಪಾಯಿ ಕಲೆಕ್ಷನ್​ ಮಾಡಿದೆ ಎಂದು ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಮಾಹಿತಿ ನೀಡಿದೆ. ಚಿತ್ರದ ಯಶಸ್ಸಿನ ಬಗ್ಗೆ ಪ್ರತಿಕ್ರಿಯಿಸಿದ ನಿರ್ದೇಶಕ ನಾಗ್ ಅಶ್ವಿನ್, ಪ್ರಭಾಸ್ ಅವರ ತೆರೆಮರೆಯ ಫೋಟೋ ಹಂಚಿಕೊಂಡು ಸ್ಟಾರ್ ನಟನಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ. "ಇದಕ್ಕೆಲ್ಲಾ ಕ್ಯಾಶುವಲ್​ ಆಗಿ ಕುಳಿತಿರುವ ಈ ವ್ಯಕ್ತಿಯೇ ಕಾರಣ. ಈ ಯುಗದ ದೊಡ್ಡ ಬಾಕ್ಸ್ ಆಫೀಸ್ ಸ್ಟಾರ್. ಅವರು ವಿಶ್ವಾಸ ತುಂಬಿದರು. ನನಗೆ ಸಂಪೂರ್ಣ ಸ್ವಾತಂತ್ರ್ಯ ನೀಡಿದ್ದರು. ಪ್ರತಿಯೊಬ್ಬರ ಡಾರ್ಲಿಂಗ್, ನಮ್ಮ ಭೈರವ, ಈಗ ವಿಶ್ವದ K____" ಎಂದು ನಾಗ್​​ ಅಶ್ವಿನ್ ತಮ್ಮ ಅಧಿಕೃತ ಟ್ವಿಟರ್​ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: 'ಸಿಕಂದರ್'​ ಪೋಸ್ಟರ್ ತಯಾರಿಸಿದ ಪಾಕಿಸ್ತಾನದ ಸಲ್ಮಾನ್ ಖಾನ್ ಅಭಿಮಾನಿ - Salman Khan Sikandar Poster

ನಾಗ್ ಅಶ್ವಿನ್​​ ಬರೆದು ನಿರ್ದೇಶಿಸಿದ ಈ ಚಿತ್ರದಲ್ಲಿ ಪ್ಯಾನ್​ ಇಂಡಿಯಾ ಸ್ಟಾರ್ ಪ್ರಭಾಸ್ ಜೊತೆ, ಬಹುಬೇಡಿಕೆ ತಾರೆಯರಾದ ದೀಪಿಕಾ ಪಡುಕೋಣೆ, ಅಮಿತಾಭ್​​​ ಬಚ್ಚನ್, ಕಮಲ್ ಹಾಸನ್ ಮತ್ತು ದಿಶಾ ಪಟಾನಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ವಿಜಯ್ ದೇವರಕೊಂಡ, ದುಲ್ಕರ್ ಸಲ್ಮಾನ್, ರಾಮ್ ಗೋಪಾಲ್ ವರ್ಮಾ, ಮಾಳವಿಕಾ ನಾಯರ್, ಮೃಣಾಲ್ ಠಾಕೂರ್ ಮತ್ತು ಅನ್ನಾ ಬೆನ್ ಅತಿಥಿ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಪ್ರಸ್ತುತ ಐಎಂಡಿಬಿ ನಲ್ಲಿ 8/10 ರೇಟಿಂಗ್ ಹೊಂದಿರುವ ಕಲ್ಕಿ 2898 ಎಡಿ ಕಳೆದ ಗುರುವಾರ, ಜೂನ್ 27 ರಂದು ಜಗತ್ತಿನಾದ್ಯಂತ ಚಿತ್ರಮಂದಿರ ಪ್ರವೇಶಿಸಿತು. ಪ್ಯಾನ್​ ಇಂಡಿಯಾ ಸಿನಿಮಾ ಉತ್ತಮ ಪ್ರದರ್ಶನ ಮುಂದುವರಿಸಿದೆ.

ಇದನ್ನೂ ಓದಿ: ಮಗಳು ಸೋನಾಕ್ಷಿ ಮದುವೆ ಟೀಕಿಸಿದವರ ಬಗ್ಗೆ ಶತ್ರುಘ್ನ​​ ಸಿನ್ಹಾ ಹೇಳಿದ್ದೇನು? - Shatrughan Sinha