ಹೈದರಾಬಾದ್: ಬಹು ನಿರೀಕ್ಷಿತ ಚಿತ್ರ ಕಣ್ಣಪ್ಪ. ಪೌರಾಣಿಕ, ಜಾನಪದ ಮತ್ತು ಫ್ಯಾಂಟಸಿ ಅಂಶಗಳ ವಿಶಿಷ್ಟ ಮಿಶ್ರಣವಾಗಿರುವ ಚಿತ್ರ ಭಾರಿ ಹವಾ ಸೃಷ್ಟಿಸುತ್ತಿದೆ. ಮುಕೇಶ್ ಕುಮಾರ್ ಸಿಂಗ್ ನಿರ್ದೇಶನದ ಕಣ್ಣಪ್ಪ ಪ್ರೇಕ್ಷಕರಿಗೆ ಅತ್ಯುತ್ತಮ ಅನುಭವ ನೀಡುವ ಭರವಸೆ ನೀಡಿದೆ. ನಟ ಪ್ರಭಾಸ್ ಚಿತ್ರದ ಚಿತ್ರೀಕರಣದಲ್ಲಿ ಪಾಲ್ಗೊಂಡಿರುವುದು ಚಿತ್ರದ ಇತ್ತೀಚಿನ ಸುದ್ದಿಯಾಗಿದೆ.
ಗುರುವಾರ, ವಿಷ್ಣು ತಮ್ಮ X ಹ್ಯಾಂಡಲ್‌ನಲ್ಲಿ ಪೋಸ್ಟ್ವೊಂದನ್ನು ಮಾಡಿದ್ದಾರೆ. ಪ್ಯಾನ್ - ಇಂಡಿಯಾ ಸೂಪರ್‌ಸ್ಟಾರ್ ಪ್ರಭಾಸ್ ಚಿತ್ರೀಕರಣಕ್ಕೆ ಸೇರಿಕೊಂಡಿದ್ದಾರೆ ಎಂದು ಈ ಮೂಲಕ ಚಿತ್ರ ರಸಿಕರಿಗೆ ಮಾಹಿತಿ ನೀಡಿದ್ದಾರೆ. ಇದು ಪ್ರಭಾಸ್ ಅಭಿಮಾನಿಗಳಲ್ಲಿ ಭಾರಿ ಉತ್ಸಾಹವನ್ನು ಹುಟ್ಟುಹಾಕಿದೆ. ಪ್ರಭಾಸ್ ಅವರ ಪಾದಗಳನ್ನು ಒಳಗೊಂಡಿರುವ ನಿಗೂಢ ಪ್ರಿ-ಲುಕ್ ಪೋಸ್ಟರ್ ಗಮನ ಸೆಳೆಯುತ್ತಿದೆ. ಪ್ರಮುಖ ಮತ್ತು ನಿಗೂಢ ಅತಿಥಿ ಪಾತ್ರದ ಬಗ್ಗೆ ಈ ಚಿತ್ರ ಸುಳಿವು ನೀಡಿದ್ದು, ಪ್ರೇಕ್ಷಕರನ್ನು ಕುತೂಹಲಕ್ಕೆ ಕೆಡವಿದೆ. "ನನ್ನ ಸಹೋದರ #ಪ್ರಭಾಸ್ #ಕಣ್ಣಪ್ಪ ಚಿತ್ರೀಕರಣಕ್ಕೆ ಸೇರಿಕೊಂಡಿದ್ದಾರೆ" ಎಂದು ವಿಷ್ಣು ಪೋಸ್ಟ್‌ಗೆ ಶೀರ್ಷಿಕೆ ನೀಡಿದ್ದಾರೆ.
ಚಿತ್ರವು ಪ್ರಭಾವಶಾಲಿ ತಾರಾಗಣವನ್ನು ಹೊಂದಿದೆ. ಪ್ರೀತಿ ಮುಕುಂದನ್ ಪ್ರಮುಖ ಪಾತ್ರದಲ್ಲಿ ಮಿಂಚಲಿದ್ದಾರೆ. ಮೋಹನ್ ಬಾಬು, ಮೋಹನ್ ಲಾಲ್, ಶರತ್‌ಕುಮಾರ್ ಮತ್ತು ಬ್ರಹ್ಮಾನಂದಂ ಅವರಂತಹ ಉದ್ಯಮದ ದಿಗ್ಗಜರು ಕಾಜಲ್ ಅಗರ್ವಾಲ್ ಮತ್ತು ತಮ್ಮನಾ ಭಾಟಿಯಾ ಅವರಂತಹ ಪ್ರಮುಖ ತಾರಾ ಬಳಗ ತೆರೆ ಮೇಲೆ ಬರಲು ಸನ್ನದ್ಧವಾಗಿದ್ದಾರೆ.
ಪ್ರಭಾಸ್ ಅವರ ದೊಡ್ಡ ಅಭಿಮಾನಿಗಳ ಬಳಗ ಮತ್ತು ಬ್ಲಾಕ್‌ಬಸ್ಟರ್ ಹಿಟ್‌ ಚಿತ್ರಗಳ ಟ್ರ್ಯಾಕ್ ರೆಕಾರ್ಡ್ ಅನ್ನು ಗಮನದಲ್ಲಿಟ್ಟುಕೊಂಡು, ಪಾತ್ರವರ್ಗಕ್ಕೆ ಪ್ರಭಾಸ್ ಅವರನ್ನು ಸೇರ್ಪಡೆ ಮಾಡಿಕೊಂಡಿರುವುದು ವಿಶೇಷವಾಗಿದೆ. ಅವರ ಒಳಗೊಳ್ಳುವಿಕೆ ದೊಡ್ಡ ಮತ್ತು ಸಮರ್ಪಿತ ಪ್ರೇಕ್ಷಕರನ್ನು ಸೆಳೆಯುವ ಸಾಧ್ಯತೆಯಿದೆ ಎಂಬ ಮಾತುಗಳು ಕೇಳಿ ಬಂದಿವೆ. ಪ್ರಭಾಸ್ ಈ ಚಿತ್ರದಲ್ಲಿ ಹೊಸ ಮತ್ತು ಆಸಕ್ತಿದಾಯಕ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದನ್ನು ನೋಡಲು ಪ್ರೇಕ್ಷಕರು ಉತ್ಸುಕರಾಗಿದ್ದಾರೆ.
ಇದನ್ನು ಓದಿ; ನಯನತಾರಾ ಅಭಿನಯದ 'ಮನ್ನಂಗಟ್ಟಿ: ಸಿನ್ಸ್ 1960' ಚಿತ್ರದ ಚಿತ್ರೀಕರಣ ಪೂರ್ಣ; ಶೀಘ್ರದಲ್ಲೇ ತೆರೆಗೆ - mannangatti movie cast
