ಕುತೂಹಲ ಹೆಚ್ಚಿಸಿದ ಪ್ರಭಾಸ್​ ಪೋಸ್ಟರ್: ನಾಳೆ 'ದಿ ರಾಜಾ ಸಾಬ್‌' ಗ್ಲಿಂಪ್ಸ್​​ ರಿಲೀಸ್​​ - Prabhas Poster

ಪ್ಯಾನ್​ ಇಂಡಿಯಾ ಸ್ಟಾರ್​ ಪ್ರಭಾಸ್​​ ನಟನೆಯ ಮುಂದಿನ ಬಹುನಿರೀಕ್ಷಿತ ಚಿತ್ರ 'ದಿ ರಾಜಾ ಸಾಬ್‌'ನಿಂದ ಕುತೂಹಲಕಾರಿ ಪೋಸ್ಟರ್ ಅನಾವರಣಗೊಂಡಿದೆ. ನಾಳೆ ಸಂಜೆ 'ಫ್ಯಾನ್​ ಇಂಡಿಯಾ ಗ್ಲಿಂಪ್ಸ್'​​​ ಅನಾವರಣಗೊಳ್ಳಲಿದ್ದು, ಅಪಾರ ಸಂಖ್ಯೆಯ ಅಭಿಮಾನಿಗಳು ಸೇರಿದಂತೆ ಸಿನಿಪ್ರಿಯರು ಕುತೂಹಲ ವ್ಯಕ್ತಪಡಿಸಿದ್ದಾರೆ.

ಪ್ಯಾನ್​ ಇಂಡಿಯಾ ಸ್ಟಾರ್​ ಪ್ರಭಾಸ್​​ ಸದ್ಯ ತಮ್ಮ 'ಕಲ್ಕಿ 2898 ಎಡಿ' ಸಿನಿಮಾದ ಯಶಸ್ಸಿನಲೆಯಲ್ಲಿ ತೇಲುತ್ತಿದ್ದಾರೆ. ಕಳೆದ ವರ್ಷಾಂತ್ಯ ಸಲಾರ್ ಸೂಪರ್​ ಹಿಟ್​ ಆಗಿದ್ದು, ಇತ್ತೀಚೆಗೆ ಬಿಡುಗಡೆ ಆದ ಕಲ್ಕಿ ಕೂಡ ನಿರೀಕ್ಷೆಯಂತೆ ಬ್ಲಾಕ್​​​ಬಸ್ಟರ್ ಹಿಟ್​ ಆಗಿದೆ.​ ಪ್ರಭಾಸ್ ಅವರ ಬಾಕ್ಸ್​​ ಆಫೀಸ್​ ವಿಜಯದ ಪಯಣ ಮುಂದುವರಿದಿದ್ದು, ಸೂಪರ್​ ಸ್ಟಾರ್​ನ ಮುಂದಿನ ಬಹುನಿರೀಕ್ಷಿತ ಚಿತ್ರ 'ದಿ ರಾಜಾ ಸಾಬ್‌'ಗೆ ಸಂಬಂಧಿಸಿದ ಅಪ್ಡೇಟ್​ ಬಹಿರಂಗಗೊಂಡಿದೆ. ನಿರ್ದೇಶಕ ಮಾರುತಿ ಆ್ಯಕ್ಷನ್​ ಕಟ್​ ಹೇಳುತ್ತಿರುವ ಈ ಚಿತ್ರಕ್ಕೆ ಸಂಬಂಧಿಸಿದ ಪೋಸ್ಟ್​ ಶೇರ್ ಆಗುತ್ತಿದ್ದಂತೆ ಅಭಿಮಾನಿ ಬಳಗದಲ್ಲಿ ಸಾಕಷ್ಟು ಕುತೂಹಲ ಮೂಡಿದೆ.

ರೊಮ್ಯಾಂಟಿಕ್-ಹಾರರ್ ಸಿನಿಮಾ ಬಗ್ಗೆ ಅಪಾರ ಸಂಖ್ಯೆಯ ಅಭಿಮಾನಿಗಳು ಸಖತ್​​ ಥ್ರಿಲ್ ಆಗಿದ್ದು, ಇಂದು ಪೋಸ್ಟರ್ ಅನಾವರಣಗೊಳಿಸಲಾಗಿದೆ. ಚಿತ್ರದ ಬಹುನಿರೀಕ್ಷಿತ ಗ್ಲಿಂಪ್ಸ್ ನಾಳೆ, ಜುಲೈ 29ರಂದು ಬಹಿರಂಗಗೊಳ್ಳಲಿದೆ ಎಂದು ಚಿತ್ರತಯಾರಕರಿಂದು ಖಚಿತಪಡಿಸಿದ್ದಾರೆ. ಫಸ್ಟ್ ಲುಕ್ ಪೋಸ್ಟರ್ ಹಂಚಿಕೊಂಡಿರುವ ನಿರ್ಮಾಪಕರು, "ವರೇ ವರೇ ವರೇ ವಚೇಸದು ರಾಜಾ ಸಾಬ್. ನಾವೆಲ್ಲರೂ ಪ್ರೀತಿಸುವ ಡಾರ್ಲಿಂಗ್​​​ ಕಮಿಂಗ್​ ಬ್ಯಾಕ್​​​. ಇನ್ಕಾ ಶೇಕ್ ಐ. ನಾಳೆ ಸಂಜೆ 5:03ಕ್ಕೆ ದಿ ರಾಜಾ ಸಾಬ್​​​ ಫ್ಯಾನ್​ ಇಂಡಿಯಾ ಗ್ಲಿಂಪ್ಸ್​​​ ಅನಾವರಣಗೊಳ್ಳಲಿದೆ'' ಎಂದು ಬರೆದುಕೊಂಡಿದ್ದಾರೆ.

Vare Vare Vare Vare Vachesadu Raja Saab 🥁🥁

The beloved darling we all cherish is coming back... Inka Shake ey 🕺🕺#TheRajaSaab 𝐅𝐀𝐍 𝐈𝐍𝐃𝐈𝐀 𝐆𝐋𝐈𝐌𝐏𝐒𝐄 tomorrow at 5:03PM 🔥🔥

#Prabhas @DirectorMaruthi pic.twitter.com/rEKmwAB4Os

— The RajaSaab (@rajasaabmovie) July 28, 2024

ಇಂದು ಚಿತ್ರತಂಡ ಅನಾವರಣಗೊಳಿಸಿರುವ ಪೋಸ್ಟರ್‌ನಲ್ಲಿ ನಾಯಕ ನಟ ಪ್ರಭಾಸ್ ಸೂಟ್‌ನಲ್ಲಿ ಸೊಗಸಾಗಿ ಕಾಣಿಸಿಕೊಂಡಿದ್ದಾರೆ. ನಾಳೆ ಸಂಜೆ ಚಿತ್ರದ ಬಹು ನಿರೀಕ್ಷಿತ ಮೊದಲ ಗ್ಲಿಂಪ್ಸ್ ಬರಲಿದೆ. ವರದಿಗಳ ಪ್ರಕಾರ, ಶೇ.40ರಷ್ಟು ಚಿತ್ರೀಕರಣ ಪೂರ್ಣಗೊಂಡಿದೆ. ಆಗಸ್ಟ್ 2ರಿಂದ ಮುಂದಿನ ಹಂತದ ಚಿತ್ರಿಕರಣ ಪ್ರಾರಂಭವಾಗಲಿದೆ.

ಇದನ್ನೂ ಓದಿ: 'ಮೋದಿಜಿ ಮಹಾನ್​ ವಾಗ್ಮಿ': ಪ್ರಧಾನಿ ವಾಕ್ಚಾತುರ್ಯ ಕೊಂಡಾಡಿದ ರಣ್​​​ಬೀರ್ ಕಪೂರ್ - Ranbir Kapoor on PM Modi

ರಾಮ್ ಲಕ್ಷ್ಮಣ್ ಮಾಸ್ಟರ್ಸ್ ಮತ್ತು ಕಿಂಗ್ ಸೊಲೊಮನ್ ಈ ಚಿತ್ರದ ಆ್ಯಕ್ಷನ್ ಕೊರಿಯೋಗ್ರಾಫಿಯನ್ನು ನಿರ್ವಹಿಸುತ್ತಿದ್ದಾರೆ. ಬಾಹುಬಲಿ ಖ್ಯಾತಿಯ ಕಮಲಾಕಣ್ಣನ್ ಆರ್​ಸಿ ವಿಶುವಲ್ ಎಫೆಕ್ಟ್ಸ್​​​ನ ಹೊಣೆ ಹೊತ್ತಿದ್ದಾರೆ. ಎಸ್ಎಸ್ ಥಮನ್ ಸಂಗೀತ ಸಂಯೋಜಿಸುತ್ತಿದ್ದಾರೆ. ಪ್ರಭಾಸ್, ಮಾಳವಿಕಾ ಮೋಹನನ್, ನಿಧಿ ಅಗರ್ವಾಲ್ ಮತ್ತು ರಿದ್ಧಿ ಕುಮಾರ್ ಚಿತ್ರ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಪೀಪಲ್ ಮೀಡಿಯಾ ಫ್ಯಾಕ್ಟರಿ ಬಂಡವಾಳ ಹೂಡಿರುವ ಈ ಬಹುನಿರೀಕ್ಷಿತ ಚಿತ್ರ ತೆಲುಗು, ತಮಿಳು, ಮಲಯಾಳಂ, ಕನ್ನಡ ಮತ್ತು ಹಿಂದಿ ಸೇರಿ ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆ ಆಗಲಿದೆ.

ಇದನ್ನೂ ಓದಿ: ಧನುಷ್​ ಜನ್ಮದಿನ: 'ಕುಬೇರ'ನ ಪೋಸ್ಟರ್ ಅನಾವರಣ, ಪ್ರೇಕ್ಷಕರಲ್ಲಿ ಹೆಚ್ಚಿದ ಕುತೂಹಲ - Dhanush Kubera Poster

ನಾಗ್​ ಅಶ್ವಿನ್​ ನಿರ್ದೇಶನದ 'ಕಲ್ಕಿ 2898 ಎಡಿ' ಜೂನ್​​ 27ರಂದು ಅದ್ಧೂರಿಯಾಗಿ ಚಿತ್ರಮಂದಿರ ಪ್ರವೇಶಿಸಿತು. ವಿಶ್ವದಾದ್ಯಂತ ಒಂದು ಸಾವಿರ ಕೋಟಿ ರೂಪಾಯಿಗೂ ಹೆಚ್ಚು ಕಲೆಕ್ಷನ್​​ ಮಾಡಿರುವ ಈ ಸಿನಿಮಾದಲ್ಲಿ ಪ್ರಭಾಸ್​ ಜೊತೆ ಭಾರತೀಯ ಚಿತ್ರರಂಗದ ಬಹುಬೇಡಿಕೆ ಕಲಾವಿದರಾದ ಪ್ರಭಾಸ್, ದೀಪಿಕಾ ಪಡುಕೋಣೆ, ಅಮಿತಾಭ್​​​ ಬಚ್ಚನ್ ಮತ್ತು ಕಮಲ್ ಹಾಸನ್ ಬಹುಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.