ಲಾಸ್ ಏಂಜಲೀಸ್: ಜಗತ್ತಿನ ಪ್ರತಿಷ್ಠಿತ ಅಕಾಡೆಮಿ ಪ್ರಶಸ್ತಿಗಳು ಎಂದರೆ ಆಸ್ಕರ್ ಪ್ರಶಸ್ತಿಗಳ ಪ್ರದಾನ ಸಮಾರಂಭವು ಮಾರ್ಚ್ 11ರಂದು ನಡೆಯಲಿದೆ. ಲಾಸ್ ಏಂಜಲೀಸ್‌ನ ಓವೇಶನ್ ಹಾಲಿವುಡ್‌ನಲ್ಲಿರುವ ಡಾಲ್ಬಿ ಥಿಯೇಟರ್‌ನಲ್ಲಿ ಅದ್ಧೂರಿ ಕಾರ್ಯಕ್ರಮ ಜರುಗಲಿದೆ. ಭಾರತದ ಕಾಲಮಾನದ ಪ್ರಕಾರ ಅಂದು ಬೆಳಗ್ಗೆ 4 ಗಂಟೆಗೆ ಈ ಸಮಾರಂಭ ಆರಂಭವಾಗಲಿದೆ.
ಇದು 96ನೇ ಅಕಾಡೆಮಿ ಪ್ರಶಸ್ತಿಗಳ ಪ್ರದಾನ ಸಮಾರಂಭವಾಗಿದೆ. ಕಳೆದ ವರ್ಷಕ್ಕಿಂತ ಈ ಬಾರಿ ಭಾರತದ ಸ್ಪರ್ಧಿಗಳ ಪಟ್ಟಿ ಸಾಧಾರಣವಾಗಿದೆ. ಆದಾಗ್ಯೂ, ಎಲ್ಲರ ಕಣ್ಣುಗಳು 'ಟು ಕಿಲ್ ಎ ಟೈಗರ್‌' ಸಾಕ್ಷ್ಯಚಿತ್ರದ ಮೇಲೆ ಇವೆ. ಯಾಕೆಂದರೆ, ಭಾರತ ಸಂಜಾತ ಕೆನಡಾದ ಚಲನಚಿತ್ರ ನಿರ್ಮಾಪಕಿ ನಿಶಾ ಪಹುಜಾ ಇದನ್ನು ನಿರ್ದೇಶಿಸಿದ್ದಾರೆ.
ಮಾರ್ಚ್ 11ರ ಸೋಮವಾರದಂದು ಮುಂಜಾನೆ 4 ಗಂಟೆಗೆ ಆಸ್ಕರ್ ಕಾರ್ಯಕ್ರಮ ಶುರುವಾಗಲಿದೆ. ಭಾರತದಲ್ಲಿ ಸ್ಟಾರ್ ಮೂವೀಸ್ ಮತ್ತು ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಮುಂಜಾನೆ 4 ಗಂಟೆಗೆ ಸಮಾರಂಭದ ಲೈವ್ ಸ್ಟ್ರೀಮಿಂಗ್ ವೀಕ್ಷಿಸಬಹುದು. ಅಲ್ಲದೇ, ಸ್ಟಾರ್ ಮೂವೀಸ್ ರಾತ್ರಿ 8.30ಕ್ಕೆ ಕಾರ್ಯಕ್ರಮವನ್ನು ಮರು ಪ್ರಸಾರ ಮಾಡಲಿದೆ.
- " class="align-text-top noRightClick twitterSection" data="">
ಡಾಕ್ಯುಮೆಂಟರಿ ಫೀಚರ್ ಫಿಲ್ಮ್ ವಿಭಾಗದಲ್ಲಿ 'ಟು ಕಿಲ್ ಎ ಟೈಗರ್‌' ಗಮನ ಸೆಳೆದಿದೆ. ಹುಲಿಯ ಕ್ರೂರ ದಾಳಿಯ ನಂತರ ತಮ್ಮ ಮಗಳಿಗೆ ನ್ಯಾಯಕ್ಕಾಗಿ ಹೋರಾಟ ಮಾಡಿದ ಜಾರ್ಖಂಡ್‌ನ ಕುಟುಂಬದ ಪ್ರಯಾಣವನ್ನು ಈ ಸಾಕ್ಷ್ಯಚಿತ್ರದಲ್ಲಿ ಹೇಳಲಾಗಿದೆ. ಆದ್ದರಿಂದ ಆಸ್ಕರ್ಗಾಗಿ ಭಾರತೀಯ ಅಭಿಮಾನಿಗಳು ಸಹ ಕಾತುರದಿಂದ ಎದುರು ನೋಡುತ್ತಿದ್ದಾರೆ.
ಈ ವರ್ಷ ಜಿಮ್ಮಿ ಕಿಮ್ಮೆಲ್ ನಾಲ್ಕನೇ ಬಾರಿಗೆ ಹೋಸ್ಟ್ ಆಗಿ ಮರಳಿರಲಿದ್ದಾರೆ. ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ, ದೇವ್ ಪಟೇಲ್ ಮತ್ತು ಮಿಂಡಿ ಕಾಲಿಂಗ್ ಅವರಂತಹ ಪ್ರಮುಖ ಗಣ್ಯರು ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯನಿರ್ವಹಿಸುತ್ತಾರೆ. ಸೂಪರ್ ಹಿಟ್ 'ಓಪನ್‌ಹೈಮರ್' ಸಿನಿಮಾ 13 ವಿಭಾಗಗಳಲ್ಲಿ ನಾಮನಿರ್ದೇಶನಗೊಂಡಿದೆ. ಅತ್ಯುತ್ತಮ ಚಿತ್ರಕ್ಕಾಗಿ ಆಸ್ಕರ್ ಪ್ರಶಸ್ತಿಯ ಮುಂಚೂಣಿಯಲ್ಲಿದೆ.
ಇದನ್ನೂ ಓದಿ: ಪ್ರತಿಷ್ಠಿತ ಆಸ್ಕರ್ 2024: ವಿಜೇತರು ಯಾರಾಗಬಹುದು, ನಿಮ್ಮ ಊಹೆ ಏನು?
