2024ರ ಬಹುನಿರೀಕ್ಷಿತ 'ಒಲಿಂಪಿಕ್ಸ್ ಕ್ರೀಡಾಕೂಟ' ನಿನ್ನೆ ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ನಲ್ಲಿ ಆರಂಭವಾಗಿದೆ. ಶುಕ್ರವಾರದಂದು ಅದ್ಧೂರಿ ಉದ್ಘಾಟನಾ ಸಮಾರಂಭ ನೆರವೇರಿತು. ಆಗಸ್ಟ್ 11ರ ವರೆಗೆ ಈ ಕ್ರೀಡಾಕೂಟ ನಡೆಯಲಿದೆ. ಭಾರತೀಯ ಚಿತ್ರರಂಗದ ಖ್ಯಾತನಾಮರು ದೇಶದ ಕ್ರೀಡಾಪಟುಗಳನ್ನು ಸೋಷಿಯಲ್ ಮೀಡಿಯಾ ಪೋಸ್ಟ್ ಮೂಲಕ ಬೆಂಬಲಿಸಿದ್ದಾರೆ.
Wishing our incredible athletes the very best for the Paris Olympics.
— Suniel Shetty (@SunielVShetty) July 26, 2024
The nation stands behind you as you #GoForGlory
Jai Hind 🇮🇳 @WeAreTeamIndia https://t.co/uOwWxZhVZf
ಕಳೆದ ದಿನ, ಬಹುಬೇಡಿಕೆ ನಟಿ ದೀಪಿಕಾ ಪಡುಕೋಣೆ ಒಲಿಂಪಿಕ್ಸ್ನ ಉದ್ಘಾಟನಾ ಸಮಾರಂಭದ ವಿಡಿಯೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಿದ್ದಾರೆ. ಭಾರತೀಯ ಅಥ್ಲೀಟ್ಗಳಾದ ಪಿವಿ ಸಿಂಧು ಮತ್ತು ಶರತ್ ಕಮಲ್, ಸೀನ್ ನದಿಯ ಉದ್ದಕ್ಕೂ ಪರೇಡ್ ಅನ್ನು ಮುನ್ನಡೆಸುತ್ತಿರುವುದನ್ನು ಕಾಣಬಹುದು. ವಿಡಿಯೋ ಶೇರ್ ಮಾಡಿದ ನಟಿ ಒಲಿಂಪಿಕ್ಸ್ 2024 ಎಂದು ಬರೆದುಕೊಂಡು ಭಾರತೀಯರಿಗೆ ಬೆಂಬಲ ಸೂಚಿಸಿದ್ದಾರೆ.
To all Indian Athletes,
— Ajay Devgn (@ajaydevgn) July 26, 2024
You are the pride of our nation. The best at what y'all do. Be assured that we will be cheering our hearts out to see perform. It's time to bring home the hardware. Cheers and good luck!🥇🫡#OlympicGames #Olympic2024
ದೀಪಿಕಾ ಅವರ ತಂದೆ, ಹೆಸರಾಂತ ಬ್ಯಾಡ್ಮಿಂಟನ್ ಆಟಗಾರ ಪ್ರಕಾಶ್ ಪಡುಕೋಣೆ ಕೂಡ ಭಾರತೀಯ ತಂಡದ ಭಾಗವಾಗಿದ್ದರು. ದೀಪಿಕಾ ಅವರ ಇನ್ಸ್ಟಾ ಸ್ಟೋರಿ #ಒಲಿಂಪಿಕ್ಸ್2024 ಎಂಬ ಹ್ಯಾಶ್ಟ್ಯಾಗ್ ಅನ್ನು ಹೊಂದಿತ್ತು. ಜೊತೆಗೆ, ಕಬೀರ್ ಖಾನ್ ಅವರ '83' ಚಿತ್ರದ "ಲೆಹ್ರಾ ದೋ" ಹಾಡನ್ನು ಒಳಗೊಂಡಿತ್ತು.
ದೀಪಿಕಾ ನಟನೆಯ ಬಹುನಿರೀಕ್ಷಿತ ಚಿತ್ರ ಸಿಂಗಮ್ ಎಗೇನ್ನ ಸಹನಟ ಅಜಯ್ ದೇವ್ಗನ್ ಕ್ರೀಡಾಪಟುಗಳಿಗೆ ತಮ್ಮ ಬೆಂಬಲ ಸೂಚಿಸಿದ್ದಾರೆ. ಕ್ರೀಡಾಪಟುಗಳನ್ನು "ನಮ್ಮ ರಾಷ್ಟ್ರದ ಹೆಮ್ಮೆ" ಎಂದು ಬಣ್ಣಿಸಿದ್ದಾರೆ. ಜೊತೆಗೆ ಅವರ ಪರ್ಫಾಮೆನ್ಸ್ ಬಗ್ಗೆ ತಮ್ಮ ವಿಶ್ವಾಸ ವ್ಯಕ್ತಪಡಿಸಿದರು. ತಮ್ಮ ಬೆಂಬಲದ ಜೊತೆಗೆ ರಾಷ್ಟ್ರಾದ್ಯಂತದ ಬೆಂಬಲದ ಭರವಸೆ ನೀಡಿದರು.
Relishing a serene moment with family and the grand little one Klin Kaara at Hyde Park London, en route our journey to Paris tomorrow!
— Chiranjeevi Konidela (@KChiruTweets) July 24, 2024
Summer Olympics 24 Inaugural Event Beckons :) pic.twitter.com/bFa31zBh3a
ಬಾಲಿವುಡ್ ನಟರ ಜೊತೆಗೆ ತೆಲುಗು ಸೂಪರ್ ಸ್ಟಾರ್ ರಾಮ್ ಚರಣ್ ಮತ್ತು ಅವರ ಪತ್ನಿ ಉಪಾಸನಾ ಕೂಡ ತಮ್ಮ ಬೆಂಬಲ ಸೂಚಿಸಿದ್ದಾರೆ. ಚಿರಂಜೀವಿ ಕುಟುಂಬ ಪ್ಯಾರಿಸ್ಗೆ ತೆರಳಿದೆ. ಈವೆಂಟ್ನ ಕ್ಷಣಗಳನ್ನು ಜನಪ್ರಿಯ ದಂಪತಿ ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಪ್ಯಾರಿಸ್ ಒಲಿಂಪಿಕ್ ಆರಂಭ: ಭದ್ರತೆಗಾಗಿ ಭಾರತ ಸೇರಿ 40 ದೇಶಗಳ ಸಿಬ್ಬಂದಿ ನಿಯೋಜನೆ - Olympics opening ceremony
ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿನ ಭಾರತೀಯ ಕ್ರೀಡಾಪಟುಗಳ ಪೋಸ್ಟರ್ ಅನ್ನು ಇನ್ಸ್ಟಾಗ್ರಾಮ್ ಸ್ಟೋರಿ ಸೆಕ್ಷನ್ನಲ್ಲಿ ಪೋಸ್ಟ್ ಮಾಡುವ ಮೂಲಕ ಬಾಲಿವುಡ್ ನಟ ಸುನೀಲ್ ಶೆಟ್ಟಿ ಕೂಡ ತಮ್ಮ ಬೆಂಬಲ ಸಂತಸ ವ್ಯಕ್ತಪಡಿಸಿದ್ದಾರೆ. ನಟ ಕ್ರೀಡಾಪಟುಗಳಿಗೆ ಶುಭ ಹಾರೈಸಿ, ಹೆಮ್ಮೆ ವ್ಯಕ್ತಪಡಿಸಿದರು. "ಗೋ ಫಾರ್ ಗ್ಲೋರಿ" ಎಂದು ಪ್ರೋತ್ಸಾಹಿಸಿದರು.
ಇದನ್ನೂ ಓದಿ: ಗೋಲ್ಡನ್ ಸ್ಟಾರ್ ಗಣೇಶ್ 'ದ್ವಾಪರ' ಸಾಂಗ್ ಟ್ರೆಂಡಿಂಗ್ನಲ್ಲಿ: ಸಿನಿಮಾ ನೋಡುವ ಕಾತರ ಹೆಚ್ಚಳ - Dwapara Song
ಒಲಿಂಪಿಕ್ಸ್ 2024ರ ಗ್ರ್ಯಾಂಡ್ ಓಪನಿಂಗ್ ನಿನ್ನೆ ಅಂದರೆ ಜುಲೈ 26ರಂದು ನಡೆದಿದ್ದು, ಆಗಸ್ಟ್ 11 ರಂದು ಕ್ರೀಡೆಗಳು ಮುಕ್ತಾಯಗೊಳ್ಳಲಿದೆ. ಸೀನ್ ನದಿಯ ದಡದಲ್ಲಿ ಒಲಿಂಪಿಕ್ಸ್ ಉದ್ಘಾಟನಾ ಸಮಾರಂಭ ನೆರವೇರಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಫೋಟೋ ವಿಡಿಯೋಗಳು ಸದ್ದು ಮಾಡುತ್ತಿವೆ.
