ಕನ್ನಡ ಚಿತ್ರರಂಗದಲ್ಲಿ ವಿಭಿನ್ನ ಪಾತ್ರಗಳ ಮೂಲಕ ಕನ್ನಡಿಗರ ಮನ ಗೆದ್ದಿರುವ ನಟ ಪೃಥ್ವಿ ಅಂಬಾರ್. 'ದಿಯಾ' ಸ್ಟಾರ್ ಎಂದೇ ಫೇಮಸ್. ವಿಭಿನ್ನ ಪ್ರೇಮಕಥೆ ಮೂಲಕ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾದ ಈ ಚಿತ್ರದಲ್ಲಿ ಪೃಥ್ವಿ ಅಂಬಾರ್ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ಅತಿ ಶೀಘ್ರದಲ್ಲಿ ಮೂರು ಸಿನಿಮಾಗಳು ತೆರೆಕಾಣಲಿದ್ದು, ಸ್ಯಾಂಡಲ್ವುಡ್ ಅಂಗಳದಲ್ಲೀಗ 'ಮತ್ಸ್ಯಗಂಧ' ಚಿತ್ರದ ಘಮಲಿದೆ.
- " class="align-text-top noRightClick twitterSection" data="">
'ದೂರದರ್ಶನ' ಚಿತ್ರದ ಬಳಿಕ ಪೃಥ್ವಿ ಅಂಬಾರ್ ಅಭಿನಯದ ಬಹು ನಿರೀಕ್ಷಿತ ಚಿತ್ರ 'ಮತ್ಸಗಂಧ'. ಶೀರ್ಷಿಕೆಯಿಂದಲೇ ಸ್ಯಾಂಡಲ್ವುಡ್ನಲ್ಲಿ ಕ್ರೇಜ್ ಹುಟ್ಟಿಸಿರೋ ಈ ಚಿತ್ರ ಒಂದಲ್ಲ ಒಂದು ವಿಚಾರವಾಗಿ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ಲವರ್ ಬಾಯ್ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಪೃಥ್ವಿ ಅಂಬಾರ್ ಮತ್ಸ್ಯಗಂಧ ಚಿತ್ರದಲ್ಲಿ ಖಾಕಿ ತೊಟ್ಟು ಕಾನೂನು ಕಾಪಾಡುವ ರಕ್ಷಕನಾಗಿದ್ದಾರೆ. ಈ ಚಿತ್ರದ ಅಧಿಕೃತ ಟೀಸರ್ ಅನ್ನು ಮಿಲಿಯನ್ಗಟ್ಟಲೇ ಜನರು ವೀಕ್ಷಿಸಿದ್ದು, ಭಾಗೀರಥಿ ಹಾಡು ಕೂಡ ಫುಲ್ ವೈರಲ್ ಆಗಿದೆ. ಬ್ಯಾಕ್ ಟು ಬ್ಯಾಕ್ ಕಂಟೆಂಟ್ಗಳೊಂದಿಗೆ ಮತ್ಸ್ಯಗಂಧ ಚಿತ್ರತಂಡ ಸಿನಿಪ್ರಿಯರಲ್ಲಿ ವಿಶೇಷ ಕುತೂಹಲ ಮತ್ತು ನಿರೀಕ್ಷೆ ಹೆಚ್ಚಿಸುತ್ತಿದೆ.
- " class="align-text-top noRightClick twitterSection" data="">
ಮೊದಲು ರಿಲೀಸ್ ಆದ ಭಾಗೀರಥಿ ಹಾಡು ರೀಲ್ಸ್ನಲ್ಲಿ ಟ್ರೆಂಡಿಂಗ್ ಆಗಿದೆ. ಆನ್ಲೈನ್ನಲ್ಲಿ ಸಖತ್ ಸದ್ದು ಮಾಡುತ್ತಿದೆ. ಇದ್ರ ಬೆನ್ನಿಗೆ ರಿಲೀಸ್ ಆದ ಅಫೀಶಿಯಲ್ ಟೀಸರ್ ಕೂಡ ಸಖತ್ ಸದ್ದು ಮಾಡಿದ್ದು, ವೀಕ್ಷಣೆಯಲ್ಲಿ ಮಿಲಿಯನ್ ದಾಟಿದೆ. ಇದೀಗ 'ಕುವಾ ಕುವಾ ಕುವಾಲೆ' ಅನ್ನೋ ಮತ್ತೊಂದು ಹಾಡು ರಿಲೀಸ್ ಆಗಿದ್ದು, ಮತ್ಸ್ಯಗಂಧದ ಮೇಲಿನ ನಿರೀಕ್ಷೆ ಹೆಚ್ಚಾಗಿದೆ. ಚಿತ್ರದಲ್ಲಿ ಪೃಥ್ವಿ ಅಂಬಾರ್ ಜೊತೆ ಭಜರಂಗಿ ಲೋಕಿ, ನಾಗರಾಜ್ ಬೈಂದೂರ್, ಪ್ರಶಾಂತ್ ಸಿದ್ದಿ, ಶರತ್ ಲೋಹಿತಾಶ್ವ, ಮೈಮ್ ರಾಮದಾಸ್ ಸೇರಿದಂತೆ ಪ್ರತಿಭಾನ್ವಿತ ತಾರಾ ಬಳಗವಿದೆ.
- " class="align-text-top noRightClick twitterSection" data="">
