ಮುಂಬೈ: ಬಾಲಿವುಡ್ ಕಿಂಗ್ ಶಾರುಖ್ ಖಾನ್ಗೆ ಪಾರ್ಡೊ ಅಲ್ಲಾ ಕ್ಯಾರಿಯರಾ ಅಸ್ಕೋನಾ-ಲೊಕಾರ್ನೊ ಪ್ರವಾಸೋದ್ಯಮ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಶನಿವಾರ (ಆಗಸ್ಟ್ 10 ರಂದು) ನಡೆದ ಲೊಕಾರ್ನೊ ಚಲನಚಿತ್ರೋತ್ಸವದಲ್ಲಿ ಶಾರುಖ್ ಖಾನ್ಗೆ ಈ ಗೌರವ ನೀಡಲಾಗಿದೆ. ಪ್ರಶಸ್ತಿ ಸಮಾರಂಭದಲ್ಲಿನ ಶಾರುಖ್ ಖಾನ್ ಅವರ ಫೋಟೋಗಳು ಮತ್ತು ವಿಡಿಯೋಗಳು ಭಾರೀ ವೈರಲ್ ಆಗುತ್ತಿವೆ.
ಶಾರುಖ್ ಅವರು ಭಾರತೀಯ ಚಿತ್ರರಂಗಕ್ಕೆ ನೀಡಿದ ಮಹತ್ವದ ಕೊಡುಗೆಗಾಗಿ ಪಾರ್ಡೊ ಅಲ್ಲಾ ಕ್ಯಾರಿಯರಾ ಅಸ್ಕೋನಾ-ಲೊಕಾರ್ನೊ ಪ್ರವಾಸೋದ್ಯಮ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ. ಲೊಕಾರ್ನೊ ಫಿಲ್ಮ್ ಫೆಸ್ಟಿವಲ್‌ನ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಬಾಲಿವುಡ್ ಸೂಪರ್‌ಸ್ಟಾರ್ ಶಾರುಖ್ ಚಿತ್ರಗಳನ್ನು ಹಂಚಿಕೊಳ್ಳಲಾಗಿದೆ. ಶಾರುಖ್ ಕಪ್ಪು ಬಣ್ಣದ ಬ್ಲೇಜರ್ ಮತ್ತು ಮ್ಯಾಚಿಂಗ್ ಪ್ಯಾಂಟ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸೊಗಸಾದ ಕೈಗಡಿಯಾರ ಮತ್ತು ಪೆಂಡೆಂಟ್ ಚೈನ್ ಅನ್ನು ಧರಿಸಿ ಗಮನ ಸೆಳೆದಿದ್ದಾರೆ.
Huge congratulations to SRK for receiving the ‘Pardo alla Carriera Ascona-Locarno Tourism’ award at the Locarno Film Festival! ❤️
— Shah Rukh Khan Universe Fan Club (@SRKUniverse) August 10, 2024
A well-deserved honor for his outstanding contributions to cinema! 👑@iamsrk @FilmFestLocarno#ShahRukhKhan #Locarno77 #PardoAllaCarriera… pic.twitter.com/AhH9mJ1gcO
ಇದೇ ವೇಳೆ, ಶಾರುಖ್ ಖಾನ್ ಪ್ರಶಸ್ತಿ ಪಡೆದ ಪೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ವೈರಲ್ ಆಗುತ್ತಿವೆ. ಶಾರುಖ್ ಖಾನ್ ಫ್ಯಾನ್ ಪೇಜ್ಗಳಲ್ಲೂ ಕೂಡ ಲೊಕಾರ್ನೊ ಫಿಲ್ಮ್ ಫೆಸ್ಟಿವಲ್ ಕಿಂಗ್ ಖಾನ್ ಅವರ ಕೆಲವು ವಿಶೇಷ ಗ್ಲಿಂಪ್‌ಗಳನ್ನು ಹಂಚಿಕೊಳ್ಳಲಾಗಿದೆ. ಕಿಂಗ್ ಖಾನ್ ಪಡೆದ ಪ್ರಶಸ್ತಿಯ ಕಿರುನೋಟವನ್ನು ಪೋಸ್ಟ್‌ನಲ್ಲಿ ಕಾಣಬಹುದಾಗಿದೆ. ಕೆಲವು ಪೋಸ್ಟ್‌ಗಳಲ್ಲಿ ಕಿಂಗ್ ಖಾನ್ ವೇದಿಕೆಯಲ್ಲಿ ಪ್ರಶಸ್ತಿ ಸ್ವೀಕರಿಸುತ್ತಿರುವ ಫೋಟೋಗಳಿವೆ.
Shah Rukh Khan honored with a Career Achievement Award! 👑@iamsrk @FilmFestLocarno#ShahRukhKhan #Locarno77 #PardoAllaCarriera #GlobalSuperstar #LocarnoFilmFestival #KingKhan pic.twitter.com/xWYExd5cH6
— Shah Rukh Khan Universe Fan Club (@SRKUniverse) August 10, 2024
ಶಾರುಖ್ ಎಂಟ್ರಿ ಕೊಡುವ ಆಕರ್ಷಕ ದೃಶ್ಯಗಳು ವೈರಲ್ ಆಗಿರುವ ವಿಡಿಯೋದಲ್ಲಿವೆ. ಶಾರುಖ್ ಖಾನ್ ಸ್ಥಳೀಯ ಭಾಷೆಯನ್ನು ಇಂಗ್ಲಿಷ್‌ಗೆ ಅನುವಾದಿಸುವುದನ್ನು ಕೇಳಬಹುದು. ಶಾರುಖ್ ಖಾನ್ ಅವರ ಬ್ಲಾಕ್ಬಸ್ಟರ್ ಚಿತ್ರ 'ಜವಾನ್'ನ ಒಂದು ದೃಶ್ಯವನ್ನು ಇದೇ ವೇಳೆ ಲೊಕಾರ್ನೊ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶಿಸಲಾಯಿತು.
Hold onto your hearts and feel the buzz! King Khan's global craze knows no bounds – that infectious excitement is simply irresistible! ❤️🔥@iamsrk @FilmFestLocarno#ShahRukhKhan #Locarno77 #PardoAllaCarriera #GlobalSuperstar #LocarnoFilmFestival #KingKhan pic.twitter.com/oKI9i2MevK
— Shah Rukh Khan Universe Fan Club (@SRKUniverse) August 10, 2024
1946ರಲ್ಲಿ ಆರಂಭವಾದ ಲೊಕಾರ್ನೊ ಚಲನಚಿತ್ರೋತ್ಸವವು ವಿಶ್ವದ ಅತ್ಯಂತ ಹಳೇಯ ವಾರ್ಷಿಕ ಚಲನಚಿತ್ರೋತ್ಸವಗಳಲ್ಲಿ ಒಂದಾಗಿದೆ. 77ನೇ ಲೊಕಾರ್ನೊ ಚಲನಚಿತ್ರೋತ್ಸವವು ಆಗಸ್ಟ್ 7ರಿಂದ ಪ್ರಾರಂಭವಾಗಿದೆ. ಆಗಸ್ಟ್ 17, 2024ರಂದು ಕೊನೆಗೊಳ್ಳಲಿದೆ. ಈ ಸಮಯದಲ್ಲಿ ಚಲನಚಿತ್ರೋತ್ಸವದ 77ನೇ ಆವೃತ್ತಿಯಲ್ಲಿ 225 ಚಲನಚಿತ್ರಗಳನ್ನು ಪ್ರದರ್ಶಿಸಲಾಗುತ್ತದೆ. ಇದರಲ್ಲಿ 15 ಚೊಚ್ಚಲ ಚಲನಚಿತ್ರಗಳೂ ಸೇರಿವೆ.
ಇದನ್ನೂ ಓದಿ: ಅಮೃತ, ಸಮೀರ್ ಅಭಿನಯದ 'ಓ ಏ ಲಡ್ಕಿ' ಆಲ್ಬಂ ಸಾಂಗ್ಗೆ ರಾಗಿಣಿ ದ್ವಿವೇದಿ ಸಾಥ್ - Oy Yeah Ladki
