ಬಾಲಿವುಡ್ನ ಆಕರ್ಷಕ ತಾರಾ ದಂಪತಿಗಳಲ್ಲಿ ಒಂದಾದ ಕಿಯಾರಾ ಅಡ್ವಾಣಿ ಹಾಗೂ ಸಿದ್ಧಾರ್ಥ್ ಮಲ್ಹೋತ್ರಾ ಜೋಡಿ ಇತ್ತೀಚಿಗೆ ದುಬೈ ಕಾರ್ಯಕ್ರಮವೊಂದರಲ್ಲಿ ಅತ್ಯಾಕರ್ಷಕ ವಸ್ತ್ರ ವಿನ್ಯಾಸದಲ್ಲಿ ಕಾಣಿಸಿಕೊಂಡರು. ಕಿಯಾರಾ ಸ್ಟ್ರಾಪ್ಲೆಸ್ ಕಪ್ಪು ಗೌನ್ ಮತ್ತು ಹರಳಿನ ಆಭರಣ ಧರಿಸಿದ್ದರೆ, ಸಿದ್ಧಾರ್ಥ್ ಕಪ್ಪು ಟುಕ್ಸೆಡೋ, ಬೋ ಟೈ ಮತ್ತು ಕಿತ್ತಾಳೆ ಬಣ್ಣದ ಜಾಕೆಟ್ನಲ್ಲಿ ಫ್ಯಾಶನ್ಪ್ರಿಯರ ಗಮನ ಸೆಳೆದರು. ಭಾರತಕ್ಕೆ ಹಿಂತಿರುಗಿರುವ ಜೋಡಿ, ತಾವು ಕ್ಯಾಮರಾಗೆ ಪೋಸ್ ನೀಡುತ್ತಿರುವ ತೆರೆಮರೆಯ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ವಿಡಿಯೋದ ಜೊತೆಗೆ, "ನನ್ನ ಒನ್ ಆ್ಯಂಡ್ ಓನ್ಲಿ @ooonezabeel @ooresortsನಲ್ಲಿ ಓಪನಿಂಗ್ ನೈಟ್" ಎಂದು ಬರೆದಿದ್ದಾರೆ.
ಇನ್ನು ಸಿನಿಮಾಗಳತ್ತ ಕಣ್ಣಾಯಿಸುವುದಾದರೆ, ಸಿದ್ಧಾರ್ಥ್ ಮಲ್ಹೋತ್ರಾ ಅಭಿನಯದ ರೋಹಿತ್ ಶೆಟ್ಟಿ ನಿರ್ದೇಶನದ 'ಇಂಡಿಯನ್ ಪೊಲೀಸ್ ಫೋರ್ಸ್' ವೆಬ್ ಸಿರೀಸ್ ಇತ್ತೀಚೆಗೆ ಬಿಡುಗಡೆಗೊಂಡಿದೆ. ಇದರಲ್ಲಿ ಸಿದ್ಧಾರ್ಥ್ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದಾರೆ. ಈ ಸಿರೀಸ್ನಲ್ಲಿ ಶಿಲ್ಪಾ ಶೆಟ್ಟಿ ಹಾಗೂ ವಿವೇಕ್ ಒಬೆರಾಯ್ ಕೂಡ ಪ್ರಮುಖ ಪಾತ್ರಗಳನ್ನು ಮಾಡಿದ್ದಾರೆ. ಇದಾದ ಬಳಿಕ 'ಯೋಧಾ' ಎಂಬ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ದಿಶಾ ಪಟಾನಿ ಹಾಗೂ ರಾಶಿ ಖನ್ನಾ ಕೂಡ ಇವರೊಂದಿಗೆ ತೆರೆ ಹಂಚಿಕೊಳ್ಳುವರು.