ಹೈದರಾಬಾದ್: ಕೊರಟಾಲ ಶಿವ ನಿರ್ದೇಶನದ ''ದೇವರ: ಭಾಗ 1'' ಕಳೆದ ದಿನ ಬಹಳ ಅದ್ಧೂರಿಯಾಗಿ ತೆರೆಕಂಡಿದೆ. ಬಹುತೇಕ ಮೆಚ್ಚುಗೆಯನ್ನೇ ಸ್ವೀಕರಿಸಿರುವ ತೆಲುಗು ಸೂಪರ್ ಸ್ಟಾರ್ ಜೂನಿಯರ್ ಎನ್ಟಿಆರ್ ಮುಖ್ಯಭೂಮಿಕೆಯ ಈ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಕಮಾಲ್ ಮಾಡಿದೆ. ದೊಡ್ಡ ಮಟ್ಟದ ಗಳಿಕೆಯೊಂದಿಗೆ ಬಾಕ್ಸ್ ಆಫೀಸ್ ಪ್ರಯಾಣ ಪ್ರಾರಂಭಿಸಿದೆ. ಗಮನಾರ್ಹವಾಗಿ, 'ಕಲ್ಕಿ 2898 ಎಡಿ' ದಾಖಲೆಯನ್ನೂ ಮೀರಿಸಿ, ತೆಲುಗು ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾವಾಗಿ ಹೊರಹೊಮ್ಮಿದೆ.
ಶುಕ್ರವಾರ ತೆರೆಗಪ್ಪಳಿಸಿದ 'ದೇವರ' ಸಿನಿಮಾವನ್ನು ಅಭಿಮಾನಿಗಳು ಬಹಳ ಅದ್ಧೂರಿಯಾಗಿ ಸ್ವಾಗತಿಸಿದ್ದಾರೆ. 'ದೇವರ ಭಾಗ 1' ನಿರ್ಮಾಪಕರಾದ ಯುವಸುಧಾ ಆರ್ಟ್ಸ್, ಇಂದು ಚಿತ್ರದ ಮೊದಲ ದಿನದ ವಿಶ್ವದಾದ್ಯಂತ ಗಳಿಕೆಯ ಅಂಕಿಅಂಶಗಳನ್ನು ಹಂಚಿಕೊಂಡಿದೆ. ಚಿತ್ರ ಮೊದಲ ದಿನವೇ ವಿಶ್ವದಾದ್ಯಂತ ಬಾಕ್ಸ್ ಆಫೀಸ್ನಲ್ಲಿ 172 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ.
2024ರಲ್ಲಿ ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾಗಳು (ಗ್ರಾಸ್ ಕಲೆಕ್ಷನ್):
- ಕಲ್ಕಿ 2898 ಎಡಿ – 191.5 ಕೋಟಿ ರೂಪಾಯಿ.
- ದೇವರ ಭಾಗ 1 - 172 ಕೋಟಿ ರೂಪಾಯಿ.
- ಗೋಟ್ - 126.3 ಕೋಟಿ ರೂಪಾಯಿ.
- ಸ್ತ್ರೀ 2 - 80.2 ಕೋಟಿ ರೂಪಾಯಿ.
- ಗುಂಟೂರು ಕರಮ್ - 73.2 ಕೋಟಿ ರೂಪಾಯಿ.
- ಇಂಡಿಯನ್ 2 - 56.2 ಕೋಟಿ ರೂಪಾಯಿ.
- ಫೈಟರ್ - 30.8 ಕೋಟಿ ರೂಪಾಯಿ.
ಈ ವರ್ಷ ಚಿತ್ರಮಂದಿರಗಳಲ್ಲಿ ಅದ್ಧೂರಿಯಾಗಿ ಬಿಡುಗಡೆ ಆದ ದಳಪತಿ ವಿಜಯ್ ಅವರ ಗೋಟ್, ಶ್ರದ್ಧಾ ಕಪೂರ್ ಅಭಿನಯದ ಸ್ತ್ರೀ 2, ಮಹೇಶ್ ಬಾಬು ಅವರ ಗುಂಟೂರು ಖಾರಮ್, ಕಮಲ್ ಹಾಸನ್ ಮುಖ್ಯಭೂಮಿಕೆಯ ಇಂಡಿಯನ್ 2 ಮತ್ತು ಹೃತಿಕ್ ರೋಷನ್ ನಟನೆಯ 'ಫೈಟರ್' ಚಿತ್ರಗಳ ಮೊದಲ ದಿನದ ಕಲೆಕ್ಷನ್ ಅನ್ನು ಹಿಂದಿಕ್ಕಿ ಸೌತ್ ಸೂಪರ್ ಸ್ಟಾರ್ ಜೂನಿಯರ್ ಎನ್ಟಿಆರ್ ಅಭಿನಯದ 'ದೇವರ' 172 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ.
ಆಲ್ ಟೈಮ್ ಬಿಗ್ಗೆಸ್ಟ್ ಓಪನಿಂಗ್ ಮೂವೀಸ್ (ಭಾರತದಲ್ಲಿ ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ)
(ಗ್ರಾಸ್ ಕಲೆಕ್ಷನ್)
- ಆರ್ಆರ್ಆರ್ - 223.5 ಕೋಟಿ ರೂ.
- ಬಾಹುಬಲಿ 2 - 214.5 ಕೋಟಿ ರೂ.
- ಕಲ್ಕಿ 2898 ಎಡಿ – 182.6 ಕೋಟಿ ರೂ.
- ದೇವರ ಭಾಗ 1 - 172 ಕೋಟಿ ರೂ.
- ಸಲಾರ್ - 165.3 ಕೋಟಿ ರೂ.
- ಕೆಜಿಎಫ್ 2 - 162.9 ಕೋಟಿ ರೂ.
- ಲಿಯೋ - 142.8 ಕೋಟಿ ರೂ.
- ಆದಿಪುರುಷ್ - 136.8 ಕೋಟಿ ರೂ.
- ಜವಾನ್ - 129.6 ಕೋಟಿ ರೂ.
- ಸಾಹೋ - 125.6 ಕೋಟಿ ರೂ.
- ಅನಿಮಲ್ - 115.9 ಕೋಟಿ ರೂ.
ಇದನ್ನೂ ಓದಿ: ರಾಕಿಭಾಯ್ ''ಟಾಕ್ಸಿಕ್'' ಚಿತ್ರದಲ್ಲಿ ಹಾಲಿವುಡ್, ಟಾಲಿವುಡ್ ನಟರು? - Yash Toxic Updates
