ಅದ್ಧೂರಿ, ಹಿಟ್ ಸಿನಿಮಾಗಳಿಗೆ ಹೆಸರುವಾಸಿಯಾಗಿರುವ ಕನ್ನಡ ಚಿತ್ರರಂಗದ ಪ್ರತಿಷ್ಠಿತ ಚಲನಚಿತ್ರ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲ್ಮ್ಸ್ನಿಂದ ಹೊಸ ಪ್ರಾಜೆಕ್ಟ್ ಘೋಷಣೆಯಾಗಿದೆ. ಕುತೂಹಲ ಕೆರಳಿಸುವಂತ ಪೋಸ್ಟರ್ ಅನಾವರಣಗೊಳಿಸಿ ಇಂದು ಪ್ಯಾನ್ ಇಂಡಿಯಾ ಸಿನಿಮಾವನ್ನು ಅನೌನ್ಸ್ ಮಾಡಿದ್ದಾರೆ. ನಾಳೆ ಚಿತ್ರದ ಫಸ್ಟ್ ಲುಕ್ ಹೊರಬೀಳಲಿದೆ.
ಇತ್ತೀಚೆಗಷ್ಟೇ ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಜೊತೆಗೆ ಮೂರು ಹೊಸ ಸಿನಿಮಾಗಳನ್ನು ಘೋಷಿಸುವ ಮೂಲಕ ಭಾರತೀಯ ಚಿತ್ರರಂಗದಾದ್ಯಂತ ಸಖತ್ ಸದ್ದು ಮಾಡಿದ್ದ ದಕ್ಷಿಣ ಚಿತ್ರರಂಗದ ಜನಪ್ರಿಯ ಸಿನಿಮಾ ನಿರ್ಮಾಣ ಸಂಸ್ಥೆಯೀಗ ಒಂದು ಅನೌನ್ಸ್ಮೆಂಟ್ ಮಾಡಿದೆ. ಈ ಅನೌನ್ಸ್ಮೆಂಟ್ ಆ ಮೂರು ಚಿತ್ರಗಳಿಗೆ ಸಂಬಂಧಿಸಿದ್ದೇ? ಅಥವಾ ಸಂಪೂರ್ಣ ಹೊಸ ಸಿನಿಮಾವೇ? ಎಂಬುದು ಇನ್ನಷ್ಟೇ ತಿಳಿದು ಬರಬೇಕಿದೆ.
ಕನ್ನಡ, ತೆಲುಗು, ಹಿಂದಿ, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ಸಿನಿಮಾ ಮೂಡಿ ಬರಲಿದ್ದು, ಅಶ್ವಿನ್ ಕುಮಾರ್ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ. ಪೌರಾಣಿಕ ಪಾತ್ರದ ಕೈಯುಳ್ಳ ಪೋಸ್ಟರ್ ನೋಡುಗರ ಕುತೂಹಲ ಕೆರಳಿಸಿದೆ. ನಾಳೆ ಮಧ್ಯಾಹ್ನ 3:33ಕ್ಕೆ ಚಿತ್ರದ ಫಸ್ಟ್ ಲುಕ್ ಹೊರಬೀಳಲಿದೆ. ನಂಬಿಕೆಗೆ ಸವಾಲು ಎದುರಾಗಾದ, ಅವನು ಕಾಣಿಸಿಕೊಳ್ಳುತ್ತಾನೆ ಎಂಬ ಕ್ಯಾಪ್ಷನ್ ಸಿನಿಮಾ ಸುತ್ತಲಿನ ನಿರೀಕ್ಷೆ, ಕುತೂಹಲವನ್ನು ಹೆಚ್ಚಿಸಿದೆ. ಈ ಪೋಸ್ಟರ್ ಗಮಿಸಿದ್ರೆ ಸೂಪರ್ ಸ್ಟಾರ್ ಪ್ರಭಾಸ್ ಹನುಮಾನ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಾ ಎಂಬ ಪ್ರಶ್ನೆ ಎದ್ದಿದೆ.
ಸದ್ಯ ಕೆಜಿಎಫ್ ನಿರ್ಮಾಪಕರಿಂದ ಅನಾವರಣಗೊಂಡಿರುವ ಸರ್ಪ್ರೈಸಿಂಗ್ ಪೋಸ್ಟರ್ ಗಮನಿಸಿದ ನೆಟ್ಟಿಗರು, ಅಭಿಮಾನಿಗಳು ಈ ಪೋಸ್ಟರ್ ಯಾವ ಪ್ರಾಜೆಕ್ಟ್‌ನಿಂದ ಬಂದಿದೆ ಎಂಬ ಗೊಂದಲದಲ್ಲಿದ್ದಾರೆ. ಇತ್ತೀಚೆಗಷ್ಟೇ ಘೋಷನೆಯಾಗಿರುವ ಮೂರು ಮೆಗಾ ಪ್ರಾಜೆಕ್ಟ್ಗಳಲ್ಲಿ ಯಾವುದಾದರೊಂದೇ ಅಥವಾ ಹೊಸ ಸಿನಿಮಾವೇ ಎಂಬುದು ನಾಳೆ ಸ್ಪಷ್ಟವಾಗಲಿದೆ. ಸದ್ಯ ನಿರ್ದೇಶಕರ ಮಾಹಿತಿ ಅಷ್ಟೇ ಇದ್ದು, ನಾಯಕ ನಟ ಮತ್ತು ಟೈಟಲ್ ನಾಳೆ ಹೊರಬೀಳುವ ಸಾಧ್ಯತೆ ಇದೆ. ಸದ್ಯ ಪೋಸ್ಟರ್ ಕುರಿತು ಹಲವು ಪ್ರಶ್ನೆಗಳು ಅಭಿಮಾನಿಗಳಲ್ಲಿದೆ.
ಇದನ್ನೂ ಓದಿ: ಭೈರತಿ ರಣಗಲ್: ಡಾಲಿ ಧನಂಜಯ್ ಭರ್ಜರಿ ಡ್ಯಾನ್ಸ್; ಹೇಗಿದೆ ಸಿನಿಮಾ?
ಇದೇ ನವೆಂಬರ್ 8ರಂದು ಹೊಂಬಾಳೆ ಫಿಲ್ಮ್ಸ್ ಮೂರು ಪ್ರಾಜೆಕ್ಟ್ಗಳನ್ನು ಅನೌನ್ಸ್ ಮಾಡಿತ್ತು. ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ನಾಯಕ ನಟ ಎಂಬುದರ ಜೊತೆಗೆ 2026, 2027, 2028ಕ್ಕೆ ಕ್ರಮವಾಗಿ ಸಿನಿಮಾಗಳು ಬಿಡುಗಡೆ ಆಗಲಿವೆ ಎಂಬುದನ್ನು ತಿಳಿಸಿತ್ತು. ಪೋಸ್ಟ್ ಶೇರ್ ಮಾಡಿದ್ದ ಚಲನಚಿತ್ರ ನಿರ್ಮಾಣ ಸಂಸ್ಥೆ, ''ಅದ್ಭುತ ಸಿನಿಮೀಯ ಅನುಭವ ಒದಗಿಸುವ ಗುರಿಯನ್ನು ಹೊಂದಿರುವ 3 ಚಲನಚಿತ್ರಗಳನ್ನು ರೆಬೆಲ್ ಸ್ಟಾರ್ ಪ್ರಭಾಸ್ ಅವರೊಂದಿಗೆ ಸೇರಿ ಮಾಡಲು ನಾವು ಬಹಳ ಹೆಮ್ಮೆಪಡುತ್ತೇವೆ. ಮುಂದಿನ ನಡೆ ಅಪರಿಮಿತ. ಸಲಾರ್ 2 ಸಿನಿಮಾದೊಂದಿಗೆ ಈ ಪಯಣ ಪ್ರಾರಂಭವಾಗುತ್ತಿದ್ದು, ರೆಡಿಯಾಗಿ'' ಎಂದು ಬರೆದುಕೊಂಡಿದ್ದರು. ಸಲಾರ್ 2 ಸೇರಿ ಮತ್ತೆರಡು ಹೊಸ ಸಿನಿಮಾಗಳನ್ನು ಅಂದು ಅನೌನ್ಸ್ ಮಾಡಿದ್ದರು. ಅದರಲ್ಲೊಂದು ಇಂದಿನ ಅನೌನ್ಸ್ಮೆಂಟ್ಗೆ ಸಂಬಂಧಿಸಿರುವ ಸಾಧ್ಯತೆ ಹೆಚ್ಚಿದೆ. 2026, 2027, 2028ಕ್ಕೆ ಈ ಸಿನಿಮಾಗಳು ಚಿತ್ರಮಂದಿರಗಳನ್ನು ಪ್ರವೇಶಿಸಲಿದ್ದು, ನಿಗದಿತ ದಿನಾಂಕ ಇನ್ನಷ್ಟೇ ತಿಳಿದುಬರಬೇಕಿದೆ.
ಇದನ್ನೂ ಓದಿ: ತುಳುನಾಡಿನ ಸಂಪ್ರದಾಯ ಮರೆಯದ ಐಶ್ವರ್ಯಾ ರೈ: ಭಾಷಾಪ್ರೇಮದ ವಿಡಿಯೋ ನೋಡಿ
ದಿ ರಾಜಾ ಸಾಬ್, ಸ್ಪಿರಿಟ್, ಕಲ್ಕಿ 2 ಮತ್ತು ಫೌಜಿಯಂತಹ ಸಿನಿಮಾಗಳು ಪ್ರಭಾಸ್ ಕೈಯಲ್ಲಿದ್ದು, ಈ ಮೂರು ಚಿತ್ರಗಳು ಇತ್ತೀಚಿನ ಅನೌನ್ಸ್ಮೆಂಟ್. ಕೊನೆಯದಾಗಿ ಕಲ್ಕಿ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೇ ಸಾಲಿನ ಮೇ 9ರಂದು ತೆರೆಕಂಡ ಬಹುತಾರಾಗಣದ ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು.
