ಕನ್ನಡ ಕಿರುತೆರೆಯ ಬಿಗ್ ಬಾಸ್ ಕಾರ್ಯಕ್ರಮ ಸರಿಸುಮಾರು 80 ದಿನಗಳ ಆಟ ಮುಗಿಸಿದ್ದು, ಫಿನಾಲೆ ಸಮೀಪಿಸುತ್ತಿದೆ. ಆಟ ಮತ್ತಷ್ಟು ರೋಚಕತೆಯಿಂದ ಕೂಡಿದ್ದು, ಸ್ಪರ್ಧಿಗಳ ವರ್ತನೆ ಸಹ ಬದಲಾಗುತ್ತಿದೆ. ಇಂದಿನ ಸಂಚಿಕೆಯಲ್ಲಿ ರಜತ್ ಕಿಶನ್ ಮತ್ತು ಗೌತಮಿ ಜಾಧವ್ ನಡುವೆ ಮಾತಿಗೆ ಮಾತು ಬೆಳೆದಿದ್ದು, ಮುಂದೆ ಏನಾಗಲಿದೆ ಎಂಬ ಕುತೂಹಲ ಅಭಿಮಾನಿಗಳದ್ದು.
'ಪಾಸಿಟಿವಿಟಿ ಜಪ ಬಿಟ್ಟು ಕಡೆಗೂ ರೊಚ್ಚಿಗೆದ್ರಾ ಗೌತಮಿ?' ಬಿಗ್ ಬಾಸ್ ಕನ್ನಡ ಸೀಸನ್ 11, ಸೋಮ - ಶುಕ್ರ ರಾತ್ರಿ 9:30ಕ್ಕೆ ಪ್ರಸಾರ ಎಂಬ ಕ್ಯಾಪ್ಷನ್ನಡಿ ಬಿಗ್ ಬಾಸ್ ಪ್ರೋಮೋ ಅನಾವರಣಗೊಂಡಿದೆ. ಇದರಲ್ಲಿ ರಜತ್ ಮತ್ತು ಗೌತಮಿ ನಡುವೆ ಮಾತಿಗೆ ಮಾತು ಬೆಳೆದಿರೋದನ್ನು ಕಾಣಬಹುದು.
ಇಡೀ ಬಿಗ್ ಬಾಸ್ ಮನೆಯಲ್ಲಿ ಕಸ ತುಂಬಿಕೊಂಡಿದೆ. 60 ನಿಮಿಷಗೊಳಗಾಗಿ ಸ್ಪರ್ಧಿಗಳು ಮನೆಯನ್ನು ಸ್ವಚ್ಛಗೊಳಿಸಬೇಕು ಎಂದು ಬಿಗ್ ಬಾಸ್ ಸೂಚಿಸಿದ್ದಾರೆ. ಸ್ಪರ್ಧಿಗಳೆಲ್ಲ ಕೆಲಸ ಶುರು ಹಚ್ಚಿಕೊಂಡಿದ್ದಾರೆ. ರಜತ್ ಒಂದು ಬದಿ ಕುಳಿತುಕೊಂಡಿದ್ದು, ಒಬ್ಬರೇ ಸುಮ್ನೆ ಕುಳಿತಿರುವುದನ್ನು ನೋಡಲು ಆಗುತ್ತಿಲ್ಲ ಎಂಬ ಮಾತು ಮನೆಯ ಇತರ ಸ್ಪರ್ಧಿಗಳ ಕಡೆಯಿಂದ ಬಂದಿದೆ.
ಗೌತಮಿ ಮಾತನಾಡಿ, ಡೈಲಾಗ್ ಹೊಡಿ, ಕೂತ್ಕೋ, ಒಂದಷ್ಟ್ ಹಣ್ ತಿನ್ನು ಎಂದಿದ್ದಾರೆ. ಕೆರಳಿದ ರಜತ್ ಏನ್ ಮನೆಯಿಂದ ತಂದ್ ಕೊಟ್ಟಿದ್ದೀಯಾ ನೀನು ಎಂದಿದ್ದಾರೆ. ನಿಮ್ಮಂತೋನಿಗೆ ಹೆದ್ರೋದೆ ಇಲ್ಲ ನಾನು ಎಂದು ಗೌತಮಿ ತಿಳಿಸಿದ್ದಾರೆ. ಗೌತಮಿ ಬಳಿ ಪಿಲ್ಲೋ ಎಸೆದ ರಜತ್, ಡ್ರಾಮಾ ಮಾಡ್ಕೊಂಡೇ ಬಂದ್ಬುಟ್ಟೆ 12 ವಾರಗಳಿಂದ, ಒಂದ್ ಬಕೆಟ್ ಇನ್ನೊಂದ್ ಬಕೆಟ್ ಇಡ್ಕೊಂಡಿರೋದನ್ನು ಫಸ್ಟ್ ಟೈಮ್ ನೋಡಿದ್ದು, ನೀನ್ ದಬಾಕಿರೋದನ್ನು 12 ವಾರಗಳಿಂದ ನೋಡಿದ್ದೀನಿ, ಸಪೋರ್ಟ್ ಬೇಕು ಅಂತಾ ಯಾರದ್ದೋ ಕಾಲ್ ಹಿಡಿದುಕೊಂಡು ಹೋಗೋದಲ್ಲ, ತಾಕತ್ತಿದ್ರೆ ಇಂಡ್ಯುವಿಶುವಲ್ ಆಗಿ ಅಡು ಎಂದು ರಜತ್ ಮಾತಿನ ಮಳೆ ಸುರಿಸಿದ್ದಾರೆ.
ಇದನ್ನೂ ಓದಿ: ಅತ್ಯದ್ಭುತ ನಿರ್ದೇಶನ ಮಾತ್ರವಲ್ಲ, ನೃತ್ಯಕ್ಕೂ ಸೈ ರಾಜಮೌಳಿ : ಜಕ್ಕಣ್ಣನ ಜಬರ್ದಸ್ತ್ ಡ್ಯಾನ್ಸ್ ನೋಡಿ
ತಾಳ್ಮೆ, ಪಾಸಿಟಿವಿಟಿಗೆ ಹೆಸರುವಾಸಿಯಾಗಿರುವ ಗೌತಮಿ ಈ ಬಾರಿ ಮಾತಿಗೆ ಮಾತು ಕೊಟ್ಟಿದ್ದಾರೆ. ಡ್ರಾಮಾಗೆ ತಿರುಗೇಟು ಎಂಬಂತೆ ಡೈಲಾಗ್ ಹೊಡ್ಕೊಂಡು ನೀವುಗಳೇ ಇಲ್ವಾ ಈ ಮನೆಯಲ್ಲಿ ಎಂದಿದ್ದಾರೆ. ನಡಿಯೋಕೆ ಅಲ್ಲಾ ಗುರು ಈ ಮನೆಗೆ ಬಂದಿರೋದು ಎಂದೆಲ್ಲಾ ಪ್ರತಿಕ್ರಿಯಿಸಿದ್ದಾರೆ. ಸಂಪೂರ್ಣ ಸನ್ನಿವೇಶ ನೋಡಲು ವೀಕ್ಷಕರು ಕಾತರರಾಗಿದ್ದಾರೆ.
ಈ ವಾರ ಆಟ ಮುಗಿಸಿದವರು ಶಿಶಿರ್! ಕಳೆದ ಸಂಚಿಕೆಯಲ್ಲಿ ಶಿಶಿರ್ ಅವರು ಎಲಿಮಿನೇಟ್ ಆಗಿದ್ದಾರೆ. ಟಫ್ ಕಂಟಸ್ಟೆಂಟ್ಗಳಲ್ಲಿ ಒಬ್ಬರಾಗಿ ಗುರುತಿಸಿಕೊಂಡಿದ್ದ ಇವರು ಮನೆಯಿಂದ ಹೊರಬಂದಿದ್ದು, ಅಭಿಮಾನಿಗಳಿಗೆ ನೋವುಂಟುಮಾಡಿದೆ. ಬಿಗ್ ಬಾಸ್ ಫಿನಾಲೆ ತಲುಪುತ್ತಿರುವ ಹಿನ್ನೆಲೆ, ಇನ್ಮುಂದೆ ನಾಮಿನೇಷನ್, ಎಲಿಮಿನೇಷನ್ ಬಿಸಿ ಜೋರಾಗಿರಲಿದೆ.
ಇದನ್ನೂ ಓದಿ: ವಿಡಿಯೋ: ಜೈಲಿನಿಂದ ಹೊರಬಂದ ಅಲ್ಲು ಅರ್ಜುನ್ ಭೇಟಿಯಾದ ಉಪೇಂದ್ರ; ಐಕಾನ್ ಸ್ಟಾರ್ ಬಿಗಿದಪ್ಪಿದ ರಿಯಲ್ ಸ್ಟಾರ್
ಬಿಗ್ ಬಾಸ್ 50 ದಿನಗಳನ್ನು ಪೂರೈಸಿದ ಹೊತ್ತಲ್ಲಿ ವೈಲ್ಡ್ ಕಾರ್ಡ್ ಮೂಲಕ ಮನೆ ಪ್ರವೇಶಿಸಿದ ರಜತ್ ಕಿಶನ್ ಅತಿ ಕಡಿಮೆ ಅವಧಿಯಲ್ಲಿ ಹೆಚ್ಚು ಜನಪ್ರಿಯರಾಗಿದ್ದಾರೆ. ಆದರೆ ಕೆಲವೊಮ್ಮೆ ಹೆಚ್ಚು ಆರ್ಭಟಿಸುವ ಹಿನ್ನೆಲೆ ಅವರ ನಡೆಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತವೆ. ಅದರಂತೆ, ಇಂದಿನ ಸಂಪುರ್ಣ ಸಂಚಿಕೆ ವೀಕ್ಷಿಸಲು ವೀಕ್ಷಕರು ಎದುರು ನೋಡುತ್ತಿದ್ದಾರೆ.
